ଗୋଦ୍‌ରେଜ୍ ସିକ୍ୟୁରିଟିଜ୍‌ ସଲ୍ୟୁସନ୍ସର ଗବେଷଣା ଓ ବିକାଶ ଉପରେ ଗୁରୁତ୍ୱ

ଓଡ଼ିଶା ତାଜା ନ୍ୟୁଜ ( ୧୮ ଜୁଲାଇ ରବିବାର ) ଭୁବନେଶ୍ୱର :-  ଗୋଦ୍‌ରେଜ୍ ଗ୍ରୁପ୍‌ର ପ୍ରମୁଖ କଂପାନି ଗୋଦ୍‌ରେଜ୍‌ ଆଣ୍ଡ୍ ବୋଏସ୍‌ର ଅଂଶ ଗୋଦ୍‌ରେଜ୍ ସିକ୍ୟୁରିଟି ସଲ୍ୟୁସନ୍ସ ପକ୍ଷରୁ ଗୃହ ସୁରକ୍ଷା ସମାଧାନରେ ରହିଥିବା ଅନ୍ତରକୁ ଦୂର କରିବା ଲାଗି ଗବେଷଣା ଓ ବିକାଶ ଉପରେ ଅଧିକ ଗୁରୁତ୍ୱାରୋପ କରାଯାଉଛି । ଏହା ଜରିଆରେ କଂପାନି ୨୦୨୨ ମଧ୍ୟରେ ହୋମ୍ ସିକ୍ୟୁରିଟି କ୍ୟାମେରା କ୍ଷେତ୍ରରେ ୧୫% ବଜାର ଅଂଶ ହାସଲ କରିବାକୁ ଲକ୍ଷ୍ୟ ରଖିଛି । ଭାରତରେ ହୋମ୍ କ୍ୟାମେରା ବଜାର ଆକାର ହେଉଛି ୩୦୦ କୋଟି ଟଙ୍କା । ଏହି ବଜାରରେ ସାନ୍ଧ୍ରତା ମାତ୍ର ୬% ସ୍ତରରେ ରହିଛି । ଭାରତ ଭଳି ଦେଶ ଯାହା ଡିଜିଟାଲ୍ ଅର୍ଥନୀତିିରେ ରୁପାନ୍ତରିତ ହେଉଛି ସେଠାରେ ଗ୍ରାହକମାନଙ୍କ ତଥ୍ୟର ସୁରକ୍ଷା ଓ ସଂରକ୍ଷଣରେ ବଡ଼ ଅନ୍ତର ରହିଛି । ଶିଳ୍ପର ଏକ ଅଧ୍ୟୟନରୁ ଜଣାପଡ଼ିଛି ଯେ ୨୦୨୦ରେ ଯେଉଁ ତଥ୍ୟ ଲିକ୍ ହୋଇଥିଲା ତାହାର ମୂଲ୍ୟ ହେଉଛି ୧୪ କୋଟି ଟଙ୍କା । ସାଇବର୍ ଅପରାଧ ଘଟୁଥିବା ଦେଶ ଭିତରେ ମଧ୍ୟ ଭାରତ ଅଗ୍ରଣୀ ସ୍ଥାନରେ ରହିଛି । ତେଣୁ ଏଠାରେ ନିରାପତ୍ତା କ୍ୟାମେରା କ୍ଷେତ୍ରରେ ଅଭିବୃଦ୍ଧିର ବିପୁଳ ସୁଯୋଗ ରହିଛି । ଏହାକୁ ନଜରରେ ରଖି କଂପାନି ତରଫରୁ ଗୃହ ନିରାପତ୍ତା ସମାଧାନ ବର୍ଗରେ ଗବେଷଣା ଓ ବିକାଶ ନିବେଶରେ ୧୦୦% ବୃଦ୍ଧି କରାଯାଇଛି ।

ନିକଟରେ ଗୋଦ୍‌ରେଜ୍‌ ସିକ୍ୟୁରିଟି ସଲ୍ୟୁସନ୍ସ ତରଫରୁ କରାଯାଇଥିବା ଏକ ସର୍ଭେରୁ ଜଣାପଡ଼ିଛି ଯେ ଲୋକମାନେ ନିଜ ଘର ଓ ସ୍ୱାସ୍ଥ୍ୟର ସୁରକ୍ଷାକୁ ଗମ୍ଭୀରତାର ସହ ନେଇଛନ୍ତି । ଘରେ ରହି କାର୍ଯ୍ୟ କରିବା ବେଳେ ନିଜ ପରିବାର ସଦସ୍ୟ ଓ ସଂପତ୍ତିର ସୁରକ୍ଷା ଲାଗି ସେଗୁଡ଼ିକ ଉପରେ ନଜର ରଖିବାକୁ ଲୋକମାନେ ଚାହୁଁଛନ୍ତି । ସେଥିପାଇଁ ମହାମାରୀ ପରେ ନିରାପତ୍ତା କ୍ୟାମେରାର ଚାହିଦା ବୃଦ୍ଧି ପାଇଛି । ଅଧିକରୁ ଅଧିକ ଗ୍ରାହକ ଘରକୁ ସ୍ମାର୍ଟ ହୋମ୍‌ରେ ପରିଣତ କରୁଛନ୍ତି । ସେମାନଙ୍କ ଜୀବନଶୈଳୀରେ ନିରାପତ୍ତା ସମାଧାନ ପ୍ରମୁଖ ଅଂଶରେ ପରିଣତ ହୋଇଛି । ସେଥିପାଇଁ ଗୃହ ନିରାପତ୍ତା ସମାଧାନରେ ଅଭିବୃଦ୍ଧିର ବିପୁଳ ସୁଯୋଗ ସୃଷ୍ଟି ହୋଇଛି । ମେହେର୍‌ନୋସ୍ ପିଠାୱାଲ, ଉପସଭାପତି, ଗୋଦ୍‌ରେଜ୍ ସିକ୍ୟୁରିଟି ସଲ୍ୟୁସନ୍ସ କହିଛନ୍ତି ଯେ, “ଭାରତର ଗୃହ ନିରାପତ୍ତା ସମାଧାନ ବଜାରର ଅଭିବୃଦ୍ଧି ସମ୍ଭାବନା ଓ ସୁଯୋଗକୁ ନେଇ ଆମେ ଅତ୍ୟନ୍ତ ଉତ୍ସାହିତ ରହିଛୁ । ଶିଳ୍ପରେ ସ୍ମାର୍ଟ ପ୍ରଯୁକ୍ତିରେ ଉନ୍ନତି ଏହି କ୍ଷେତ୍ରରେ ରହିଥିବା ଅଭାବ ଦୂର କରିବାରେ ସହାୟକ ହେବ । ଏହାକୁ ନଜରରେ ରଖି ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ ଆମେ ନବସୃଜନ ଓ ଗୋଦ୍‌ରେଜ୍ ସିକ୍ୟୁରିଟି ସଲୁୃ୍ୟସନ୍ସର ଆର୍‌ଆଣ୍ଡଡିରେ ଗୁରୁତ୍ୱ ଦେଇଛୁ ଯାହା ଜରିଆରେ ଆମେ ଗ୍ରାହକଙ୍କୁ ସ୍ମାର୍ଟ ଓ ସୁରକ୍ଷିତ ସମାଧାନ ପ୍ରଦାନ କରିପାରିବୁ । ୨୦୨୨ ସୁଦ୍ଧା ଗୃହ ସୁରକ୍ଷା କ୍ୟାମେରାର ୧୫% ବଜାର ଅଂଶ ହାସଲ କରିବାକୁ ଆମେ ଲକ୍ଷ୍ୟ ରଖିଛୁ ।’’