ଅସୁସ୍ଥ ଷଣ୍ଢକୁ କୋରାଇ ବଜରଙ୍ଗ ଦଳ ପକ୍ଷରୁ ଚିକିତ୍ସା

ଓଡ଼ିଶା ତାଜା ନ୍ୟୁଜ (୨୦ ଜୁନ୍ ,ରବିବାର ) କୋରାଇ :-  କୋରାଇ ସ୍ଥିତ ମେଲଣ ପଡ଼ିଆ ସାହି ନିକଟରେ ଅସୁସ୍ଥଅବସ୍ଥା ପଡିରହିଥିବା ଏକ ଷଣ୍ଢକୁ କୋରାଇ ପ୍ରଖଣ୍ଡ ବଜରଂଗ ଦଳ ପକ୍ଷରୁ ଚିକିତ୍ସା ବ୍ୟବସ୍ଥା କରାଯାଇଛି । ଦୁଇଦିନ ପୂର୍ବରୁ ଏହି ଷଣ୍ଢର ଶରୀରର ବିଭିନ୍ନ ସ୍ଥାନରେ କୌଣସି କାରଣ ବଶତଃ ଖଣ୍ଡିଆ ଖାବରା ହୋଇଥିବା ଯୋଗୁ ଆହତ ଅବସ୍ଥାରେ ଏହି ମେଳଣ ପଡିଆ ନିକଟରେ ପଡ଼ିରହି ଯବଣା ପାଉଥିଲା । ଏହି ଖବର ପାଇ ବଜରଂଗ ଦଳ ସଦସ୍ୟମାନେ ଘଟଣା ସ୍ଥଳରେ ପହଂଚି ଚକିତ୍ସକ ଡାକନେଇ ଚିକତ୍ସା କରିଛନ୍ତି ।

ଷଣ୍ଢସୁସ୍ଥ ହେବାକୁ ପ୍ରାଏ ୧୫ଦିନ ଲାଗିବ ବୋଲି ଚିକିତ୍ସକଙ୍କ ପକ୍ଷରୁ ସୁଚନା ମିଳିଛି । ତେଣୁ ଷଣ୍ଢଟି ସୁସ୍ଥ ହେବା ପର୍ଯ୍ୟନ୍ତ ସବୁପ୍ରକାର ସେବାଯୋଗାଇବା ନିମନ୍ତେ କୋରାଇ ପ୍ରଖଣ୍ଡ ବଜରଂଗ ଦଳ ପକ୍ଷରୁ ନିଷ୍ପତି ନିଆଯାଇଛି । ଏହି ସେବାକାର୍ଯ୍ୟରେ ଦଳର ସଂଯୋଜକ ଭୂପତିଭୂଷଣ ଦାଶ, ସହସଂଯୋଜକ ବଙ୍ଗନ ଖିଲାର, ପ୍ରଦୀପ୍ତ ସାନ୍ତରା, ଦେବୀପ୍ରସାଦ ସାହୁ, ରାଜାରାମ ଖିଲାର, ଅକ୍ଷୟ ମଲ୍ଲିକ, ଜିତେନ୍ଦ୍ର ଜେନା, କାଳିଆ ଜେନା, ବଟିଂ ମଲ୍ଲିକଙ୍କ ସମେତ ବହୁ କାର୍ଯ୍ୟକର୍ତା ସାମିଲ ହୋଇଥିଲେ ।  (ରଶ୍ମିରେଖା ମଲ୍ଲିକଙ୍କ ରିପୋର୍ଟ)