ଓଡ଼ିଶା ତାଜା ନ୍ୟୁଜ (୩୦ ଜୁନ ବୁଧବାର ) ବାଙ୍କୀ :- ବାଙ୍କୀ ବ୍ଲକ କେନ୍ଦୁପଲ୍ଲୀ ପଞ୍ଚାୟତ କାର୍ଯ୍ୟାଳୟ ପ୍ରାଙ୍ଗଣ ରେ ଓଡ଼ିଶା ମୋ ପରିବାର ଓ ଜୀବନ ବିନ୍ଦୁ ପକ୍ଷରୁ ବାଙ୍କୀ ବାଙ୍କୀ ବ୍ଲକ ବିଜୁ ଯୁବ ଓ ଛାତ୍ର ଜନତା ଦଳର ସଦସ୍ୟ ମାନଙ୍କ ସହଯୋଗରେ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି ।ଏହି ଶିବିର କୁ ବାଙ୍କୀ ବିଧାୟକ ତଥା ରାଜ୍ୟ ଛାତ୍ର ବିଜେଡି ସଭାପତି ଦେବୀରଞ୍ଜନ ତ୍ରିପାଠୀ ଉଦଘାଟନ କରିଥିଲେ।ଏହି ରକ୍ତ ଦାନ ଶିବିରରେ ଆଖ ପାଖ ଅଞ୍ଚଳର ବହୁ ଯୁବକ ଓ ଯୁବତୀ ସ୍ବେଚ୍ଛା କୃତ ଭାବେ ଆସି ରକ୍ତ ଦାନ କରିଥିଲେ ।ରକ୍ତ ଦାନ କରିଥିବା ଯୁବକ ଓ ଯୁବତୀ ଙ୍କୁ ଜୀବନ ବିନ୍ଦୁ ଦ୍ୱାରା ପ୍ରମାଣ ପତ୍ର ପ୍ରଦାନ କରାଯାଇଥିଲା। ବାଙ୍କୀବ୍ଲକ ଯୁବ ବିଜେଡି ସଭାପତି ତଥା କାଳିପୋଇ ସରପଞ୍ଚ ସୁବାସ ସ୍ବାଇଁ ଓ କେନ୍ଦୁପଲ୍ଲୀ ର ପୂର୍ବତନ ସରପଞ୍ଚ ପ୍ରଦୁନ୍ନ ସୁବୁଦ୍ଧି (କାଳୁ)ରକ୍ତ ଦାନ ଶିବିରକୁ ପରିଚନା କରିଥିଲେ ।ଆଜିର ରକ୍ତ ଦାନ ଶିବିରରେ ୧୦୫ ୟୁନିଟ ରକ୍ତ ସଂଗହ କରାଯାଇଛି ।
