ପୁରୀ,ତିନିରଥ ନିର୍ମାଣ – ଗୁରୁବା ର ଅଗ୍ରଗତି
ମୋଟ ନିର୍ମାଣ କାରୀଙ୍କ ଉପସ୍ଥାନ : ୧୯୭ ତିନିରଥର ମୋଟ ମହାରଣା ୭୭ ତିନି ରଥର ଭୋଇ ସେବକ ୭୬ ତିନି ରଥର କରତି ସେବକ ୪ ପାହି ମହାରଣା ୧ ଓଝା ବା କମାର ସେବକ ୧୭ ତୁମ୍ବ ବିନ୍ଧ କାରୀଗର ୨ ତିନି ରଥର ରୂପକାର ସେବକ ୧୯ ରଥ ଖଳା ସହାୟକ ୧ ମୋଟ ୧୯୭
ରଥ ନିର୍ମାଣ ଅଗ୍ରଗତି :
ଓଡ଼ିଶା ତାଜା ନ୍ୟୁଜ୍ (୧୦ ଜୁନ୍ , ଗୁରୁବାର )ପୁରୀ :- ତିନି ରଥର ୪୨ ଚକ ମଧ୍ୟରୁ ଆଜି ସୁଦ୍ଧା ୩୯ ଟି ଚକର ନିର୍ମାଣ ଶେଷ । *ଶେଷ ୩ ଗୋଟି ଚକ ର ତୁମ୍ବ ରେ ଅର ସଂଯୋଗ ହୋଇ ପଇ ପିନ୍ଧା ଯାଇ ପଇ ପଇ ବାନ୍ଧେଣି ନିମନ୍ତେ ପଇ କଳସା ଚାଲିଛି । ଆସନ୍ତା କାଲି ଚକ ନିର୍ମାଣ ଶେଷ ହେବ ବୋଲି ଆଶା ରହିଛି । *ତିନି ରଥ ର ଚକଅଖ କୁ ବାନ୍ଧି ରଖିବାପାଇଁ ରଥର ‘ତେଚିସ’ ବା ଦଣ୍ଡାରେ ଅନ୍ୟ ଅଂଶ ଗୁଡିକ ଖଞ୍ଜାଯାଇ ମାପ ପ୍ରକାରେ ସେଟ କରାଯାଉଅଛି, ଯଥା- ପାଞ୍ଚ ଦଣ୍ଡା ଏବଂ ପାର୍ଶ୍ୱ ଦଣ୍ଡାରେ ମୁହାଁଟ ସଂଯୋଗ ହୋଇ, ମୁହାଁଟ ଉପରେ କୋଣ ଗୁଜ ଏବଂ ଜଳଯନ୍ତ୍ର ଖଞ୍ଜା ଯାଇ, ଏହି କୋଣ ଗୁଜ ଓ ଜଳଯନ୍ତ୍ର ଉପରେ ନିରାଡ଼ି ପଡ଼ି ଫିଟିଙ୍ଗ କରାଯାଇଛି ।
ଏହା ସମ୍ପୁର୍ଣ୍ଣ ହୋଇ ନମ୍ବରିଙ୍ଗ ପରେ ଦଣ୍ଡାରେ ଲାଗିଥିବା ସମସ୍ତ ଅଂଶ ଖୋଲାଯାଇ ସାଇତି ରଖାଯିବ, ସମସ୍ତ ଚକା ନିର୍ମାଣ ସରି ଅଖ ସଂଯୋଗ ପରେ ଶେଷ ହୋଇଥିବା ଦଣ୍ଡା ବା ଚେଚିସ ରଥରେ ସେଟିଙ୍ଗ ହେବ । *ରୂପକାର ସେବକ ମାନଙ୍କ ଦ୍ୱାରା ତିନିରଥର କୋଣଗୁଜ ଗୁଡିକରେ ରୂପ ଖୋଦେଇ କାର୍ଯ୍ୟ ଶେଷ ପର୍ଯ୍ୟାୟରେ । ଏହା ପରେ ନାଟ ଗୋଡ଼ରେ ରୂପ ଖୋଦେଇ କାମ ଆରମ୍ଭ ହେବ ।
*ଦେବଦଳନ ରଥର ୨ ଟି ଗରଗରା ର ଚଉପଟ କାମ ଶେଷ ହୋଇଥିବା ବେଳେ, ତାଳଧ୍ଵଜ ଏବଂ ନନ୍ଦିଘୋଷ ରଥର ଗୋଟିଏ ଲେଖାଁଏ ଗରଗରା ର ଚଉପଟ କାମ ଶେଷ ହୋଇ ଆଉ ଗୋଟିଏ ଗରଗରା ର ଚଉପଟ କାମ ଚାଲୁ ରହିଛି । *ଦୋଳବେଦୀ ଠାରେ ନନ୍ଦିଘୋଷ ରଥ ର ପୋଲ ଗୟଳ ଚିରଟ କାମ କରତି ସେବକଙ୍କ ଦ୍ଵାରା ଚାଲୁଅଛି । *ଦୋଳବେଦୀ ସ୍ଥ ଅସ୍ଥାଇ କମାରଶାଳରେ ତିନି ରଥର ଓଝା ସେବକ ମାନେ ବିଡ଼ିଆ କଣ୍ଟା,୨୨ ଟି ଯୋଖା କଣ୍ଟା ୩୨ ଗୋଟି, ନିର୍ମାଣସହ ରଥର ତାଳଭାଗ (ଦଣ୍ଡା କାମ ପାଇଁ) ଅଗପାତେଳି ଓ ଚଉରସ କଣ୍ଟା ନିର୍ମାଣ କରୁଛନ୍ତି ।
