ଆଇସିଆଇସିଆଇ ଫାଉଣ୍ଡେସନ ପକ୍ଷରୁ ଓଡ଼ିଶାରେ ୧୦୦ ଅକ୍ସିଜେନ୍ କନ୍ସେଟ୍ରେଂଟର ଦାନ କରାଯିବ
ଏହି କନସେଟ୍ରେଂଟରଗୁଡ଼ିକ ୯ଟି ଜିଲ୍ଳ।।ର ଥିବା ହସ୍ପିଟାଲ୍ ଗୁଡ଼ିକ ପାଇବେ
କଠିନ ପଥ ବିଣିଷ୍ଟ ହିମାଳୟ ଅଂଚଳ ଓ ଦେଶର ଦୁର୍ଗମ ଆଦିବାସୀ ଅଂଚଳ ପାଇଁ ୧୮୦୦ ଅକ୍ସିଜେନ୍ କନ୍ସେଟ୍ରେଂଟର ଯୋଗାଇ ଦେବା ଲାଗି ଆଇସିଆଇସିଆଇ ଫାଉଣ୍ଡେସନ ଅଭିଯାନର ଏହା ଏକ ଅଂଶ
ଓଡ଼ିଶା ତାଜା ନ୍ୟୁଜ (୧୪ ଜୁଲାଇ , ବୁଧବାର ) ଭୁବନେଶ୍ୱର :- ଆଇସିଆଇସିଆଇ ଗ୍ରୁପ୍ର ସିଏସ୍ଆର୍ ସଂସ୍ଥା ଆଇସିଆଇସିଆଇ ଫାଉଣ୍ଡେସନ ଫର ଇନକ୍ଲୁସିଭ୍ ଗ୍ରୋଥ୍ (ଆଇସିଆଇସିଆଇ ଫାଉଣ୍ଡେସନ) ପକ୍ଷରୁ ଓଡ଼ିଶାର ଅର୍ଧ ସହରାଚଂଳ ଓ ଗ୍ରାମାଚଂଳରେ ଗୁରୁତ୍ୱପୂର୍ଣ୍ଣ ସ୍ୱାସ୍ଥ୍ୟ ଭିତିଭୂମିରେ ଉନ୍ନତି ଆଣିବା ଲାଗି ସହାୟତା ପାଇଁ ୧୦୦ରୁ ଅଧିକ ଅକ୍ସିଜେନ୍ କନସେଟ୍ରେଂଟର ଦାନ କରାଯିବ ବୋଲି ଆଜି ଘୋଷଣା କରାଯାଇଛି । ରାଜ୍ୟର ୯ଟି ଜିଲ୍ଲାରେ ରହିଥିବା ସବ୍-ଡିଭିଜନାଲ୍ ହସ୍ପିଟାଲ୍ଗୁଡ଼ିକୁ ଆଇସିଆଇସିଆଇ ଫାଉଣ୍ଡେସନ ପକ୍ଷରୁ ବିନା ମୂଲ୍ୟରେ ଏହି ମେସିନଗୁଡ଼ିକୁ ପ୍ରଦାନ କରାଯିବ । ସେହି ଜିଲ୍ଲାଗୁଡ଼ିକ ହେଉଛି କଳାହାଣ୍ଡି, କନ୍ଧମାଳ, କେନ୍ଦୁଝର, କୋରାପୁଟ, ମାଲକାନଗିରି, ମୟୂରଭଞ୍ଜ, ନବରଙ୍ଗପୁର, ରାୟଗଡ଼ା ଓ ସୁନ୍ଦରଗଡ଼ । ଏହି ଦାତବ୍ୟ କାର୍ଯ୍ୟର ଲକ୍ଷ୍ୟ ହେଉଛି ମେଡିକାଲ୍ ଜରୁରୀକାଳୀନ ସମୟରେ ଏହି ଅଂଚଳର ଲୋକମାନଙ୍କୁ ତୁରନ୍ତ ଅକ୍ସିଜେନ୍ ସହାୟତା ପ୍ରଦାନ କରାଯିବ । କଠିନ ହିମାଳୟ ଉପତ୍ୟାକା ଓ ଦେଶର ଦୁର୍ଗମ ଆଦିବାସୀ ଅଂଚଳରେ ଥିବା ହସ୍ପିଟାଲ୍ ଗୁଡ଼ିକୁ ଆଇସିଆଇସିଆଇ ବ୍ୟାଙ୍କ ପକ୍ଷରୁ ୨୦୨୧-୨୨ରେ ପ୍ରଦାନ କରାଯିବାକୁ ଥିବା ୧୮୦୦ ଅକ୍ସିଜେନ୍ କନ୍ସେଟ୍ରେଂଟର୍ର ଏହା ଏକ ଅଂଶ । ଦେଶର ୧୭ଟି ରାଜ୍ୟର ୧୭୫ଟି ଜିଲ୍ଲାରେ ଥିବା ୭୦୦ରୁ ଅଧିକ ସବ୍-ଡିଭିଜନାଲ୍ ହସ୍ପିଟାଲ୍ଗୁଡ଼ିକୁ ବିନା ମୂଲ୍ୟରେ ଏହି କନସେଟ୍ରେଂଟରଗୁଡ଼ିକ ପ୍ରଦାନ କରାଯିବ । ଆଇସିଆଇସିଆଇ ଫାଉଣ୍ଡେସନ ପକ୍ଷରୁ ଏହି ଉଚ୍ଚ ମାନର ଅକ୍ସିଜେନ୍ କନସେଟ୍ରେଂଟରଗୁଡ଼ିକୁ ବିପିଏଲ୍ ମେଡିକାଲ୍ ଟେକ୍ନୋଲୋଜିସ୍ ଓ ଫିଲିପ୍ସ ଇଣ୍ଡିଆ ଠାରୁ ସଂଗ୍ରହ କରାଯାଇଛି ।
ଏହି କଂପାନିଗୁଡ଼ିକର ସାରା ଦେଶରେ ବ୍ୟାପକ ସେବା ନେଟ୍ୱର୍କ ରହିଛି ଯାହା ମେସିନ୍ ପାଇଁ ଯେତେବେଳେ ଦରକାର ତୁରନ୍ତ ଓ ପ୍ରଭାବଶାଳୀ ରକ୍ଷଣାବେକ୍ଷଣ ସହାୟତା ନିଶ୍ଚିତ କରିବ । ପୁନଶ୍ଚ, ଫାଉଣ୍ଡେସନ ପକ୍ଷରୁ ପାୱାର ବ୍ୟାକ୍ ଅପ୍ ବ୍ୟବସ୍ଥା ପ୍ରଦାନ କରାଯିବ ଯଦ୍ୱାରା ଏହି କନସେଟ୍ରେଂଟରଗୁଡ଼ିକ ଫିଲଟର କରିପାରିବ ଏବଂ ବିଦ୍ୟୁତ ବିଭ୍ରାଟ ଭଳି ମାମଲାରେ ନିରବଚ୍ଛିନ୍ନ ଭାବେ ମେଡିକାଲ୍ ମାନର ଅକ୍ସିଜେନ୍ ଉତ୍ପାଦନ କରିପାରିବ । ଅକ୍ସିଜେନ୍ କନସେଟ୍ରେଂଟର୍ର ସ୍ଥାପନା ଓ ସର୍ଭିସିଂ ପାଇଁ ସ୍ୱତନ୍ତ୍ର କୌଶଳ ପ୍ରଶିକ୍ଷଣ ମଡ୍ୟୁଲ୍ ମିଳିତ ଭାବେ ସୃଷ୍ଟି କରିବା ଲାଗି ଆଇସିଆଇସିଆଇ ଫାଉଣ୍ଡେସନ ପକ୍ଷରୁ ବିପିଏଲ୍ ମେଡିକାଲ୍ ଟେକ୍ନୋଲୋଜିସ୍ ସହିତ ବୁଝାମଣାପତ୍ର (ଏମ୍ଓୟୁ) ସ୍ୱାକ୍ଷର କରାଯାଇଛି । ଆଇସିଆଇସିଆଇ ଫାଉଣ୍ଡେସନର ଏକ ଅଂଶ ଆଇସିଆଇସିଆଇ ଏକାଡେମି ଫର ସ୍କିଲ୍ସ ପକ୍ଷରୁ ଉପେକ୍ଷୀତ ବର୍ଗଙ୍କୁ ପ୍ରଦାନ କରାଯାଉଥିବା ଧନ୍ଦାମୂଳକ ପାଠ୍ୟକ୍ରମର ଏହି ମଡ୍ୟୁଲ୍ ଏକ ଅଂଶ ହେବ । ପ୍ରଶିକ୍ଷଣ ପାଇବା ପରେ ସଫଳ ହୋଇଥିବା ପ୍ରଶିକ୍ଷାର୍ଥୀମାନେ ଅକ୍ସିଜେନ୍ କନସେଟ୍ରେଂଟର ସର୍ଭିସିଂ କରି ଜୀବନଜୀବିକା ହାସଲ କରିପାରିବେ । ଶ୍ରୀଯୁକ୍ତ ସୌରଭ ସିଂହ, ସଭାପତି, ଆଇସିଆଇସିଆଇ ଫାଉଣ୍ଡେସନ ଫର ଇନକ୍ଲୁସିଭ୍ ଗ୍ରୋଥ୍ କହିଛନ୍ତି ଯେ, “ଦେଶ ଗଠନ ପ୍ର୍ତି ଯୋଗଦାନ ଦେବା ଓ ନାଗରିକମାନଙ୍କ କଲ୍ୟାଣର ଦେଖାଶୁଣା କରିବାର ଏକ ଲମ୍ବା ପରମ୍ପରା ଆଇସିଆଇସିଆଇ ଗ୍ରୁପ୍ର ରହିଛି ।
ମହାମାରୀ ବ୍ୟାପିବା ପରଠାରୁ ଆଇସିଆଇସିଆଇ ଗ୍ରୁପ୍ ତରଫରୁ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଂଚଳରେ ଥିବା ୫୫୧ରୁ ଅଧିକ ଜିଲ୍ଲାରେ ରିଲିଫ୍ କାର୍ଯ୍ୟକ୍ରମ ଗ୍ରହଣ କରାଯାଇଛି । ଦାତବ୍ୟ କାର୍ଯ୍ୟରେ ସାମିଲ ରହିଛି ଗ୍ରୁପ୍ ତରଫରୁ ପିଏମ୍ କେୟାର୍ସ ଫଣ୍ଡ୍କୁ ଅବଦାନ, ଭେଂଟିଲେଟର, ସାନିଟାଇଜର, ମାସ୍କ ଓ ବ୍ୟକ୍ତିଗତ ସୁରକ୍ଷା ଉପକରଣ ଆଦି ରାଜ୍ୟ ସରକାର ଏବଂ ସ୍ଥାନୀୟ କର୍ତୃପକ୍ଷଙ୍କୁ ଯୋଗାଇ ଦେବା ଏବଂ ଦେଶର ବିଭିନ୍ନ ସ୍ଥାନରେ ମେଡିକାଲ୍ ଭିତିଭୂମିରେ ଉନ୍ନତି ଆଣିବା । ଏହି ଉଦ୍ୟମର ଅଂଶ ଭାବେ ଫାଉଣ୍ଡେସନ ତରଫରୁ ୧୭ ଅକ୍ସିଜେନ୍ କନସେଟ୍ରେଂଟର ସ୍ଥାପନ କରାଯାଇଛି, ପ୍ରାୟ ୧୦୦ ଭେଂଟିଲେଟର ଓ ୩୦ ଆମ୍ବୁଲାନ୍ସ ପ୍ରଦାନ କରାଯାଇଛି । ଏବେ ଏହା ହିମାଳୟ ଉପତ୍ୟାକା ଓ ଦେଶର ଦୁର୍ଗମ ଆଦିବାସୀ ଅଂଚଳରେ ଥିବା ସବ୍-ଡିଭିଜନାଲ୍ ହସ୍ପିଟାଲ୍ଗୁଡ଼ିକୁ ୧୮୦୦ ଉଚ୍ଚ ମାନର ଅକ୍ସିଜେନ୍ କନସେଟ୍ରେଂଟର ଦାନ କରାଯାଉଛି ।
ଏହି ଅଭିଯାନର ଲକ୍ଷ୍ୟ ହେଉଛି ଏହି ଅଂଚଳରେ ଥିବା କ୍ଷୁଦ୍ର ସହରଗୁଡ଼ିକର ବାସିନ୍ଦା ମାନଙ୍କ ପାଇଁ ଗୁରୁତ୍ୱପୂର୍ଣ୍ଣ ଜରୁରୀକାଳୀନ ସ୍ୱାସ୍ଥ୍ୟ ସହାୟତାକୁ ତୁରନ୍ତ ଉପଲବ୍ଧ କରାଇବା । ଆମର ବିଶ୍ୱାସ ରହିଛି ଯେ ଏହି ଅଭିଯାନ ଆମ ଦେଶର ଆହ୍ୱାନପୂର୍ଣ୍ଣ ରାସ୍ତାଘାଟ ଥିବା ଏବଂ ଦୁର୍ଗମ ଅଂଚଳରେ ମହାମାରୀ ବିରୋଧ ଲଢ଼େଇକୁ ଗୁରୁତ୍ୱପୂର୍ଣ୍ଣ ଯୋଗଦାନ ପ୍ରଦାନ କରିବ । ବିପିଏଲ୍ ମେଡିକାଲ୍ ଟେକ୍ନୋଲୋଜିସ୍ ସହିତ ଆମର ସହଯୋଗିତା ଉପେକ୍ଷୀତ ବର୍ଗର ଯୁବପିଢ଼ିଙ୍କ ଦ୍ୱାରା ଅକ୍ସିଜେନ୍ କନ୍ସେଟ୍ରେଂଟରର ସର୍ଭିସ୍ କରିବା ଲାଗି କୌଶଳ ପ୍ରଦାନ କରିବାରେ ସହାୟକ ହେବ । ନିକଟରେ କୋଭିଡ୍-୧୯ର ଭୟଙ୍କର ଲହରରେ ସାରା ଦେଶରେ ବଡ଼ ସଂଖ୍ୟାର ଅକ୍ସିଜେନ୍ କନସେଟ୍ରେଂଟର ମୂତୟନ କରାଯାଇଛି ଯାହା ନିଜ ଜୀବନଚକ୍ରରେ ନିୟମିତ ରକ୍ଷଣାବେକ୍ଷଣ ଆବଶ୍ୟକ କରୁଛି । ଏହି ଉପକରଣଗୁଡ଼ିକୁ ସର୍ଭିସିଂ କରିବା କ୍ଷେତ୍ରରେ ଏହା ନୂଆ ଜୀବନଜୀବିକା ସୁଯୋଗ ସୃଷ୍ଟି କରିଛି । ଏହି କୌଶଳ ପ୍ରଶିକ୍ଷଣ ମଡ୍ୟୁଲ୍କୁ ଏଭଳି ଭାବେ ପ୍ରସ୍ତୁତ କରାଯାଇଛି ଯାହା ରକ୍ଷଣାବେକ୍ଷଣରେ ରହିଥିବା ଅଭାବ ଦୂର କରିବ ଏବଂ ଉପେକ୍ଷୀତ ବର୍ଗର ଯୁବପିଢ଼ିଙ୍କୁ ଜୀବନଜୀବିକା ପ୍ରଦାନ କରିବ ।’’