କର୍ଣ୍ଣାଟକରରେ ଆଜିଠାରୁ ବାସବରାଜ ସରକାର ଆରମ୍ଭ : ନୂତନ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି – ବାସବରାଜ

ଓଡ଼ିଶା ତାଜା ନ୍ୟୁଜ (୨୮ ଜୁଲାଇ ବୁଧବାର ) ବେଙ୍ଗାଲୁରୁ :- କର୍ଣ୍ଣାଟକରରେ ଆଜିଠାରୁ ବାସବରାଜ ସରକାର ଆରମ୍ଭ ହୋଇଛି । ନୂତନ ମୁଖ୍ୟମନ୍ତ୍ରୀ ଭାବେ ବୁଧବାର ଶପଥ ନେଇଛନ୍ତି ବାସବରାଜ ବୋମାଇ । ରାଜ୍ୟପାଳ ଥାୱରଚାନ୍ଦ ଗେହଲୋଟ୍‌ ତାଙ୍କୁ ରାଜ୍ୟର ୨୩ତମ ମୁଖ୍ୟମନ୍ତ୍ରୀ ଭାବେ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି । ବାସବରାଜ ଏହାପୂର୍ବରୁ ୟେଦ୍ୟୁରପ୍ପା ସରକାରରେ ଗୃହମନ୍ତ୍ରୀ ଥିଲେ ।

ବାସବରାଜ ବୋମାଇ ବି.ଏସ୍ ୟେଦ୍ୟୁରପ୍ପାଙ୍କର ଅତି ନିକଟତର। ବିଧାୟକ ଦଳ ବୈଠକରେ ୟେଦ୍ୟୁରପ୍ପା ହିଁ ମୁଖ୍ୟମନ୍ତ୍ରୀ ପଦ ପାଇଁ ବୋମାଇଙ୍କ ନାଁ ପ୍ରସ୍ତାବ ଦେଇଥିଲେ । ଲିଙ୍ଗାୟତ ସମ୍ପ୍ରଦାୟରୁ ଆସିଥିବା ବୋମାଇଙ୍କ ପିତା ଏସ.ଆର ବୋମାଇ ମଧ୍ୟ କର୍ଣ୍ଣାଟକର ମୁଖ୍ୟମନ୍ତ୍ରୀ ଥିଲେ ।