ଓଡ଼ିଶା ତାଜା ନ୍ୟୁଜ୍ (୧୩ ଜୁନ୍ ,ରବିବାର ) କୋରାଇ :- ରାତି ପାହିଲେ ଓଡିଶାର ଗଣ ପର୍ବ ରଜ । ଏହି ପର୍ବ ଲାଗି ଓଡ଼ିଆଘର ୩ଦିନଧରି ଆନନ୍ଦରେ ମୁଖରିତ ହୋଇଥାଏ । ରଜପୂର୍ବ ପୂର୍ବଦିନ ‘ପାଣିବୁହା’ । ଏହି ଦିନ ଆମ୍ବ, ପଣଶ, ଲୁଗାପଟା ଆଦି ବିଭିନ୍ନ ଜିନିଷପତ୍ର କିଣାକିଣିକରି ପର୍ବଲାଗି ପ୍ରସ୍ତୁତି ହେବାକୁ ପଡିଥାଏ । ହେଲେ ଆଜି ସେହି ପ୍ରସ୍ତୁତିର ଦିନ ‘ପାଣି ବୁହା’ ହୋଇଥିଲା ବେଳେ ବିଶ୍ୱମହାମରୀ କରୋନାର ଶୃଙ୍ଖଳ ଭାଙ୍ଗିବାଲାଗି ସପ୍ତାହାନ୍ତ ବନ୍ଦ । ତେଣୁ କରୋନା ଭୟଭୀତ କୋରାଇ ବାସୀ ଏହି ମହାମାରୀ ରୋଗର ପ୍ରତିହତ ଲାଗି ହୋଇଥିବା ସମସ୍ତ ନିୟମକୁ ଶୃଙ୍ଖଳାର ସହ ମାନି ନେଇଛନ୍ତି । ଫଳରେ ଆଜି ରବିବାର ସପ୍ତାହାନ୍ତ ବନ୍ଦ ହୋଇଥିବାରୁ ଘରୁ କେହି ବାହାରକୁ ବାହାରି ନାଥିବାରୁ ଅଂଚଳର ସମସ୍ତ ବଜାର, ଛକ ଓ ଜାତୀୟ ରାଜପଥ ଆଦି ସବୁଆଡେ ଖାଁ ଖାଁ ଲାଗୁଥିଲା । ଏବେ କରୋନାର ତୃତୀୟ ପର୍ଯ୍ୟାୟ ତାଲାବନ୍ଦ ସହ ସପ୍ତାହାନ୍ତ ବନ୍ଦ ଜାରି ରହିଛି । କୋରାନା ଶୃଙ୍ଖଳ ଛିନ୍ନଲାଗି ବିଭିନ୍ନ କଟକଣା ଜାରି ରହିଛି । ହେଲେ କୋରାଇ ସମେତ ଯାଜପୁର ଜିଲାରେ କରୋନା ରୋଗ ଥମିବା ପରିବର୍ତେ ବ୍ୟାପିବାରେ ଲାଗିଛି । ଏହା ବିଶେଷକରି ସହରାଂଚଳ ଅପେକ୍ଷା ଗ୍ରାମାଂଚଳରେ ବ୍ୟାପକ ହେବାରେ ଲାଗିଛି ।
