ଓଡ଼ିଶା ତାଜା ନ୍ୟୁଜ (୨୭ ଜୁଲାଇ ମଙ୍ଗଳବାର ) ହିଞ୍ଜିଳିକାଟୁ :- କରୋନା ମହାମାରୀ ଯୋଗୁଁ ଛାତ୍ର ଛାତ୍ରୀ ଙ୍କ ଦୀର୍ଘ ଦେଢ଼ ବର୍ଷର ପ୍ରତୀକ୍ଷାର ଅନ୍ତ ଘଟିଛି। ରାଜ୍ୟ ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ଙ୍କ ନିର୍ଦ୍ଦେଶ କ୍ରମେ ରାଜ୍ୟର ଗ୍ରୀନ ଜୋନରେ ଥିବା ଜିଲ୍ଲା ତଥା ଅଞ୍ଚଳରେ ପ୍ରାଥମିକ ଭାବେ ୧୦ମ ଶ୍ରେଣୀ ରେ ଅଫ ଲାଇନରେ ପାଠ ପଢା ସୋମବାର ଠାରୁ ଆରମ୍ଭ ହୋଇଯାଇଛି। ଏହି ଅବସରରେ ହିଞ୍ଜିଳି ବ୍ଲକରେ ବିଦ୍ୟାଳୟ ଖୋଲିବା ପୂର୍ବରୁ ସଫା ସୁତୁରା ଓ ସାନିଟାଇଜ଼ କରି ପୂର୍ବ ପ୍ରସ୍ତୁତି ସରିଥିଲା । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଯୁଦ୍ଧ କାଳୀନ ଭିତ୍ତିରେ ହିଞ୍ଜିଳି ବ୍ଲକର ବିଭିନ୍ନ ବିଦ୍ୟାଳୟ କୁ ତୋଫାନୀ ଗସ୍ତ କରି ସ୍ଥିତି ପରଖି ଥିଲେ । ବିଦ୍ୟାଳୟ ଖୋଲିବାର ଆଜି ପ୍ରଥମ ଦିବସରେ ବିଭିନ୍ନ ବିଦ୍ୟାଳୟକୁ ସୁସଜ୍ଜିତ କରାଯାଇଥିଲା । ଫୁଲ ତୋରଣ, ବ୍ୟାନର, ରଙ୍ଗ ବେରଙ୍ଗର ବେଲୁନ ଝୁଲାଇ ବିଦ୍ୟାଳୟ ପ୍ରବେଶ ପଥକୁ ରଙ୍ଗାରଙ୍ଗ ପରିବେଶରେ ଛାତ୍ରଛାତ୍ରୀମାନଙ୍କୁ ସ୍ୱାଗତ କରାଯାଇଥିଲା । ସାନିଟାଇଜ଼ରରେ ହାତ ସଫା କରିବା ସହ ମାସ୍କ ପରିଧାନକୁ ବାଧ୍ୟତାମୂଳକ କରାଯାଇଥିଲା ।
