ଓଡ଼ିଶା ତାଜା ନ୍ୟୁଜ୍ (୦୮ ଜୁଲାଇ ଗୁରୁବାର ) କୋରାଇ :- କେନ୍ଦ୍ର ଓ ରାଜ୍ୟ ସରକାରଙ୍କ ଜନମାରଣ ନୀତିକୁ ବିରୋଧ କରି କୋରାଇ ବ୍ଲକ କଂଗ୍ରେସ କମିଟ ପକ୍ଷରୁ ଆଜି ବ୍ଳକ ସ୧ୁଖରେ ଥାଳି, ଖଞ୍ଜଣି, ଘଂଟ ଓ ଢୋଲ ବଜାଇ, ପ୍ଲା-କାର୍ଡ ଧରି ଅଭିନବ ଉପାୟରେ ବିକ୍ଷୋଭ ପଦର୍ଶନ ପୂର୍ବକ ଧାରଣା ଦିଆଇଥିଲା । ଏଆଇସିସିର ନିର୍ଦେଶକ୍ରମେ ପିସିସିର ପରାମର୍ଶରେ କୋରାଇ ବ୍ଲକ କଂଗ୍ରେସ ପକ୍ଷରୁ ସଭାପତି ଅକ୍ଷୟକୁମାର ଜେନାଙ୍କ ତେନୃତ୍ୱରେ ଆଜି କଂଗ୍ରେସ କର୍ମୀ ଓ କର୍ମକର୍ତାମାନେ କୋରାଇ ସ୍ଥିତ ମେଲଣ ପଡିଆ ଠାରୁ ପ୍ଲା-କାଡ, ବ୍ୟାନର ଓ ପତାକା ଧରି କେନ୍ଦ୍ର ଓ ରାଜ୍ୟ ସରକାରଙ୍କ ଜନମାରଣ ନୀତିର ପ୍ରତିବାଦ ସ୍ୱରୂପ ନାରାବାଜି କରି ବ୍ଲକ ନିକଟରେ ପହଂଚିଥିଲେ ।
ବ୍ଲକ ସମୁଖରେ ଧାରଣାରେ ବସି ଉଭୟ ସରକାରଙ୍କ ଦୁରଦର୍ଶିର୍ିତା ଅଭାବ ଯୋଗୁ କରୋନା ସଂକ୍ରମଣ ନକମିବା ଓ ବିଶେଷ କରି ପେଟ୍ରୋଲ, ଡିଜେଲ ରନ୍ଧନ ଗ୍ୟାସ, ଖାଇବା ତେଲ ଓ ନିତ୍ୟବ୍ୟବହୃତ ଖାଦ୍ୟ ସାମଗ୍ରୀର ଅହେତୁକ ଦରବୃଦ୍ଧି, ଧାନର ଦର କ୍ୱିଂଟାଲ ପ୍ରତି ଏମଏସପି ୨୯୩୦ଟଙ୍କାକୁ ବୃଦ୍ଧିକରିବା, ଧାନକିଣାର ଟୋକନ ଅବଧିକୁ ଜୁନ ୩୦ପରିବର୍ତେ ଜୁଲାଇ ୨୫ ପର୍ଯ୍ୟନ୍ତ ବୃଦ୍ଧିକରିବା, କଟଣୀ ଓ ଛଟଣିକୁ ସଂପୂର୍ଣ୍ଣ ବାଦ ଦେବା, ଖରିଫ ଋତୁରେ ସମସ୍ତଙ୍କୁ ରିହାତି ଦରରେ ବିହନ, ସାର ଓ କୀଟନାଶକ ଔଷଧ ଅବିଳମ୍ବେ ପ୍ରଦାନ କରିବା ଓ ଚଳିତ ରବି ଋତୁରେ ଚାଷୀଙ୍କର ହଜାର ହଜାର କ୍ୱିଂଟାଲ ଧାନକୁ ସରକାର ନକିଣବା ଦ୍ୱାରା ଧାନ ଗଜାହୋଇ ନଷ୍ଟ ହୋଇଯିବା ଫଳରେ ଚାଷୀକୁ ଅବିଳମ୍ବେ ଆର୍ଥିକ ସହାୟତା ପ୍ରଦାନ କରିବା ଆଦି କେନ୍ଦ୍ର ଓ ରାଜ୍ୟ ସରକାରଙ୍କ ଜନମାରଣ ନୀତିକୁ ବିରୋଧ କରି ଧାରଣା ପୂର୍ବକ ନାରାବାଜି କରି ପୂର୍ବାହ୍ଣ ୧୦ଟାରୁ ଅପରାହ୍ଣ ୧ଟା ଯାଏ ବିକ୍ଷୋଭ ପଦର୍ଶନ କରିଥିଲେ ।
