ଏସ୍‌ବିଆଇ ପକ୍ଷରୁ ୟୋନୋ ଓ ୟୋନା ଲାଇଟ୍‌ରେ “ସିମ୍ ବାଇଣ୍ଡିଂ” ସୁବିଧା ଆରମ୍ଭ

ଓଡ଼ିଶା ତାଜା ନ୍ୟୁଜ (୩ ଅଗଷ୍ଟ ମଙ୍ଗଳବାର ) ଭୁବନେଶ୍ୱର :- ଗ୍ରାହକମାନଙ୍କ ସ୍ୱାର୍ଥର ସୁରକ୍ଷା ଲାଗି ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ) ପକ୍ଷରୁ ଏକ ନୂଆ ଓ ଉନ୍ନତ ସୁବିଧା ସିମ୍ ବାଇଣ୍ଡିଂକୁ ୟୋନୋ ଓ ୟୋନୋ ଲାଇଟ୍‌ରେ ଆରମ୍ଭ କରାଯାଇଛି । ଏହା ଗ୍ରାହକମାନଙ୍କୁ ବିଭିନ୍ନ ପ୍ରକାରର ଡିଜିଟାଲ୍ ଠକେଇରୁ ସୁରକ୍ଷା ପ୍ରଦାନ କରିବ । ଏହି ସୁବିଧା ଯୋଡ଼ା ଯାଇଥିବାରୁ ୟୋନୋ ଓ ୟୋନୋ ଲାଇଟ୍ କେବଳ ପଞ୍ଜୀକୃତ ହୋଇଥିବା ମୋବାଇଲ୍ ନମ୍ବର ସିମ୍ ଯେଉଁ ଫୋନ୍‌ରେ କାର୍ଯ୍ୟ କରିବ । ଏହି ସୁବିଧା ହାସଲ କରିବା ଲାଗି ଗ୍ରାହକ ମାନଙ୍କୁ ୟୋନୋ କିମ୍ବା ୟୋନୋ ଲାଇଟ୍ ଆପ୍‌କୁ ଅପ୍‌ଡେଟ୍ କରି ସେଥିରେ ଥରେ ମାତ୍ର ପଞ୍ଜୀକରଣ କରିବାକୁ ହେବ । ପଞ୍ଜୀକରଣ ପ୍ରକ୍ରିୟାରେ ପଞ୍ଜୀକୃତ ହୋଇଥିବା ମୋବାଇଲ୍‌ ନମ୍ବରକୁ ଯାଂଚ କରାଯିବ । ଏହା ପୂର୍ବରୁ ଗ୍ରାହକଙ୍କୁ ନିଶ୍ଚିତ କରିବାକୁ ହେବ ଯେ ବ୍ୟାଙ୍କରେ ପଞ୍ଜୀକୃତ ହୋଇଥିବା ନମ୍ବରଟି ଆପ୍ ଡାଉନ୍‌ଲୋଡ୍ ହୋଇଥିବା ଫୋନ୍‌ରେ ରହିଛି । ଏହି ଅବସରରେ ରାଣା ଆଶୁତୋଷ କୁମାର ସିଂହ, ଡିଏମ୍‌ଡି (ଷ୍ଟ୍ରାଟେଜି) ଓ ଚିଫ୍ ଡିଜିଟାଲ୍ ଅଫିସର, ଏସବିଆଇ କହିଛନ୍ତି ଯେ,

“ଦୁଇଟି ଲୋକପ୍ରିୟ ପ୍ଲାଟଫର୍ମ ୟୋନୋ ଓ ୟୋନୋ ଲାଇଟ୍‌ରେ ସିମ୍‌ ବାଇଣ୍ଡିଂ ସୁବିଧାର ଶୁଭାରମ୍ଭ କରାଯାଇଥିବାରୁ ଆମେ ଖୁସି । ଏହି ନୂତନ ସୁବିଧା ସହିତ ଆମର ଲକ୍ଷ୍ୟ ହେଛି ଆମର ସମସ୍ତ ଗ୍ରାହକମାନଙ୍କୁ ଉନ୍ନତ ସୁରକ୍ଷା ପ୍ରଦାନ କରିବା ଏବଂ ସେମାନଙ୍କୁ ସୁରକ୍ଷିତ ଓ ସୁବିଧାଜନକ ବ୍ୟାଙ୍କ ଅନୁଭୂତି ହାସଲ କରିବାରେ ସହାୟତା ଯୋଗାଇବା । ନିଜ ଘରେ ଆରାମରେ ରହି ଡିଜିଟାଲ୍‌ ବ୍ୟାଙ୍କିଙ୍ଗ୍ ସେବା ହାସଲ କରିବା ଓ ୟୋନୋ ଓ ୟୋନୋ ଲାଇଟ୍‌ରେ ବ୍ୟାଙ୍କିଙ୍ଗ୍ ଓ ଜୀବନଶୈଳୀ ସମାଧାନ ହାସଲ କରିବା ଲାଗି ଏସବିଆଇରେ ଆମେ ଗ୍ରାହକମାନଙ୍କୁ ସର୍ବଦା ଉତ୍ସାହିତ କରୁଛୁ ।’’ ୟୋନୋ ଓ ୟୋନୋ ଲାଇଟ୍ ଗୋଟିଏ ମୋବାଇଲ୍ ଡିଭାଇସ୍‌-ଜଣେ ବ୍ୟବହାରକାରୀ-ଗୋଟିଏ ପଞ୍ଜୀକୃତ ମୋବାଇଲ୍ ନମ୍ବରରେ କାର୍ଯ୍ୟ କରିବ । ଗ୍ରାହକମାନେ ପଞ୍ଜୀକୃତ ମୋବାଇଲ୍ ନମ୍ବର ସିମ୍‌କୁ ବ୍ୟବହାର କରି ଗୋଟିଏ ଡିଭାଇସ୍‌ରେ ଉଭୟ ୟୋନୋ ଓ ୟୋନୋ ଲାଇଟ୍‌କୁ ବ୍ୟବହାର କରିପାରିବେ । ସିମ୍ ବାଇଣ୍ଡିଂ ସୁବିଧାରେ ଗ୍ରାହକମାନେ ଡୁଆଲ୍ ସିମ୍‌ରେ ମଧ୍ୟ ୟୋନୋ ଓ ୟୋନୋ ଲାଇଟ୍‌କୁ ଗୋଟିଏ ଡିଭାଇସ୍‌ରେ ହାସଲ କରିପାରିବେ ।