ଭତ୍ତା ବଣ୍ଟନ କରି ଶିକ୍ଷକ କରୋନା ପଜିଟିଭ୍

ତାଜା ନ୍ୟୁଜ (୨୬ ଜୁନ୍‌ ଶନିବାର) ନୂଆଗାଁ :- ନୟାଗଡ ଜିଲ୍ଲା ନୂଆଗାଁ ବ୍ଲକ୍ ର ଶିକ୍ଷକ ଦିଲ୍ଲୀପ କୁମାର ଦାଶ ଭତ୍ତା ବଣ୍ଟନ କରିବାକୁ ଯାଇ ସ୍ବାସ୍ଥ୍ୟ ଅବସ୍ଥା ଗୁରୁତର ହୋଇଥିଲା ।ସୂଚନା ଅନୁଯାୟୀ ମହିପୁର ନୋଡାଲ ହାଇସ୍କୁଲ ର ଶିକ୍ଷକ ଦିଲ୍ଲୀପ କୁମାର ଦାଶ ମହିପୁର ପଞ୍ଚାୟତ ର ପୋଖରା , ପାଟୁଳି ସାହି ଆଦି ବିଭିନ୍ନ ଗ୍ରାମରେ ଭତ୍ତା ବଣ୍ଟନ କରିଥିଲେ । ଭତ୍ତା ବଣ୍ଟନ ସମୟରେ ତାଙ୍କ ସ୍ବାସ୍ଥ୍ୟ ଅବସ୍ଥାରେ ଗୁରୁତର ହେବାରୁ ସେ ମହିପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଯାଇଥିଲେ ।

ସେଠାରେ ତାଙ୍କୁ କୋଭିଡ଼ ପରୀକ୍ଷା କରାଯାଇଥିବା ବେଳେ ତାଙ୍କ ରିପୋର୍ଟ ପଜିଟିଭ୍ ଆସିଥିଲା । ତେବେ ଶିକ୍ଷକ ମାନଙ୍କ ସ୍ବାସ୍ଥ୍ୟ ଅବସ୍ଥା ନ ପଚାରି ତାଙ୍କୁ ଭତ୍ତା ବଣ୍ଟନ କାର୍ଯ୍ୟକ୍ରମ ରେ ନିୟୋଜିତ କରାଯିବା ଉଚିତ୍ ନୁହେଁ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି । (ପୁଷ୍ପଲତା ପ୍ରଧାନ ଙ୍କ ରିପୋର୍ଟ )