ଡମପଡା ତହସିଲ ପକ୍ଷରୁ ରଥ ଯାତ୍ରା ପ୍ରସ୍ତୁତି ବୈଠକ

ଓଡ଼ିଶା ତାଜା ନ୍ୟୁଜ୍ ( ୧୨ ଜୁନ୍ , ଶନିବାର ) ବାଙ୍କୀ :- ଡମପଡା ତହସିଲ କାର୍ଯ୍ୟାଳୟ ରେ ଚଳିତ ବର୍ଷ ରଥ ଯାତ୍ରା ପ୍ରସ୍ତୁତି ବୈଠକ ବାଙ୍କୀ ଉପଜିଲ୍ଲାପାଳ ରଞ୍ଜନ କୁମାର ଜେନା ଙ୍କ ଅଧ୍ୟକ୍ଷତାରେ କୋଭିଡ କଟକଣା ରେ ଅନୁଷ୍ଠିତ ହୋଇଥିଲା । ଏହି ବୈଠକ କୁ ଡମପଡା ତହସିଲଦାର କ୍ଷୀତିଶ ବେହେରା ପରିଚଳନା କରିଥିଲେ।ରାଜ୍ୟ ସରକାର ଙ୍କ କୋଭିଡ ନିୟମ ଅନୁଯାୟୀ ରଥ ଯାତ୍ରା କେବଳ ପୁରୀ ରେ ଅନୁଷ୍ଠିତ ହେବ ରାଜ୍ୟ ର ଅନ୍ୟ ସ୍ଥାନ ରେ ହେବାକୁ ଥିବା ରଥ ଯାତ୍ରା ଅନୁଷ୍ଠିତ ହେବନାହିଁ ବୋଲି ରାଜ୍ୟ ସରକାର ଙ୍କ ନିଷ୍ପତ୍ତି କୁ ବାଙ୍କୀ ଉପଜିଲ୍ଲାପାଳ ଶ୍ରୀ ଜେନା ବୈଠକରେ ପ୍ରକାଶ କରିଥିଲେ ।

ରାଜ ପ୍ରତିଷ୍ଠିତ ଡମପଡା ଜଗନ୍ନାଥ ମନ୍ଦିର ରେ କେବଳ ମନ୍ଦିର ପ୍ରାଙ୍ଗଣ ରେ ପ୍ରଭୁ ଜଗନ୍ନାଥ ,ମା ସୁଭଦ୍ରା ଓ ବଳଭଦ୍ର ଙ୍କୁ କୋଭିଡ ନିୟମ ଅନୁଯାୟୀ ଗୋଟା ପହଣ୍ଡି କରି ଅନ୍ୟ ଏକ କକ୍ଷ କୁ ନେଇ କେବଳ ବିଧି ଅନୁସାରେ ରଥ ଯାତ୍ରା ପରମ୍ପରା ସେବାୟତ ଓ ତହସିଲ କର୍ମଚାରୀ ଙ୍କ ଦ୍ଵାରା ସମ୍ପନ୍ନ ହେବ ବୋଲି ଶ୍ରୀ ଜେନା ପ୍ରକାଶ କରିଥିଲେ । ପ୍ରସ୍ତୁତି ବୈଠକ ରେ ଡମପଡା ସରପଞ୍ଚ ଦେବେନ୍ଦ୍ର ଧଳ ସାମନ୍ତ, ସମାଜସେବୀ ତଥା ଗ୍ରାମ୍ୟ ମୁରବି ଆଇନଜୀବି ଗୌରୀ ଶଙ୍କର ନନ୍ଦ, ଡମପଡା ଦୋଳ କମିଟିର ସଭାପତି ଭବାନୀ ଶଙ୍କର ଧଳ,ପୂର୍ବତନ ସରପଞ୍ଚ ପ୍ରତାପ ରୁଦ୍ର ଧଳ,କୁସୁପଙ୍ଗି ସରପଞ୍ଚ ପ୍ରତିନିଧି ଅସିତ ଜେନା ଙ୍କ ସମିତ କିଛି ସ୍ଥାନୀୟ ବ୍ୟକ୍ତି ଓ ତହସିଲ କର୍ମଚାରୀ କୋଭିଡ ନିୟମ ରେ ଉପସ୍ଥିତ ଥିଲେ ।
(ରିପୋର୍ଟ  : ଗୌତମ ମିଶ୍ର )