ଚାନ୍ଦପୁର ରେ ବେଆଇନ ଗୋରୁ ଚାଲାଣ କୁ ରୋକିବା ଦିଗରେ ପୋଲିସ ର ଧର ପଗଡ଼ ; ୩ ଅଭିଯୁକ୍ତ ଗିରଫ

ଚାନ୍ଦପୁର ଥାନା ଅନ୍ତର୍ଗତ ୧୨ କିମି ପର୍ଯ୍ୟନ୍ତ ରାସ୍ତା ରେ କୌଣସି ପ୍ରକାର ଗୋରୁ ଚାଲାଣ କରାଯାଇ ପାରିବ ନାହିଁ ଏବଂ ଗୋରୁ ମାଫିଆ ମାନଙ୍କୁ ଖୋଲା ଛଡା ଯିବ ନାହିଁ । ସେମାନଙ୍କୁ ଜେଲ ପଠାଇବା ପାଇଁ ଚାନ୍ଦପୁର ଆଇ ଆଇସି ମତ ରଖିଛନ୍ତି ।

ଓଡ଼ିଶା ତାଜା ନ୍ୟୁଜ (୦୪ ଜୁନ ଶୁକ୍ରବାର ) ଚାନ୍ଦପୁର :- ଚାନ୍ଦପୁର ରେ ବେଆଇନ ଖଣି ଓ ବେଆଇନ ଗୋରୁ ଚାଲାଣ ଉପରେ ପୋଲିସ ର ଯୁଦ୍ଧ ଘୋଷଣା । ବେଆଇନ ଖଣି ଖନନ କୁ ନେଇ ଚାନ୍ଦପୁର ର ସମସ୍ତ ଖଣି ଉପରେ ଚଢାଉ ଜାରି ରଖିଥିବା ବେଳେ ଏବେ ଚାନ୍ଦପୁରରେ ବେଆଇନ ଗୋରୁ ମାଫିଆ ମଧ୍ୟ ସକ୍ରିୟ ହୋଇ ଉଠିଛନ୍ତି ଯାହାକୁ ନେଇ ପୋଲିସ ଲଗାତାର ଗୋରୁ ଗାଡି ଉପରେ କଡା ନଜର ରଖିଛନ୍ତି ।

ଚାନ୍ଦପୁର ଥାନାର ଆଇଆଇସି ରଶ୍ମି ରଞ୍ଜନ ଦାଶ , ମହିଳା ପୋଲିସ ଅଞ୍ଜଳୀ ଶାହା ଓ ଅନ୍ୟାନ୍ୟ କର୍ମଚାରୀ ମାନେ ଗତ ରାତିରେ ପେଟ୍ରୋଲିଂ ସମୟରେ ତିନୋଟି ଗୋରୁ ମାଫିଆ ଦଶଟି ଗୋରୁ ଙ୍କୁ ଏକ ଟେମ୍ପୋ ସାହାର୍ଯ୍ୟ ରେ ଚାଲାଣ କରୁଥିବା ଦେଖିବାକୁ ମିଳିଥିଲା । ଲୋକଙ୍କ କହିବାନୁଯାୟୀ ଲୋକଙ୍କୁ ଧାରୁଆ ଅସ୍ତ୍ର ଦେଖାଇ ଗୋରୁ ଚୋରୀ କରି ନେଉଥିବା ଜଣା ପଡ଼ିଥିଲା । ଏହାପରେ ପୋଲିସ ଉକ୍ତ ଗାଡିଟିର ପିଛା କରିବାରୁ ମାଫିଆ ମାନେ ୮ ଟି ଗୋରୁ ଙ୍କୁ ରାସ୍ତାରେ ଫୋପାଡ଼ି ଦେଲେ ଯାହା ଫଳରେ ସେଥିମଧ୍ୟରୁ ଦୁଇଟି ଗାଈ ଉଦ୍ଧାର ହୋଇପାରିଥିବା ଜଣା ଯାଇଛି ।

ଗୋରୁ ଗାଡ଼ି ବଡ଼ପୋଖରୀଆ ଠାରେ ଅନ୍ୟ ଦୁଇଟି ଗୋରୁ ସହ ଅଭିଯୁକ୍ତ ମାନେ ପୋଲିସ ହାତରେ ଧରାପଡିଥିବା ଜଣା ପଡ଼ିଛି । ଏବଂ ଚାନ୍ଦପୁର ଥାନାରେ ଉକ୍ତ ୩ ଅଭିଯୁକ୍ତ ନାମରେ ଏକ ମାମଲା ରୁଜ୍ଜୁ ହୋଇ ଗିରଫ କରାଯାଇଛି । ତେବେ ଅଭିଯୁକ୍ତ ଙ୍କ ଠାରୁ ଧାରୁଆ ଅସ୍ତ୍ର ଶସ୍ତ୍ର , ଏକ ଗାଡି ଜବତ ହୋଇଛି ଓ ଉଦ୍ଧାର ହୋଇଥିବା ଗୋରୁ ଗୁଡିକୁ ମାଲିକ ଙ୍କୁ ଜିମା ଦିଆଯାଇଛି ।