ଗୋଦ୍‌ରେଜ୍ ସିକ୍ୟୁରିଟି ସଲ୍ୟୁସନ୍ସ ପକ୍ଷରୁ କୋଭିଡ୍‌-୧୯ ଟିକାକରଣ ଲାଗି ନାଗରିକଙ୍କୁ ଆହ୍ୱାନ ; ହୋମ୍ ଲକର୍ ଓ ୟୁଭି କେସ୍ ଉତ୍ପାଦ ଉପରେ ଟିକାକରଣ କରିଥିବା ଗ୍ରାହକଙ୍କୁ ରିହାତି

ଓଡ଼ିଶା ତାଜା ନ୍ୟୁଜ (୧ ଜୁଲାଇ ଗୁରୁବାର )ଭୁବନେଶ୍ୱର :-  ଗୋଦ୍‌ରେଜ୍ ଗ୍ରୁପ୍‌ର ସଂସ୍ଥା ଗୋଦ୍‌ରେଜ୍ ସିକ୍ୟୁରିଟି ସଲ୍ୟୁସନ୍ସ ପକ୍ଷରୁ କୋଭିଡ୍ ଟିକାର ଅତିକମ୍‌ରେ ଗୋଟିଏ ଡୋଜ୍‌ ନେଇଥିବା ଗ୍ରାହକମାନଙ୍କ ଲାଗି ସିଏସ୍‌ଆଇଆର୍ ସାର୍ଟିଫାଏଡ୍ ୟୁଭି କେସ୍ ଓ ହୋମ୍ ଲକର୍ ଉପରେ ରିହାତି ଘୋଷଣା କରାଯାଇଛି । ଟିକାକରଣ କରିଥିବା ଗ୍ରାହକମାନେ କଂପାନିର ବିକ୍ରି ଟିମ୍ ସହିତ ୯୮୨୦୨୪୭୮୪୭ ନମ୍ବରରେ ହ୍ୱାଟ୍‌ସଆପ୍ ଜରିଆରେ ଯୋଗଯୋଗ କରି ଏହି ଉତ୍ପାଦଗୁଡ଼ିକ ଉପରେ ୧୦% ରିହାତି ପାଇପାରିବେ । ସରକାର ଜାରି କରିଥିବା ଟିକା ସାର୍ଟିଫିକେଟ୍‌ର ଏକ ଫଟୋ ସେମାନଙ୍କୁ ପଠାଇବାକୁ ହେବ । ତାହା ସଠିକ୍ ବୋଲି ପ୍ରମାଣିତ ହେବା ପରେ କଂପାନିର ଟିମ୍ ଏକ କୁପନ୍‌ କୋଡ୍ ପ୍ରଦାନ କରିବେ ଯାହାକୁ ଗ୍ରାହକମାନେ ଇ-କମର୍ସ ସାଇଟ୍‌ରୁ କିଣାକିଣି ପାଇଁ ବ୍ୟବହାର କରିପାରିବେ । ଏହି ଅଫର୍ ଜୁନ୍ ୨୮ରୁ ୩୦ ପର୍ଯ୍ୟନ୍ତ ଜାରି ରହିବ । ଏହା ଏଭଳି ଏକ ସମୟରେ ଘୋଷଣା କରାଯାଇଛି ଯେତେବେଳେ ଦେଶ କରୋନା ମହାମାରୀର ଦ୍ୱିତୀୟ ଲହର ସହ ଲଢ଼େଇ କରୁଛି ଓ ସମ୍ଭାବ୍ୟ ତୃତୀୟ ଲହର ପାଇଁ ପ୍ରସ୍ତୁତ ହେଉଛି । କୋଭିଡ୍ ସହିତ ଭଲ ଭାବେ ଲଢ଼େଇ ପାଇଁ ଟିକାକରଣ ହେଉଛି ବର୍ତମାନ ସମୟର ଆହ୍ୱାନ । ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ବର୍ତମାନ ସୁଦ୍ଧା ୩୨ କୋଟି ଲୋକଙ୍କ ଟିକାକରଣ ହୋଇସାରିଛି ଯାହା ଏବେବି ଏତେ ଜନସଂଖ୍ୟାବହୁଳ ଦେଶ ପାଇଁ ବହୁତ କମ୍ । ଟିକା ନେବାକୁ ଲୋକମାନେ କିଭଳି କୁଣ୍ଠା ପ୍ରକାଶ କରୁଛନ୍ତି ତାହାର ଏହା ଏକ ପ୍ରମାଣ । ଏ ସମ୍ପର୍କରେ ମେହେରନୋଷ ପିଠାୱାଲା, ଉପସଭାପତି, ଗୋଦ୍‌ରେଜ୍‌ ସିକ୍ୟୁରିଟି ସଲ୍ୟୁସନ୍ସ କହିଛନ୍ତି ଯେ, “ ଏହି ମାରାତ୍ମକ ମହାମାରୀରୁ ନିଜକୁ ଓ ନିଜ ପରିବାରର ସୁରକ୍ଷା ଲାଗି ଗଣ ଟିକାକରଣ ହେଉଛି ବର୍ତମାନ ସମୟର ଆହ୍ୱାନ । ଗୋଦ୍‌ରେଜ୍ ସିକ୍ୟୁରିଟି ସଲ୍ୟୁସନ୍ସରେ ଆମେ ଗ୍ରାହକଙ୍କ ଶାରିରୀକ ଓ ମାନସିକ ସ୍ୱାସ୍ଥ୍ୟର ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ପ୍ରଦାନ କରୁଛୁ ଓ ଏବଂ ସେଥିପାଇଁ ଆମେ ନାଗରିକମାନଙ୍କୁ ଆହ୍ୱାନ ଦେଉଛୁ ଯେ କୁଣ୍ଡା ପ୍ରକାଶ କରନ୍ତୁ ନାହିଁ, ଟିକା ଗ୍ରହଣ କରନ୍ତୁ । ସ୍ୱାସ୍ଥ୍ୟ ସୁରକ୍ଷାକୁ ଅଗ୍ରାଧିକାର ଦେବା ପାଇଁ ସେମାନଙ୍କୁ ପ୍ରୋତ୍ସାହିତ କରିବାର ଉପାୟ ଭାବେ ଆମେ ଟିକାକରଣ କରିଥିବା ଗ୍ରାହକମାନଙ୍କ ପାଇଁ ସ୍ୱତନ୍ତ୍ର ଅଫର୍ ଆଣିଛୁ ଯେଉଁମାନେ ଆମ ହୋମ୍ ଲକର୍ ଓ ୟୁଭି କେସ୍ ବର୍ଗର ଉତ୍ପାଦ ଉପରେ ୧୦% ରିହାତି ପାଇପାରିବେ । ଏହି ସବୁ ଉତ୍ପାଦଗୁଡ଼ିକ ମହାମାରୀ ସମୟରେ ବହୁତ ଚାହିଦାରେ ରହିଛି । ଆମେ ଏକ ସମୟରେ ଗୋଟିଏ ପଦକ୍ଷେପ ଗ୍ରହଣ କରି କୋଭିଡ୍‌-୧୯ ବିରୋଧରେ ଲଢ଼େଇ ଜିତିପାରିବା, କିନ୍ତୁ ଏଥିପାଇଁ ଗୁରୁତ୍ୱପୂର୍ଣ୍ଣ ହେଉଛି ଆମ ସମସ୍ତଙ୍କୁ ମିଳିତ ଭାବେ ଗୋଟିଏ ଦିଗରେ ଅଗ୍ରସର ହେବାକୁ ପଡ଼ିବ ।’’