ଖୋର୍ଦ୍ଧା-ଜଟଣୀ :- ଇଫତେଖାର ଅଲ୍ଲୀ :-ଯୋଗ ଅଭ୍ୟାସ ମାଧ୍ୟମରେ ସମସ୍ତଙ୍କୁ ମାନସିକ, ଶାରୀରିକ ଏବଂ ଆଧ୍ୟାତ୍ମିକ ଭାବରେ ସୁସ୍ଥ ରଖିବା ଲକ୍ଷ୍ୟରେ ପ୍ରତିବର୍ଷ ୨୧ ଜୁନ୍ ଦିନ ଆନ୍ତର୍ଜାତୀୟ ଯୋଗ ଦିବସ ଭାବରେ ପାଳନ କରାଯାଏ | “ଯୋଗ” ହେଉଛି ଏକ ଆଧ୍ୟାତ୍ମିକ ବ୍ୟାୟାମ ଯାହା ଶରୀର, ମନ ଏବଂ ଆତ୍ମାକୁ ସଂଯୋଗ କରେ | ଯୋଗ ହେଉଛି ଏକ ଔଷଧ ଯାହାକି ବିଶ୍ଵର ଯେକୌଣସି ରୋଗକୁ ଭଲ କରିପାରେ, ଏହି ଉଦ୍ଦେଶ୍ୟ ସହିତ ଖୋର୍ଦ୍ଧାରୋଡ୍ ମଣ୍ଡଳ ଦ୍ୱାରା “ଆନ୍ତର୍ଜାତୀୟ ଯୋଗ ଦିବସ” ପାଳନ କରାଯାଇଥିଲା |
ଏହି ଅବସରରେ ଖୋର୍ଦ୍ଧା ରୋଡ଼ ମଣ୍ଡଳରୁ, ମଣ୍ଡଳ ରେଳ ପ୍ରବନ୍ଧକ, ଶ୍ରୀ ଶଶି କାନ୍ତ ସିଂହଙ୍କ ସମସ୍ତ କର୍ମଚାରୀ ଏବଂ ସେମାନଙ୍କ ପରିବାରକୁ ଦୈନନ୍ଦିନ ଜୀବନରେ ଯୋଗ ଅଭ୍ୟାସ କରିବାକୁ ଏବଂ ଏହି ମହାମାରୀ ସମୟରେ ନିଜକୁ ସୁସ୍ଥ ରଖିବାକୁ ଅନୁରୋଧ କରିଥିଲେ ।
ଯୋଗ କରନ୍ତୁ – ଘରେ ରୁହନ୍ତୁ, ଏହି ସ୍ଲୋଗାନ ସହିତ, ଶ୍ରୀ ଶଶି କାନ୍ତ ସିଂହ, ଡି ଆରଏମ, ଖୋର୍ଦ୍ଧା ରୋଡ଼ ଏବଂ ଶ୍ରୀମତୀ ପୂର୍ଣ୍ଣିମା ସିଂହ, ପୂର୍ବ ତଟ ରେଳପଥ ମହିଳା କଲ୍ୟାଣ ସଂଗଠନର ସଭାନେତ୍ରୀ, ବିଭିନ୍ନ ଯୋଗାସନ ଅଭ୍ୟାସ କରିଥିଲେ। ସମସ୍ତ ଅଧିକାରୀ ଏବଂ କର୍ମଚାରୀ ମଧ୍ୟ ସେମାନଙ୍କ ଘରେ ଯୋଗ ଅଭ୍ୟାସ କରିଥିଲେ |
