ପୁରୀ ଗଜପତି ମହାରାଜା ନିଜ ପରିବାର ସହ ନିଜ ଘରେ 14ଦିନ ପାଇଁ “ହୋମ ଆଇସୋ ଲେସନ”ରେ ରହିବେ

ପୁରୀ ( ଓଡିଶା ତାଜା ନ୍ୟୁଜ୍ ) ପୁରୀ 17.3.2020 :- ପୁରୀ କୋଡ଼ିଭ-୧୯ ରେଜିଷ୍ଟ୍ରେସନ ପୋର୍ଟାଲରେ ପଞ୍ଜୀକରଣ କରିଛନ୍ତି ଗଜପତି ମହାରାଜ । ଗଜପତି ମହାରାଜଙ୍କ ସହ ତାଙ୍କର ପୁରା ପରିବାର ପଞ୍ଜୀକରଣ କରିଛନ୍ତି । ଆମେରିକାରୁ ଫେରିବା ପରେ ନିଜ ଆଡ଼ୁ ତଥ୍ୟ ଦେଇଛନ୍ତି ଗଜପତି । ଏନେଇ ୧୪ଦିନ ଭୁବନେଶ୍ୱର ବାସଭବନରେ ସ୍ୱତନ୍ତ୍ର ନିରୀକ୍ଷଣରେ ରହିବେ । ଗତ ରବିବାର ଆମେରିକାରୁ ଭୁବନେଶ୍ୱର ଫେରିଥିଲେ ଗଜପତି ମହାରାଜ । ଲୋକଙ୍କ ସ୍ୱାସ୍ଥ୍ୟକୁ ଗୁରୁତ୍ୱ ଦେଇ ନିଜ ଆଡ଼ୁ ସରକାରଙ୍କୁ ତଥ୍ୟ ଦେଇଛନ୍ତି । ଗତକାଲି ସରକାର ବାହାରୁ ଆସିଥିଲେ କୋଡ଼ିଭ-୧୯ ପଞ୍ଜୀକରଣ ପୋର୍ଟାଲରେ ନିଜର ନାମ ପଞ୍ଜୀକରଣ କରିବା ବାଧ୍ୟତାମୂଳକ କରିଥିଲେ । କରୋନା ସତର୍କତାକୁ ନେଇ ଏହିପରି ପଦକ୍ଷେପ ନିଆଯାଇଥିଲା ।