ଚାଷୀ ମାନେ ଚାହିଦା ମୁତାବକ ସାର ପାଉନଥିବା ରୁ ପାଟଣାଗଡ଼ ଉପଖଣ୍ଡରେ ଚାଷ କାର୍ଯ୍ୟ ରେ ବାଧା ସୃଷ୍ଟି

ଓଡ଼ିଶା ତାଜା ନ୍ୟୁଜ (୧୬ ଜୁଲାଇ ଶୁକ୍ରବାର ) ପାଟଣାଗଡ଼ :-  ଚାଷୀ ମାନେ ଚାହିଦା ମୁତାବକ ସାର ପାଉନଥିବା ରୁ ପାଟଣାଗଡ଼ ଉପଖଣ୍ଡରେ ଚାଷ କାର୍ଯ୍ୟ ରେ ବାଧା ସୃଷ୍ଟି ହେଉଛି । ଜଳସେଚନର ଖାସ ବ୍ୟବସ୍ଥା ନଥିବାରୁ ଉପଖଣ୍ଡ ର ଚାଷ ବିଶେଷ ତଃ ବର୍ଷା ଜଳ ଉପରେ ନିର୍ଭର କରିଥାଏ । ସୁଚନା ଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ତଥା ବଲାଙ୍ଗୀର ଜିଲ୍ଲା ରେ ଧଳା ସୁନା କହୁଯାଉଥିବା କପା ଚାଷ ବହୁଳ ପରିମାଣରେ ଚାଷୀ ମାନେ କରିଥାନ୍ତି । ।

କପା ଚାଷ ପାଇଁ ଏବେ ହୁଡା ଟେକା କାମ ରେ ୟୁରିଆ ସାର ପ୍ରୟୋଗ ନିହାତି ଆବଶ୍ୟକ ପଡୁଥିବା ବେଳେ ୟୁରିଆ ସାର ମିଳୁନଥିବା ଅଭିଯୋଗ ହୋଇଛି । ଅନ୍ୟ ପକ୍ଷରେ ୪ ଶହ ରୁ ୫ ଶହ ଟଙ୍କା ରେ ବିକ୍ରି ହେଉଥିବା ଦେଖିବାକୁ ମିଳିଛି । ବର୍ଷା ଏବେ ଠିକ୍ ଥିବା ବେଳେ ସାର ସମସ୍ୟା ବାଧା ସୃଷ୍ଟି କରୁଛି ।

ଖୋଲା ବଜାରରେ ଦୁଇଗୁଣ ରୁ ଅଧିକ ଦରରେ ସାର ମିଳୁଛି । ଅସାଧୁ ବେପାରୀ ଙ୍କ ପାଇଁ ପ୍ରଶାସନ ର ହୁଗୁଲା କାରବାର ବେଶ୍ ସୁହାଉଛି । ଚାଷୀ ହଇରାଣ ହେଉଛି ଏବଂ ସମୟ ଗଡିଯିବା ଭୟରେ ଶେଷକୁ ଯୋଗାଡ଼ ଆଦି କରି କଲାବଜାର ରୁ ଲୁଣ୍ଠିତ ହେବା କୁ ବାଧ୍ୟ କରୁଛି । ସମବାୟ ସମିତି ରୁ ୠଣ ନେଇଥିବା ଚାଷୀମାନେ ମଧ୍ୟ ସମିତି ରୁ ସାର ପାଇଁ ପାରୁନଥିବା ଅଭିଯୋଗ କରିଛନ୍ତି । ସାର ପାଇଁ ଏଭଳି ହଇରାଣ ଚାଷୀ କେବେ ହୋଇନଥିଲା । ଗୁହାରି କରିବାକୁ ପ୍ରଶାସନ ପାଖକୁ ଧାଧାପଡରେ ସମୟ ଯାଉଛି , ହେଲେ ସାର ମିଳୁନାହିଁ ।ଭାଗ୍ୟ କୁ ଆଦରିବା ଛଡ଼ା ଚାଷୀ ପାଖରେ ଅନ୍ୟ ଉପାୟ ନାହିଁ ।