ଓଡ଼ିଶା ତାଜା ନ୍ୟୁଜ (୧୯ ଜୁନ୍ ଶନିବାର ) ଢେଙ୍କାନାଳ :- ଗତ ତା ୧୦/୦୬/୨୦୨୧ ରିଖ ଗୁରୁବାର ରାତ୍ର ୮ଟା ୪୦ମି ସମୟରେ ତିନି ଜଣ ଯୁବକ ମୁଁହରେ ଗାମୁଛା ଘୋଡେଇ, ହାତରେ ଭୁଜାଲି, ଛୁରୀ ଆଦି ମାରଣାସ୍ତ୍ର ଧରି କଣ୍ଟାନାଳି ବାଇପାସ୍ (ଏନ୍ ଏଚ୍-୫୫ନଂ ଜାତୀୟ ରାଜପଥ ନିକଟସ୍ଥ) ଜଣଙ୍କ ଘରେ ଅତର୍କିତ ଭାବରେ ପଶି ଉକ୍ତ ପରିବାରର ସଦସ୍ୟଙ୍କୁ ଭୟଭୀତ କରାଇ ତାଙ୍କ ନିକଟରୁ ଦୁଇ ଗୋଟି ମୋବାଇଲ ସହିତ ସୁନା ଅଳଙ୍କାର ତଥା ସୁନା ଚେନ୍,କାନ ପେଣ୍ଡି,ମୁଦି, ରୂପା ଅଳଂକାର ଲୁଟ୍ କରି ନେଇଯାଇଥିଲେ ।
ଏହି ଅଭିଯୋଗକୁ ଭିତ୍ତି କରି ଟାଉନ୍ ପୋଲିସ ଦ୍ବାରା କେସ୍ ନଂ ୨୩୬ ରେ ମାମଲା ରୁଜୁ କରାଯାଇଥିଲା। ତଦନ୍ତ ଆଧାରରେ ଟାଉନ୍ ପୋଲିସ ଆଜି ବିଭିନ୍ନ ସ୍ଥାନରେ ଚଢାଉ କରି ମୁଖ୍ୟ ଦୁଇ ଜଣ ଅପରାଧୀଙ୍କୁ ଧରିବାରେ ସଫଳ ହୋଇଥିଲେ ଓ ତାଙ୍କ ନିକଟରୁ ମାରଣାସ୍ତ୍ର ସହିତ ଚୋରି ସାମଗ୍ରୀ ଜବତ କରାଯାଇଛି ।
