ଓଡ଼ିଶା ତାଜା ନ୍ୟୁଜ (୦୧ ଜୁନ ମଙ୍ଗଳବାର ) ବାଙ୍କୀ :- ବାଙ୍କୀ ଉପଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଉପଜିଲ୍ଲାପାଳ ରଞ୍ଜନ କୁମାର ଜେନାଙ୍କ ତତ୍ୱାବଧାନରେ ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ ଉପସ୍ଥିତ ରହି ବାଙ୍କୀ ବ୍ଲକର ୧୧୬ଜଣ ଆଶାକର୍ମୀ ଓ ୧୮୨ଜଣ ଅଙ୍ଗନୱାଡି କର୍ମୀ ଏବଂ ଡମପଡ଼ା ବ୍ଲକର ୯୪ଜଣ ଆଶାକର୍ମୀ ଓ ୧୭୦ଜଣ ଅଙ୍ଗନୱାଡି କର୍ମୀଙ୍କୁ ଅକ୍ସିମିଟର ଓ ର୍ଥମାଲ୍ ସ୍କାନର ବିଧାୟକଙ୍କ ପାଣ୍ଠିରୁ ବଣ୍ଟନ କରାଯାଇଛି । ଉପଖଣ୍ଡ ରେ ଥିବା ୧୫୯ ଗ୍ରାମରେ ଆଶା ଓ ଅଙ୍ଗନୱାର୍ଡି କର୍ମୀମାନେ ଘର ଘର ବୁଲି ସମସ୍ତ ପରିବାର ର ସ୍ୱାସ୍ଥ୍ୟ ଯାଞ୍ଚ କରି ଯାହାର ଥଣ୍ଡା, ଜ୍ୱର, କାଶ ପରିଲିଖିତ ହେଲେ ଥର୍ମାଲ୍ ସ୍କାନର ଓ ଅକ୍ସିମିଟର ଦ୍ୱାରା ପରୀକ୍ଷା କରାଯାଇ ସେମାନଙ୍କୁ ଚିହ୍ନଟ କରି ସ୍ୱାସ୍ଥ୍ୟ ବିଭାଗକୁ ଅବଗତ କରାଇବେ ।
ବିଧାୟକ ଶ୍ରୀ ତ୍ରିପାଠୀ ବାଙ୍କୀ ରେ କରୋନା କୁ ଚେକ ଦେବା ପାଇଁ ସମସ୍ତେ ପ୍ରୟାସ ଜାରି ରଖିବା ଓ ବିଧାୟକ ବାଙ୍କୀ ଉପଖଣ୍ଡର ଡାକ୍ତର ଓ ପରା ମେଡିକାଲ କର୍ମଚାରୀ ଙ୍କୁ ଧନ୍ୟବାଦ ଅର୍ପଣ କରିଥିଲେ।କରୋନା ସମୟ ରେ ସେମାନଙ୍କ କାର୍ଯ୍ୟ ବସ୍ତବିକ ପ୍ରଶଂସା ଯୋଗ୍ୟ ବୋଲି ପ୍ରକାଶ କରିଥିଲେ । ଅଙ୍ଗନବାଡି ଓ ଆଶାକର୍ମୀମାନେ ସମସ୍ତ ପରିବାର କୁ ଯାଇ ସମସ୍ତଙ୍କ ସ୍ୱାସ୍ଥ୍ୟ ପରୀକ୍ଷା କରିବା ସହ ଯଦି କିଛି ସମସ୍ୟା ଦେଖାଦିଏ ତେବେ ତୁରନ୍ତ ଡାକ୍ତର ଙ୍କୁ ଅବଗତ କରି ସ୍ୱାବ ପରୀକ୍ଷା କରେଇ ବା ପାଇଁ ଅନୁରୋଧ କରିଥିଲେ ।ସମସ୍ତ ଜନ ସାଧାରଣ ଙ୍କୁ ମାକ୍ସ ପିନ୍ଧବା ପାଇଁ ସଚେତନ କରେଇବା ପାଇଁ ସମସ୍ତେ ଉଦ୍ୟମ କରିଲେ ବାଙ୍କୀ ରୁ କରୋନା ହରିବ ଆମେ ଜିତିବା ବୋଲି ପ୍ରକାଶ କରିଥିଲେ।
