ଝାରବନ୍ଧ ରେ ଗ୍ରାମ୍ଯ ଜଙ୍ଗଲ ଭିତରେ ୬ ଲକ୍ଷ ୫୦ ହଜାର ଟଙ୍କାର କାମ ପିସିରେ ଚରୁ : ତଦନ୍ତ ହେବ

ଓଡ଼ିଶା ତାଜା ନ୍ୟୁଜ ( ୧୮ ଜୁଲାଇ ରବିବାର ) ପଦ୍ମପୁର :- ପଦ୍ମପୁର ଉପଖଣ୍ଡ ଝାରବନ୍ଧ ରୁ ଶକ୍ତି ଗ୍ରାମ କୁ ଯାଇଥିବା ରାସ୍ତା ପାର୍ଶ୍ବରେ ଥିବା ଏକ ଗ୍ରାମ୍ଯ ଜଙ୍ଗଲ ଭିତରେ ଷ୍ଟେଟ ଫାଇନାନ୍ସ କମିଶନ ପାଣ୍ଠିର ( STF ) ୬ଲକ୍ଷ ୫୦ ହଜାର ଟଙ୍କାର ଏକ ବନ୍ଧ ନିର୍ମାଣ କାମକୁ ମାତ୍ର ୫୦ ହଜାର କରି ବାକି ୬ ଲକ୍ଷ ଟଙ୍କା ଚରୁ କରି ପିସି ଭାଗବଣ୍ଟା ରେ ଖାଇ ଦେଇଛନ୍ତି । ଗତ କାଲି ବ୍ଲକ ଦ୍ବାରା ଗ୍ରାମ୍ଯ ଜଙ୍ଗଲ ଭିତରେ ଖୋଲାଯାଇ ଥିବା ସେହି ବନ୍ଦ ରୁ ଏକ ପ୍ରତିବାଦ ପଦଯାତ୍ରା ବ୍ଲକ କାର୍ଯ୍ଯାଳୟ ପର୍ଯ୍ୟନ୍ତ ବିଜେପି ଯୁବ ମୋର୍ଚ୍ଚା କରିଥିଲା । ପଦଯାତ୍ରା ପୂର୍ବରୁ ଝାରବନ୍ଧ ବିଡିଓଙ୍କୁ ସେହି ବନ୍ଧ ନିକଟକୁ ଡାକରା ଦିଆ ଯାଇଥିଲା । ବିଡିଓ ସୁଶ୍ରୀ ଦମୟନ୍ତି ସାହୁ ବନ୍ଦ ନିକଟକୁ ଯାଇ ବନ୍ଦ ନିର୍ମାଣ କାର୍ଯ୍ଯ ତଦାରଖ କରିବା ସହ ଜେଇ ଓ ଅନ୍ଯ ଅଧିକାରୀ ମାନଙ୍କ ଉପରେ ବିରକ୍ତ ଭାବ ପ୍ରକାଶ କରିଥିଲେ ।

ପରେ ଯୁବ ମୋର୍ଚ୍ଚାର ଶତାଧିକ କାର୍ଯ୍ଯକର୍ତ୍ତା ନିର୍ମିତ ବନ୍ଧ ଠାରୁ ୩ କିମି ପଦଯାତ୍ରାରେ ଯାଇ ବ୍ଲକ ଭିତରେ ଧାରଣା ରେ ବସିଥିଲେ । ଧାରଣା ସ୍ଥଳିରେ ଶାନ୍ତି ଶୃଙ୍ଖଳା ରକ୍ଷା ପାଇଁ ଝାରବନ୍ଧ ଆଇଆଇସି ଶ୍ରୀ ସୁନିଲ ପ୍ରଧାନଙ୍କ ନେତୃତ୍ବରେ ଏକ ପ୍ଲାଟୁନ ପୋଲିସ ଫୋର୍ସ ମଧ୍ଯ ଉପସ୍ଥିତ ଥିଲେ । ଧାରଣା ସ୍ଥଳିକୁ କାର୍ଯ୍ଯ କରିଥିବା ବ୍ଲକ ଇଂଜିନିୟର ମାନଙ୍କୁ ଡକା ଯାଇଥିଲେ ମଧ୍ଯ ସମସ୍ତ ଇଂଜିନିୟର ବ୍ଲକ ରୁ ଫେରାର ହୋଇ ଯାଇଥିଲେ । ପରେ ବିଡିଓ ସୁଶ୍ରୀ ସାହୁ ଓ ଥାନା ଆଇଆଇସି ଶ୍ରୀ ପ୍ରଧାନ ଧାରଣା ସ୍ଥଳିକୁ ଆସି ଯୁବ ମୋର୍ଚ୍ଚା ଦେଇଥିବା ସମସ୍ତ କାର୍ଯ୍ଯ ଅନିୟମିତା ତଦନ୍ତ କରି ରିପୋର୍ଟ ଦେବା ପାଇଁ ପ୍ରତିଶୃତି ଦେଇଥିଲେ । ବିଡିଓ ଲିଖିତ ଆକାରରେ ପ୍ରତିଶୃତିବ ନ ଦେଲେ ଧାରଣା ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ଚାଳିବ ବୋଲି ଯୁବ ମୋର୍ଚ୍ଚା ଘୋଷଣା କରିବା ପରେ ବିଡିଓ ସୁଶ୍ରୀ ସାହୁ ୧୦ ଦିନ ଭିତରେ ତଦନ୍ତ କରି ରିପୋର୍ଟ ଦେବିବେଲେ ଲିଖିତ ଆକାରରେ ଧାରଣା ସ୍ଥଳିରେ ଉପସ୍ଥିତ ଥିବା ପୂର୍ବତନ ବିଧାୟକ ଶ୍ରୀ ପ୍ରଦୀପ ପୁରୋହିତଙ୍କୁ ଚିଠି ପ୍ରଦାନ କରିଥିଲେ ।

ବନ୍ଧ ନିର୍ମାଣ ବ୍ଯତୀତ କୁର୍ଲୁପାଲି ଗ୍ରାମ ପଞ୍ଚାୟତ ର ଉରେଇଦାଦର ଗୋଟିଏ ରାସ୍ତା କାମରେ ପର୍ଯ୍ୟୟ କ୍ରମେ ୩ ଥର,୫ଲକ୍ଷ,୪ଲକ୍ଷ ଓ ୩ଲକ୍ଷ ଟଙ୍କାର ମେଟାଲ ମୁରୁମ କାମକୁ ମିଥ୍ଯାବିଲ କରି ଉଠା ଯାଇଛି । ହରଡାଟାଲ ରୁ ଛିନିବାହାଲି ଓ ବଣ୍ତାମୁଣ୍ତା ରାସ୍ତା କାମରେ ୧୮ ଲକ୍ଷ ଟଙ୍କାର ବିଲ ଭାଉଚର କରି ଖାଇ ଦିଆଯାଇଛି । ବିନା ପାଇଖାନା ନିର୍ମାଣ କରି ୫ ହଜାର ପାଇଖାନା ଟଙ୍କା ଉଠାଇ ନିଆ ଯାଇଛି । ୧୦ ଦିନ ପରେ ଆଉ ବ୍ଯାପକ ଆନ୍ଦୋଳନ ହେବ ବୋଲି ଯୁବ ମୋର୍ଚ୍ଚା ଜିଲ୍ଲା ସଂପାଦକ ଶ୍ରୀ ସାମନ୍ତ ଶେଖର ମୁନା ସୂଚନା ଦେଇଛନ୍ତି । (ରିପୋର୍ଟ – ନିରୋଜ କୁମାର ପାଣୀ)