ଗୁଲୁ ସାହୁ ଜଳଖିଆ ଦୋକାନରେ ପଶିଗଲା ଗ୍ୟାସ୍ ବୋଝେଇ ଟ୍ରକ, ଅଳ୍ପକେ ବର୍ତ୍ତିଲେ ଦୋକାନୀ

ଓଡ଼ିଶା ତାଜା ନ୍ୟୁଜ (୦୧ ଜୁନ ମଙ୍ଗଳବାର )ଢେଙ୍କାନାଳ :- ଢେଙ୍କାନାଳ ଜିଲ୍ଲା ଭୁବନ ବ୍ଲକ ସରଦେଇପୁର ଗ୍ରାମରେ ଆଜି ସକାଳୁ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଗାଁ ଛକରେ ଥିବା ଗୁଲୁ ସାହୁ ଜଳଖିଆ ଦୋକାନରେ ହଠାତ୍ ପଶିଗଲା ଗ୍ୟାସ୍ ବୋଝେଇ ଟ୍ରକ। ଅଳ୍ପକେ ବର୍ତ୍ତିଲେ ଦୋକାନୀ। ସୂଚନା ମୁତାବକ ଆଜି ସକାଳେ OR16CA 0027 ନମ୍ବର ବିଶିଷ୍ଟ ଏକ ଗ୍ୟାସ୍ ବୋଝେଇ ଟ୍ରକ୍ ଜିରାଳରୁ ଢେଙ୍କାନାଳ ଅଭିମୁଖେ ଯାଉଥିବା ବେଳେ

ପାଖାପାଖି ୯ଟା ସମୟରେ ସରଦେଇପୁର ଗାଁ ଛକରେ ଥିବା ଗୁଲୁ ଓରଫ୍ ଗୋଲେଖ ସାହୁଙ୍କ ଘର ଜଳଖିଆ ଦୋକାନରେ ହଠାତ୍ ପଶିଗଲା ଗ୍ୟାସ୍ ବୋଝେଇ ଟ୍ରକ୍। ଦୁର୍ଘଟଣାରେ ଘରଭାଙ୍ଗି ଧନ ସମ୍ପତ୍ତି ନଷ୍ଟ ହୋଇଥିବା ବେଳେ ଅଳ୍ପକେ ବର୍ତ୍ତିଲେ ଦୋକାନୀ ଗୋଲେଖ ସାହୁ। ଘଟଣାସ୍ଥଳରୁ ଟ୍ରକ୍ ଚାଳକ ଫେରାର ଅଛି। ଘଟଣାକୁ ନେଇ ସେଠାରେ ଉତ୍ତେଜନା ଲାଗି ରହିଥିବା ଘଟଣାସ୍ଥଳରେ ପୁଲିସ ପହଞ୍ଚି ନଥିବା ସୂଚନା ମିଳିଛି । (ରିପୋର୍ଟ ଅମର ରଞ୍ଜନ ଦାସ)