ଓଡ଼ିଶା ତାଜା ନ୍ୟୁଜ (୨୬ ଜୁଲାଇ ସୋମବାର ) ବାଙ୍କୀ :- ବାଙ୍କୀ ଏନ୍.ଏ.ସି ଅନ୍ତର୍ଗତ ଚକାପଦା ଗ୍ରାମରେ ଥିବା ଗୋଟିଏ ପୋଖରୀକୁ ଏନ୍.ଏ.ସି କର୍ତ୍ତୁପକ୍ଷ ସ୍ମାର୍ଟ ପୋଖରୀର ମାନ୍ୟତା ପ୍ରଦାନ କରି ଏହାର ଉନ୍ନତି ନିମନ୍ତେ ବାଙ୍କୀ ଏନ୍.ଏ.ସି ପକ୍ଷରୁ ପୋଖରୀର ସୁରକ୍ଷା , ପ୍ରାତଃ ଭ୍ରମଣ ଓ ସୌନ୍ଦର୍ଯ୍ୟ କରଣ ପାଇଁ ୧୬ଲକ୍ଷ ଟଙ୍କା ଖର୍ଚ୍ଚ କରାଯିବା ପାଇଁ ଅଟକଳ କରିଥିଲେ। ଏହି ପୋଖରୀ ଚାରିପଟେ ପାଚେରୀ ନିର୍ମାଣ କାର୍ଯ୍ୟ ଓ ଲୋକେ ପ୍ରାତଃ ଭ୍ରମଣ ରେ ଚାଲିବା ପାଇଁ ରାସ୍ତା ନିର୍ମାଣ ହେଉଥିଲା।ମାତ୍ର ଦୁର୍ଭାଗ୍ୟ ର ବିଷୟ ଉକ୍ତ ପୋଖରୀ ର ଚତୃ ପାଶ୍ୱ ରେ ଥିବା ବହୁ ବର୍ଷ ର ପୁରୁଣା ପାଚେରୀ ଉପରେ ରେ ସ୍ମାର୍ଟ ପୋଖରୀ ପାଚେରୀ ନିର୍ମାଣ ହେଉଥିବା କେତେଦୂର ଯଥାର୍ଥ ବୋଲି ଆଜି ବାଙ୍କୀ ବିଜେପି ବିଧାୟକ ପାର୍ଥି ଶୁଭ୍ରାଂଶୁ ମୋହନ ପାଢ଼ୀ ବାଙ୍କୀ ପ୍ରଶାସନ ଓ ଏନଏସି କର୍ତ୍ତୃପକ୍ଷ ଙ୍କୁ ପଚାରିବା ସହ ଜିଲ୍ଲା ପ୍ରକଳ୍ପ ଅଧିକାରୀ ଙ୍କୁ ପ୍ରଶ୍ନ ପଚାରିଛନ୍ତି। ଠିକାଦାର ଉକ୍ତ ପୁରୁଣା ସିମେଣ୍ଟ ଢ଼ଳେଇ ପାଚେରୀ ଉପରେ ନୂତନ ପାଚେରୀ ନିର୍ମାଣ କରିଥିଲେ ।
ମାତ୍ର ନିର୍ମାଣ ର ୭ଦିନ ପରେ ଉକ୍ତ ପ୍ରାତଃ ଭ୍ରମଣ ପାଇଁ ରାସ୍ତା ନିର୍ମାଣ ପାଇଁ ବାଲି ବୋଝେଇ କରିବା ସମୟ ରେ ପାଚେରୀଟି ଗତ କାଲି ଭୁଶୁଡି ପଡିଛି ଉକ୍ତ ପୁରୁଣା ପାଚେରୀ ର ମୂଳ ମଜଭୁତ ନଥିବାରୁ ତାହା ଉପରେ ନୂତନ ପାଚେରୀ ନିର୍ମାଣ ହୋଇଥିଲା ବାଲି ବୋଝେଇ ପରେ ଉକ୍ତ ପାଚେରୀ ଭାର ସମ୍ଭଲି ନପାରି ଭୁଶୁଡ଼ିଲା ବୋଲି ବିଜେପି ର କର୍ମକର୍ତ୍ତା ଆଜି ଉକ୍ତ ସ୍ଥାନକୁ ଯାଇ ତଦନ୍ତ କରି ଥିଲେ ବୋଲି ବିଜେପିର ବିଧାୟକ ପାର୍ଥି ଶ୍ରୀ ପାଢ଼ୀ ପ୍ରକାଶ କରିଛନ୍ତି। ବର୍ତ୍ତମାନ ଏନଏସି ଓ ପଞ୍ଚାୟତ ନିର୍ବାଚନ ପାଖେଇ ଆସୁଥିବା ବେଳେ ଶାସକ ଦଳ ଓ ପ୍ରଶାସନ ମିଳିତ ହୋଇ ଲୋକଙ୍କୁ ଭୁଆଁ ବୁଲେଇବା ପାଇଁ ସ୍ମାର୍ଟ ପୋଖରୀ ଓ ସ୍ମାର୍ଟ ମଶାଣି ପ୍ରକଳ୍ପ କରିବା ପାଇଁ ଆଗେଇ ଆସିଛନ୍ତି।
