ଧାନ ରେଜିଷ୍ଟ୍ରେସନ ଅବଧିକୁ ସେପ୍ଟେମ୍ବର ୧୫ ପର୍ଯ୍ୟନ୍ତ ବୃଦ୍ଧି କରାଯାଉ – ପ୍ରଦୀପ ପୁରୋହିତ

ଧାନ ରେଜିଷ୍ଟ୍ରେସନ ଅବଧିକୁ ସେପ୍ଟେମ୍ବର ୧୫ ପର୍ଯ୍ୟନ୍ତ ବୃଦ୍ଧି କରାଯାଉ- ପ୍ରଦୀପ ପୁରୋହିତ ରାଜ୍ୟ ରେ ଚାଲିଥିବା ସାର କଳାବଜାର କୁ ତୁରନ୍ତ ବନ୍ଦ କରାଯାଉ । ରାଜ୍ୟ ର କଲାବଜାରୀ ବେପାରୀ ଙ୍କ ବିରୋଧ ଫୈଜଦାରୀ ମୋକଦ୍ଦମା ରୁଜ୍ଜୁ କରାଯାଉ ।

ଓଡ଼ିଶା ତାଜା ନ୍ୟୁଜ (୨୪ ଜୁଲାଇ ଶନିବାର) ଭୁବନେଶ୍ୱର – ଖରିଫ ଋତୁରେ ଧାନ ବିକ୍ରି ପାଇଁ ଚଳିତ ବର୍ଷ ମାସ ୧୫ ତାରିଖ ରୁ ଚାଷୀ ମାନେ ପଞ୍ଜିକୃତ କରିବାର କାର୍ଯ୍ୟ ରାଜ୍ୟ ର ସେବା ସମବାୟ ମାନଙ୍କ ଜରିଆରେ ଆରମ୍ଭ ହୋଇଛି । ସେବା ସମବାୟ ସମିତି ସୋସାଇଟି ଗୁଡିକରେ ଏବେ ଚାଷୀଙ୍କୁ ରଣ ପ୍ରଦାନ,ଫସଲ ବୀମା ପ୍ରିମିୟ ଟଙ୍କା ଜମା ଆଦି କାର୍ଯ୍ଯ ମଧ୍ଯ ଚାଳିଛି । ଅଧିକାଂଶ ସୋସାଇଟିରେ କର୍ମଚାରୀଙ୍କ ଘୋର ଅଭାବ ଅଛି । ଗୋଟିଏ ମାସ ଭିତରେ ଯେତେ ଚାଷୀ ଧାନ ବିକ୍ରୀ ପାଇଁ ପଞ୍ଜୀକୃତ କରିବା ପାଇଁ ଚାହିଁବେ ସମସ୍ତ ଚାଷୀ ପଞ୍ଜୀକୃତ କରିପାରିବା ଭଲି ସମ୍ଭାବନା ଦେଖାଯାଉ ନାହିଁ ।

ତେଣୁ ଧାନ ବିକ୍ରୀ ପାଇଁ ଚାଷୀଙ୍କ ପଞ୍ଜୀକୃତ ଅବଧିକୁ ସେପ୍ଟେମ୍ବର ୧୫ ପର୍ଯ୍ୟନ୍ତ ବୃଦ୍ଧି କରିବା ପାଇଁ ସମବାୟ ବିଭାଗର ପ୍ରମୁଖ ଶାସନ ସଚିବ ପାଖରେ ଦାବୀ କରିଛନ୍ତି କୃଷକ ମୋର୍ଚ୍ଚା ରାଜ୍ଯ ସଭାପତି ଶ୍ରୀ ପ୍ରଦୀପ ପୁରୋହିତ । ସେହି ପରି ସାର କଳାବଜାର କୁ ନେଇ ଶ୍ରୀ ପୁରୋହିତ ଚିନ୍ତା ପ୍ରକଟ କରିଛନ୍ତି । ଚାଷୀ କାର୍ଯ୍ଯ ଆରମ୍ଭ ହେବା କ୍ଷଣି ରାଜ୍ଯରେ ସାରର କଳାବଜାର ଆରମ୍ଭ ହୋଇଗଲାଣି । ସାରା ରାଜ୍ୟରେ ସାର କଳାବଜାର ବେପାରୀ ମାନେ ପୁଣି ଥରେ ସକ୍ରିୟ ହୋଇ ଉଠିଲେଣି । ୟୁରିଆ ସାର ସରକାରୀ ଦର ୨୨୬ଟଙ୍କା ୫୦ ପଇସା ଥିବା ବେଳେ ଏବେ ରାଜ୍ଯର ବିଭିନ୍ନ ଖୋଲା ବଜାରରେ କଳାବଜାରୀ ମାନେ ୪ ଶହ ଟଙ୍କାରେ ବିକ୍ରି କରିବା ଆରମ୍ଭ କରିଛନ୍ତି ।

ସେହିପରି ଡିଏପି ସାର ୧୨ ଶହ ଟଙ୍କା ସରକାରୀ ଦରରୁ ୧୬ ଶହ ଟଙ୍କା,ପଟାସ ୯୭୫ ଟଙ୍କାରୁ ୧୧ ଟଙ୍କାରେ କଳାବଜାର ରେ ବିକ୍ରି ଚାଲିଛି ।  ରାଜ୍ଯରେ ଚାଳିଥିବା ସାରର କଳାବଜାରକୁ ତୁରନ୍ତ ବନ୍ଦ କରିବା ପାଇଁ ଦୃଢ ପଦକ୍ଷେପ ନିଆଯାଉ ଏବଂ ରାଜ୍ଯର ସମସ୍ତ କଳାବଜାରୀ ବେପାରୀଙ୍କ ବିରୋଧରେ ଫୌଜଦାରୀ ମକୋଦ୍ଦମା ରୁଜୁ କରାଯାଉ ବୋଲି ଶ୍ରୀ ପୁରୋହିତ ଦାବୀ କରିଛନ୍ତି । ସମବାୟ ବିଭାଗ ସଚିବ ଶ୍ରୀ ବୀର ବିକ୍ରମ ଯାଦବ ଓ କୃଷ ବିଭାଗ ଶାସନ ସଚିବ ଶ୍ରୀ ସୁରେଶ ବଶିଷ୍ଟଙ୍କୁ ଏକ ଦାବୀପତ୍ର ପ୍ରଦାନ କରିଛନ୍ତି । ( ନିରୋଜ କୁମାର ପାଣି )