ବେଦାନ୍ତ ପକ୍ଷରୁ ଭିଡିଓ ଅଭିଯାନ “ଫର ଏ ବେଟର କାଲ” ମାଧ୍ୟମରେ ସାମାଜିକ ପରିବର୍ତନ ଅଭିଯାନର ଶୁଭାରମ୍ଭ

• ଏହି ଅଭିଯାନ ଜୁଲାଇ ୧୦ରେ ମୁଖ୍ୟସ୍ରୋତ ଓ ଡିଜିଟାଲ ପ୍ଲାଟଫର୍ମରେ ସିଧା ପ୍ରସାରିତ ହେବ ।

• ସ୍ୱାସ୍ଥ୍ୟ, ଶିକ୍ଷା,ପୋଷଣ,ମହିଳା ସଶକ୍ତିକରଣ ଓ ପରିଛନ୍ନତା ଏହି ଅଭିଯାନର ମୁଖ୍ୟ ବିଷୟ ରହିବ । ତୃଣମୂଳ ସ୍ତରରେ ମହିଳା ଓ ପିଲାମାନଙ୍କ ଜୀବନରେ ପରିବର୍ତନ ଆଣିବା ପାଇଁ ୨୩୦୦ ନନ୍ଦଘର ମାଧ୍ୟମରେ ଆଗଧାଡ଼ିର କର୍ମଚାରୀଙ୍କୁ ସମ୍ମାନିତ କରାଯିବ ।

•  ନନ୍ଦଘରର ଲକ୍ଷ୍ୟ ହେଉଛି ସାରା ଭାରତରେ୧୪ ଲକ୍ଷ ଅଙ୍ଗନୱାଡ଼ି ମାଧ୍ୟମରେ ୭ କୋଟି ପିଲା ଓ ୨ କୋଟି ମହିଳାଙ୍କ ଜୀବନରେ ପରିବର୍ତନ ଆଣିବା ।

ଓଡ଼ିଶା ତାଜା ନ୍ୟୁଜ୍ ( ୦୯ ଜୁଲାଇ , ଶୁକ୍ରବାର ) ଭୁବନେଶ୍ୱର :-  ବେଦାନ୍ତ ଏହାର ଫ୍ଲାଗସିପ ପ୍ରୋଜେକ୍ଟ ନନ୍ଦଘର ମାଧ୍ୟମରେ ଏକ ସାମାଜିକ ପରିବର୍ତନ ଅଭିଯାନ ଆରମ୍ଭ କରିଛି ଏହାର ଲକ୍ଷ୍ୟ ହେଉଛି ସ୍ୱାସ୍ଥ୍ୟ, ଶିକ୍ଷା, ପୋଷଣ, ମହିଳା ସଶକ୍ତିକରଣ ଓ ପରିଛନ୍ନତା ପ୍ରଭୃତି ପ୍ରମୁଖ କ୍ଷେତ୍ରଗୁଡ଼ିକ ଉପରେ ଧ୍ୟାନ ପ୍ରଦାନ କରିବା । ଏହି ଅଭିଯାନର ଶିରୋନାମାକୁ ଫରଏ ବେଟର କାଲ ରଖା ଯାଇଛି । ଏହା ଦ୍ୱାରା ଗ୍ରାମାଂଚଳ ଓ ସହରାଂଚଳ ମଧ୍ୟରେ ରହିଥିବା ବ୍ୟବଧାନକୁ ଦୂର କରାଯାଇ ପାରିବ । ଏହି ଅଭିଯାନର ଅଂଶ ଭାବରେ କଂପାନି ନନ୍ଦଘରର ଆଗଧାଡ଼ିର କର୍ମଚାରୀମାନଙ୍କ ପାଇଁ ପାଂଚୋଟି ଭିଡିଓ ଉନ୍ମୋଚନ କରିବ ଯେଉଁମାନେ ଗୋଷ୍ଠୀର ଉନ୍ନତି ପାଇଁ ନିରନ୍ତର କାର୍ଯ୍ୟ କରୁଛନ୍ତି । ଏହି ନନ୍ଦଘର ପ୍ରୋଜେକ୍ଟଟି ଅନିଲ ଅଗ୍ରୱାଲ ଫାଉଣ୍ଡେସନ ଆନୁକୂଲ୍ୟରେ ପରିଚାଳିତ ହେଉଛି । ଏହା କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରାଳୟ ସହଯୋଗରେ ଅଙ୍ଗନୱାଡ଼ି ଇକୋସିଷ୍ଟମକୁ ପରିବର୍ତନ କରୁଛି । ମାକନାନ ୱାର୍ଲଡ ଗ୍ରୁପ ଦ୍ୱାରା ଏହି ଅଭିଯାନର ପରିକଳ୍ପନା ପ୍ରସ୍ତୁତ ହୋଇଛି, ଯେଉଁଥିରେ ଶିକ୍ଷା ଓ ନୂଆ ଶିକ୍ଷଣ ଢାଂଚାକୁ ଗ୍ରାମାଂଚଳ ସ୍ତରରେ ପ୍ରଣୟନ କରାଯାଇ ଏପରିକି ଲକଡାଉନ ସମୟରେ ପ୍ରାକ୍ ଶୈଶବକାଳୀନ ଶିକ୍ଷା ପ୍ରଦାନ କରାଯାଉଛି । ଏହି ମଡ୍ୟୁଲ ପୂବରୁ ସହରାଂଚଳରେ ପରିଚାଳିତ ହେଉଥିଲା, ବର୍ତମାନ ଏହାକୁ ନନ୍ଦଘର ମାଧ୍ୟମରେ ଗ୍ରାମାଂଚଳ ସ୍ତରରେ ଚାଲୁ କରାଯିବା ପାଇଁ ପ୍ରୟାସ କରାଯାଉଛି ।

ଅନ୍ୟ ଏକ ଭିଡିଓରେ ଗୋଷ୍ଠୀରେ ଉନ୍ନତ ସ୍ୱାସ୍ଥ୍ୟ ସେବାର ପ୍ରସାର ବିଷୟ ରଖାଯାଇଛି । ଯେଉଁ ସବୁ ଲୋକମାନଙ୍କ ପାଇଁ ଡାକ୍ତରୀ ସେବା ଅପହଂଚ ଥିଲା ସେହିସବୁ ଗ୍ରାମର ଲୋକମାନେ ଆଜି ନନ୍ଦଘର ମାଧ୍ୟମରେ ଏହି ସେବା ପାଇବାକୁ ସକ୍ଷମ ହୋଇ ପାରିଛନ୍ତି । କଂପାନି ଏହି ଭିଡିଓ ଗୁଡ଼ିକୁ ଏକାଧିକ ଜାତୀୟ ଟେଲିଭିଜନ ଚ୍ୟାନେଲ ସହିତ ସୋସିଆଲ ମିଡିଆ ପ୍ଲାଟଫର୍ମ ଜରିଆରେ ଟିଭିସି ଭାବରେ ପ୍ରସାରିତ କରିବ । ଡିଜିଟାଲ, ବାହ୍ୟ ଓ ଖୁଚୁରା ସକ୍ରିୟ ପ୍ଲାନ ଦ୍ୱାରା ସମର୍ଥିତ ଅଗ୍ରଣୀ ଚ୍ୟାନେଲ ଗୁଡ଼ିକରେ ଏହା ପ୍ରସାରିତ ହେବ । ଏହି ପଦକ୍ଷେପ ସଂପର୍କରେ ବେଦାନ୍ତ ସମ୍ବଳର ନିର୍ଦ୍ଦେଶକ, ଶ୍ରୀମତି ପ୍ରିୟା ଅଗ୍ରୱାଲ ହେବର, କହିଛନ୍ତ ିଯେ “ ସବୁ ମହିଳା ଓ ପିଲାମାନେ ସମାନ ଶିକ୍ଷା ସୁବିଧା ପାଇବା ଉଚିତ । ବେଦାନ୍ତ ନନ୍ଦଘର ଗ୍ରାମାଂଚଳର ମହିଳା ଓ ଶିଶୁ ମାନଙ୍କ ବିକାଶ ଲାଗି ସେମାନଙ୍କ ପାଇଁ ଉତମ ପୋଷଣ, ଶିକ୍ଷା, ସ୍ୱାସ୍ଥ୍ୟ ଯତ୍ନ ଓ ଦକ୍ଷତାର ବିକାଶ ପାଇଁ କାର୍ଯ୍ୟ କରୁଛି । ଯଦ୍ୱାରା ସେମାନେ ଆତ୍ମ ନିର୍ଭର ହୋଇ ପାରିବେ । ଏହି ଭିଡିଓ ନନ୍ଦଘରର ଆଗଧାଡ଼ିକ କର୍ମଚାରୀଙ୍କ ଅକ୍ଲାନ୍ତ ପରିଶ୍ରମର ପ୍ରମାଣ, ଯେଉଁମାନେ ତାଙ୍କର ଅଦ୍ୟମ ନିଷ୍ଠା ଦ୍ୱାରା ଏହି ସ୍ୱପ୍ନକୁ ବାସ୍ତବତାରେ ପରିଣତ କରୁଛନ୍ତିି ।” ଏହି ଭିଡିଓ ଅଭିଯାନ ପଛରେ ରହିଥିବା ଚିନ୍ତାଧାରା ସଂପର୍କରେ ପ୍ରଶୁନ ଯୋଶୀ, ସିଇଓ ଓ ସିସିିଓ ମାକନାନ ୱାର୍ଲଡ ଗ୍ରୁପ ଇଣ୍ଡିଆ କହିଛନ୍ତିଯେ ଏକ କାହାଣୀ ଧୀରେ ଧୀରେ ସମାଜରେ ପରିବର୍ତନ ଆଣିପାରେ ଓ ଏକ ସ୍ୱତନ୍ତ୍ର ସଂପର୍କ ଗଢିପାରେ । ଦେଶର ଆବଶ୍ୟକତା ପାଇଁ ଏହାର ଆବଶ୍ୟକତା ରହିଛି ।

ଏହି ଅଭିଯାନର ଦ୍ୱିତୀୟ ପର୍ଯ୍ୟାୟ ଶୁଭାରମ୍ଭ ସହିତ ଏକ ନୂଆ ସଂପର୍କ ସୃଷ୍ଟି ହୋଇ ପାରିବ । ୧୧ଟି ରାଜ୍ୟରେ ୨୩୦୦ରୁ ଅଧିକ ନନ୍ଦଘର ମାଧ୍ୟମରେ ଏହି ଅଭିଯାନ ବିଶ୍ୱ ପାଇଁ ଏକ ନୂତନ ବାର୍ତା ପ୍ରଦାନ କରିବ ଓ ଗ୍ରାମାଂଚଳର ମହିଳା ଓ ଶିଶୁ ମାନଙ୍କ ଜୀବନରେ ପରିବର୍ତନ ଆଣି ପାରିବ । ତୃଣମୂଳ ସ୍ତରେ ୭ କୋଟି ପିଲା ଓ ୨ କୋଟି ମହିଳାଙ୍କ ଜୀବନରେ ପରିବର୍ତନ ଆଣିବା ନନ୍ଦଘରର ଲକ୍ଷ୍ୟ । ନନ୍ଦଘର ପ୍ରକଳ୍ପରେ ମହିଳା ଓ ଶିଶୁ ମାନଙ୍କ ବିକାଶ ପ୍ରତି ଗୁରୁତ୍ୱ ଦିଆଯାଇଛି । ଯାହା ମଧ୍ୟରେ ପିଲାମାନଙ୍କ ପାଇଁ ଇ ଲର୍ଣ୍ଣୀଂ, ପ୍ରାଥମିକ ସ୍ୱାସ୍ଥ୍ୟ ସେବା, ମହିଳାମାନଙ୍କ ଅର୍ଥନୈତିକ ସଶକ୍ତିକରଣ, ସ୍ଥାନୀୟ ପ୍ରଶାସନିକ ବ୍ୟବସ୍ଥାର ସୁଦୃଢୀକରଣ ଓ ଅତ୍ୟାଧୁନିକ ଭିତିଭୂମିର ନିର୍ମାଣ ଭଳି ପ୍ରମୁଖ ଦିଗ ରହିଛି । ମହିଳା ଓ ପିଲାମାନଙ୍କ ପ୍ରତି ବିଶେଷ ଧ୍ୟାନ ପ୍ରଦାନ ପାଇଁ ନନ୍ଦଘର ଭୂମିକା ଗରୁତ୍ୱପୂର୍ଣ୍ଣ । ଏହା ମଧ୍ୟ କୋଭିଡ-୧୯ ବିରୁଦ୍ଧରେ ଲଢାଇ ଜାରି ରଖିଛି ଓ ଗୋଷ୍ଠୀ ମଧ୍ୟରେ ସଚେତନତା ସୃଷ୍ଟି କରୁଛି । ଏହି କେନ୍ଦ୍ର ଦ୍ୱାରା ଟୀକାକରଣ ବ୍ୟବସ୍ଥା ଓ ମହାମାରୀ ସମୟରେ କ୍ୱାରାଂଟାଇନ ବ୍ୟବସ୍ଥା କରାଯାଇଛି ।