ଓଡ଼ିଶା ତାଜା ନ୍ୟୁଜ (୨୪ ଜୁଲାଇ ଶନିବାର ) କୋରାଇ :- କୋରାଇ ପ୍ରଖଣ୍ଡ ବିଶ୍ୱହିନ୍ଦୁ ପରିଷଦ ଓ ଜିଲା ବଜରଙ୍ଗ ଦଳ ପକ୍ଷରୁ ଶନିବାର ପବିତ୍ର ଗୁରୁ ପୂର୍ଣ୍ଣିମା ଅବସରରେ ଗୁରୁ ପୂଜା ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଆଧ୍ୟାତ୍ମିକ କାର୍ଯ୍ୟକ୍ରମ ବ୍ଲକର ୫ଟି ମଠରେ କରାଯାଇଥିଲା । ପ୍ରଖଣ୍ଡ ବଜରଙ୍ଗ ଦଳ ସଂଯୋଜକ ଭୂପତି ଭୂଷଣ ଦାଶଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମକୁ ଜିଲା ବଜରଙ୍ଗ ଦଳ ମାର୍ଗଦର୍ଶକ ଅରବିନ୍ଦ ଦାସ ଯୋଗ ଦେଇ ଶୁଭାରମ୍ଭ କରିଥିଲେ । ଧନେଶ୍ୱର ପଂଚାୟତର ସାନପାଟୁଳି ଠାକୁର ମଠରେ ବାବାଜୀ ଓ ମାତାଙ୍କୁ ପୂଜା କରାଯାଇ ବସ୍ତ୍ରଦାନ କରାଯାଇଥିଲା । ପରେ ମୁଳିସରଗଡ଼ା ଅଭିରାମ ମଠ, ଓଚିନ୍ଦା ଅଲେଖ ମହିମା ମଠ, ଅଢ଼େଇବାଟିଆ ମହାବୀର ମଠ ଓ ବଡ଼ବିରୁଆଁର ମହାବୀର ମଠରେ ବାବା ଓ ମାତାଙ୍କୁ ମଧ୍ୟ ପୂଜା କରାଯାଇଥିଲା ।
