କରୋନା ମୁକାବିଲା ପାଇଁ ଏକ ଭିନ୍ନ ପ୍ରୟାସ : ପଳାସୁଣୀର ଜିତୁ ଜେନା ଘରଭଡ଼ା ଛାଡ଼ କଲେ ୧ ମାସର

ଭୁବନେଶ୍ୱର (ଓଡିଶା ତାଜାନ୍ୟୁଜ୍ ) ପଳାସୁଣୀ 27.3.2020 :- ମହାମାରୀ କରୋନାର ମୁକାବିଲା କରିବା ସରକାରଙ୍କଠୁ ଆରମ୍ଭ କରି ବେସରକାରୀ ସଂସ୍ଥା ଅଣ୍ଟା ଭିଡିଛନ୍ତି । ଏହି ମହାମାରୀର ମୁକାବିଲା ପାଇଁ ସମସ୍ତେ ସହଯୋଗର ହାତ ବଢ଼ାଉଛନ୍ତି । ସରକାର, ବିଭିନ୍ନ ଶିଳ୍ପ ସଂସ୍ଥା, କଳାକାର, ଖେଳାଳୀ ଲକ୍ଷ ଲକ୍ଷ କୋଟି କୋଟି ଟଙ୍କା ଦାନ କରୁଛନ୍ତି । ଏପରି ସମୟରେ ପେଟ ପାଇଁ ସଂଘର୍ଷ ଏବେ ପ୍ରତିଦିନ ପ୍ରତି ଘରେ ଚାଲିଛି । ଏହାକୁ ନଜରରେ ରଖି ଭୁବନେଶ୍ବରର ପଳାସୁଣୀ ସ୍ଥିତ ବାସିନ୍ଦା ଜିତୁ ଜେନା ବଡ଼ ପଦକ୍ଷେପ ନେଇଛନ୍ତି । ଶ୍ରୀ ଜେନାଙ୍କ ଘରେ ୧୦ଜଣ ଭଡାଟିଆଙ୍କୁ ଭଡ଼ା ରହୁଥିବା ଅନ୍ତେବାସୀଙ୍କୁ ୧ ମାସର ଘରଭଡ଼ା ଛାଡ଼ କରିଛନ୍ତି । ଶ୍ରୀ ଜେନା କହିଛନ୍ତି ଯେ, ଏଭଳି ସମୟରେ ସମସ୍ତେ ସାହାଯ୍ୟର ହାତ ବଢ଼ାନ୍ତୁ । ଆଉ ମହାମାରୀ କରୋନାର ମୁକାବିଲା କରନ୍ତୁ । ଶ୍ରୀଜେନାଙ୍କ ଏଭଳି ପଦକ୍ଷେପକୁ ସ୍ଥାନୀୟବାସୀ ବେଶ୍‌ ପ୍ରଶଂସା କରିଛନ୍ତି ।