କଟକ ମାହାଙ୍ଗା (ଓଡିଶା ତାଜାନ୍ୟୁଜ୍ ) ମାହାଙ୍ଗା ଅଙ୍ଗନବାଡି କର୍ମୀ 30.3.2020 :- ସାରା ବିଶ୍ୱରେ କରୋନା ଭୁତାଣୁ ମହାମାରୀ ରୂପ ନେଇଥିବା ବେଳେ ସାଧାରଣ ଲୋକଙ୍କୁ ସାମାଜିକ ସୁରକ୍ଷା ଓ କରୋନା ସଂକ୍ରମଣ ରୁ କିପରି ଦୁରେଇ ରହିବା ପାଇଁ ମାହାଙ୍ଗା ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ବ୍ୟାପକ ସଚେତନତା କାର୍ଯ୍ୟ କ୍ରମ କରାଯିବା ସହ ଶିଶୁ, ଗର୍ଭବତୀ ଓ ପ୍ରସୂତି ମାନଙ୍କୁ ଶୁଖିଲା ଖାଦ୍ୟ ବଣ୍ଟନ ଓ ସାମାଜିକ ସୁରକ୍ଷା ସଚେତନତା କାର୍ଯ୍ୟକ୍ରମ ତ୍ୱରାନ୍ୱିତ କରାଯାଉଥିବାବେଳେ ଏଥିରେ ସକ୍ରିୟ ଭୂମିକା ଗ୍ରହଣ କରୁଥିବା ଅଙ୍ଗନବାଡି କର୍ମୀ ଓ ସହାୟିକା ମାନଙ୍କୁ ସରକାରଙ୍କ ପକ୍ଷରୁ ମାସ୍କ ସାନିଟାଇଜର ଓ ଗ୍ଲୋବ ଯୋଗାଇଦେବାକୁ ଦାବୀ ହୋଇଛି,
ଏହି ଜିଲ୍ଲାର ମାହାଙ୍ଗା ବ୍ଲକ ସିଡିପିଓ ପ୍ରମୋଦିନୀ ଦାଶ ଙ୍କ ନେତୃତ୍ୱରେ ଏକ ଟିମ ଗଠନ କରାଯିବାସହ ମାହାଙ୍ଗାର ପ୍ରମୁଖ ଅଙ୍ଗନବାଡି କେନ୍ଦ୍ର ଗୁଡିକର ସାମାଜିକ ସୁରକ୍ଷା କାର୍ଯ୍ୟ କ୍ରମକୁ ତଦାରଖ କରାଯାଉଛି, ଏଥି ସହ ଲକ ଡାଉନ ସମୟରେ ଲୋକ ମାନେ କିପରି ସାମାଜିକ ଦୂରତା ରକ୍ଷାକରି କରୋନା ସଂକ୍ରମଣରୁ ଦୁରେଇ ରହିବେ ସେଥିନେଇ ଅଙ୍ଗନବାଡି କର୍ମୀମାନେ ଗାଁ ଗାଁ ବୁଲି ସଚେତନ ବାର୍ତା ଦେଉଛନ୍ତି, ଯେଉଁ ଲୋକ ମାନେ ବିଦେଶ ଓ ରାଜ୍ୟ ବାହାରୁ ଘରକୁ ଆସିଛନ୍ତି ସେମାନଙ୍କୁ ଚିହ୍ନଟ କରିବା ସହ ଡାକ୍ତରଙ୍କ ପରାମର୍ଶ ନେଇ ହୋମ ଆଇଶୋଲେସନ ରହିବାକୁ ପରାମର୍ଶ ଦେଉଛନ୍ତି, ପଂଚାୟତ ରେ ଅସହାୟ ଲୋକ ମାନଙ୍କୁ ରନ୍ଧା ଖାଦ୍ୟ କିପରି ଦିଆଯିବ ସେଥିନେଇ ସମସ୍ତ ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ରନ୍ଧା ଖାଦ୍ୟ କିପରି ରୋଷେଇ ହୋଇ ଦିଆଯିବ ସେଠି ଉପସ୍ଥିତ ରହି ତଦାରଖ କରୁଛନ୍ତି, ବାହାର ଲୋକଙ୍କ ଠାରୁ କିପରି ସାଧାରଣ ଲୋକ ଦୁରେଇ ରହିବେ ସେଥିନେଇ ବାହାରୁ ଆସି ରହୁଥିବା ଲୋକଙ୍କ ଘରେ ଲଟକା ଲଗାଉଥିବା ଭଳି କାର୍ଯ୍ୟ କରୁଥିବା ଦେଖିବାକୁ ମିଳିଛି,
ଏହି ସାମାଜିକ ସୁରକ୍ଷା ସଚେତନତା କାର୍ଯ୍ୟକ୍ରମରେ ମହିଳା ପରିଦର୍ଶିକା ଆଇସା ଖାତୁନ, ଓଜସ୍ୱନି ମହାନ୍ତି ବେଙ୍ଗ ପଣ୍ଡା, ସୁବାସିନୀ ସାହୁ ଶାନ୍ତିଲତା ପ୍ରଧାନ, ଅଙ୍ଗନବାଡି କର୍ମୀ ମାନେ ବର୍ତମାନ ସମୟରେ ସରକାର ତାଙ୍କୁ ବିଭିନ୍ନ କାର୍ଯ୍ୟକ୍ରମରେ ନିୟୋଜନ କରୁଥିବାରୁ ସେମାନଙ୍କ ଜୀବନର ସୁରକ୍ଷା ଦୃଷ୍ଟିରୁ ସେମାନଙ୍କୁ ମାସ୍କ ହ୍ୟାଣ୍ଡ ଗ୍ଲୋବ ଓ ସାନିଟାଇଜର ଯୋଗାଇଦେବାକୁ ରାଜ୍ୟ ସରକାର ଙ୍କ ନିକଟରେ ସାଧାରଣରେ ଦାବୀ ହୋଇଛି,ମାହାଙ୍ଗାରୁ ଲଷ୍ମୀଧର ଖୁଣ୍ଟିଆଙ୍କ ରିପୋର୍ଟ,