ଲିଭିଗଲା ମାହାଙ୍ଗାର ଆଉ ପ୍ରଦୀପ, ବିଶିଷ୍ଟ ଗାନ୍ଧୀବାଦୀ ଶିକ୍ଷକ ନେତା ତଥା ମାହାଙ୍ଗାର ପୂର୍ବତନ ବିଧାୟକ – ବିକ୍ରମ କେଶରୀ ବର୍ମା ଦେହାନ୍ତ

ଓଡ଼ିଶା ତାଜା ନ୍ୟୁଜ୍ ( ୦୫ ଜୁନ୍ , ଶନିବାର ) ମାହାଙ୍ଗା :- ମାହାଙ୍ଗାର ଗାନ୍ଧିବାଦୀ ନେତା ତଥା ପୂର୍ବତନ ବିଧାୟକ, ବିହନ ନିଗମ ଅଧ୍ୟକ୍ଷଙ୍କ ଚିକିତ୍ସାଧୀନ ଅବସ୍ତାରେ ଦେହାନ୍ତ ହୋଇଯାଇଛି, ଗତ ବର୍ଷ ମାହାଙ୍ଗାର ଦୁଇ ପ୍ରଦୀପ ତଥା ପୂର୍ବତନ ମନ୍ତ୍ରୀ ସେକ ମତଲୂବ ଅଲି ଓ ପୂର୍ବତନ ବାଚସ୍ପତି ଶରତ କୁମାର କରଙ୍କୁ କରୋନା ମହାମାରୀ ୟିହଜଗତରୁ ଛଡାଇ ନେଇଥିବା ବେଳେ ଆଜି ତାଙ୍କୁ ବି ଛଡାଇ ନେଇଛି, ଏହା ମାହାଙ୍ଗା ଅଞ୍ଚଳ ପାଇଁ ବଡ ଦୁଃଖଦ ଖବର । ତାଙ୍କର ଶାନ୍ତ ସରଳ ଭଦ୍ର ଆମାୟିକ ଗୁଣ ସମସ୍ତଙ୍କୁ ଆକୃଷ୍ଟ କରୁଥିଲା, ରାଜନୀତି ରେ ରହି ସଚ୍ଚୋଟ ନିଷ୍ଠାପର ଓ ଆଦର୍ଶ ପ୍ରତିଷ୍ଠା କରିବାରେ ସେ ଥିଲେ ଉଦାହରଣ। ବିହନ ନିଗମ ଅଧ୍ୟକ୍ଷ ହେଉ ବା କାଜୁ ଉନ୍ନୟନ ନିଗମ ଅଧ୍ୟକ୍ଷ ରୂପେ ଦାୟିତ୍ଵ ନେଇ ବେଶ୍ ସଫଳ ହୋଇଥିଲେ, ।

ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଅନ୍ତରଙ୍ଗ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପୀୟ ଭାଜନ ଥିଲେ। ବିଧାୟକ ଥାଇ ବିଧାନସଭାରେ ବିଧାୟକ ମାନଙ୍କ ବେତନ ବୃଦ୍ଧିକୁ ବିରୋଧ କରିବାରେ ସେ ଥିଲେ ପ୍ରଥମ ବିଧାୟକ । 610 ଯୋଜନାରେ ସାରା ରାଜ୍ୟର ଉଚ୍ଚ ବିଦ୍ୟାଳୟ ଗୁଡ଼ିକୁ ପୂର୍ଣ୍ଣ ଅନୁଦାନ ପ୍ରାପ୍ତ କରିବା ଏବଂ ଛଟେଇ ଈଜିଏସ 22000 ରୁ ଉର୍ଦ୍ଧ ଶିକ୍ଷକ ଙ୍କୁ ଗଣଶିକ୍ଷକ ରେ ରୂପାନ୍ତରିତ କରି ନିୟମିତ କରିବା ରେ ତାଙ୍କର ଅବଦାନ ଇତିହାସ ହୋଇ ରହିବ । ଶିକ୍ଷା ଗ୍ରହଣ ପରେ ଗାଁ ଗହଳିରୁ ହାତ ମୁଠି ଚାଉଳ ଧାନ ମୁଗ ବିରି ଭିକ୍ଷା କରି କୁଆଁପାଳ ରେ ପ୍ରତିଷ୍ଠା କରିଥିଲେ ଜେ ଏନ୍ କଲେଜ, କଲେଜ ପ୍ରାଣ ପ୍ରତିଷ୍ଠାତା ଥାଇ ରାଜ୍ୟରେ ବହୁ ଶିକ୍ଷା ନୁଷ୍ଠାନ ପ୍ରତିଷ୍ଠା କରିବାରେ ତାଙ୍କର ଭୂମିକା ଅବର୍ଣ୍ଣନୀୟ ।

ତାଙ୍କ ବିୟୋଗରେ ପଚାଂୟତିରାଜ, ପାନୀୟଜଳ, ଆଇନ, ଗୃହ ଓ ନଗରଉନ୍ନୟନ ମନ୍ତ୍ରୀ ପ୍ରତାପ ଜେନା ଗଭୀର ଶୋକ ପ୍ରକାଶ କରିଛନ୍ତି । ମନ୍ତ୍ରୀ ଶ୍ରୀ ଜେନା ତାଙ୍କ ଶୋକ ବାର୍ତାରେ କହିଛନ୍ତି ଯେ ଶ୍ରୀ ବର୍ମାଙ୍କ ବିୟୋଗ ଖବର ପାଇ ସେ ଦୁଃଖିତ । ସ୍ୱର୍ଗତ ଶ୍ରୀ ବର୍ମା ଓଡିଶା କାଜୁ ନିଗମର ଅଧ୍ୟକ୍ଷ ହୋଇଥିଲେ । ଜଣେ ଶିକ୍ଷକ ନେତା ଭାବେ ଖ୍ୟାତି ଅର୍ଜନ କରିଥିଲେ । ସେ ଜଣେ ମିଷ୍ଠଭାଷୀ , ସରଳ , ନିଷ୍କପଟ ପରୋପକାରୀ, ବନ୍ଧୁବଚ୍ଛଳ, ସମାଜସେବୀ ଥିଲେ । ମାହାଙ୍ଗା ଅଂଚଳର ବିକାଶ ପାଇଁ ସେ ସ୍ମରଣୀୟ ହୋଇ ରହିବେ । ତାଙ୍କର ବିୟୋଗ ଅତ୍ୟନ୍ତ ଦୁଃଖ ଦାୟକ ବୋଲି ମନ୍ତ୍ରୀ ଶ୍ରୀ ଜେନା ପ୍ରକାଶ କରି ତାଙ୍କ ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର ସମବେଦନା ଜଣାଇବା ସହିତ ସ୍ୱର୍ଗତ ଆତ୍ମାର ସଦଗତି କାମନା କରିଛନ୍ତି ।