କରୋନା ରେ ଚାଲିଗଲେ ବାଙ୍କୀ ର ଆଇନଜୀବି

ଓଡ଼ିଶା ତାଜା ନ୍ୟୁଜ (୨୬ ମଇ ବୁଧବାର ) ବାଙ୍କୀ :- ଆଜି ସକାଳୁ ବାଙ୍କୀ ଏନଏସି ର ମାଣିକ ପଟଣା ର ଆଇନଜୀବୀ ସୁଶାନ୍ତ କୁମାର ପ୍ରଧାନ (୫୨) ଙ୍କ କଟକ ର ଏକ ଘରୋଇ ଚିକିତ୍ସାଲୟ ରେ କରୋନା ରେ ମୃତ୍ୟୁ ହୋଇଥିଲା।ଗତ ୨୧ତାରିଖରେ ସୁଶାନ୍ତ ଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ପରିବାର ଲୋକ ତାଙ୍କୁ କଟକ ର ଏକ ଘରୋଇ ଚିକିତ୍ସାଲୟ ରେ ସ୍ୱାସ୍ଥ୍ୟ ପରୀକ୍ଷା କରାଇ ଥିଲେ ସେଠାରେ ତାଙ୍କର ସ୍ୱାବ ପରୀକ୍ଷା କରାଯାଇ ଥିଲା ସ୍ୱାବ ପରୀକ୍ଷା ରିପୋର୍ଟ ରୁ ଜଣା ଯାଇଥିଲା ସେ କରୋନା ସଂକ୍ରମିତ ବୋଲି।ଉକ୍ତ ଚିକିତ୍ସାଲୟ ରେ ତାଙ୍କର ଚିକିତ୍ସା କରାଯାଇଥିଲା ଆଜି ସକାଳୁ ତାଙ୍କର ମୃତ୍ୟୁ ହୋଇଥିଲା ।

ସିଏମସି ସହଯୋଗ ରେ ପରିବାର ଲୋକଙ୍କ ସହମତି ରେ କୋଭିଡ ନିୟମ ଅନୁଯାୟୀ ତାଙ୍କର ଶେଷକୃତ୍ୟ କଟକ ସତୀଚୌରା ସଂସାନ ରେ କରାଯାଇଥିଲା।ସ୍ବର୍ଗତ ପ୍ରଧାନ ଜଣେ କ୍ରୀଡ଼ାବିତ,କ୍ରୀଡା ସଙ୍ଗଠକ,ଆଇନଜୀବି ଥିଲେ।ତାଙ୍କ ବିୟୋଗ ରେ ବାଙ୍କୀ କେନ୍ଦ୍ର ସମବାୟ ବ୍ୟାଙ୍କ ର ପୂର୍ବତନ ସଭାପତି ସୁବାସ ପାଢ଼ୀ,ବାଙ୍କୀ ଆଥଲେଟିକ ଆସୋସିସନ ସମ୍ପାଦକ ତଥା ବାଙ୍କୀ ଓକିଲ ସଙ୍ଘ ର ଉପସଭାପତି ସନ୍ତୋଷ ରଣା,ବାଙ୍କୀ ପ୍ରସକ୍ଳବ ର ଉପସଭାପତି ସମରେନ୍ଦ୍ର ମହାପାତ୍ର, ବିଜେପି ନେତା ସଂଗ୍ରାମ ବିଭୁତି ରାୟ ,ସରକାରୀ ଓକିଲ ପ୍ରଦୀପ ପୃଷ୍ଟି ଙ୍କ ସମିତ ବହୁ ବ୍ୟକ୍ତି ତାଙ୍କ ବାଙ୍କୀ ଏନଏସି ନିକଟ ବାସଭବନ କୁ ଯାଇ ଶୋକ ପ୍ରକାଶ କରିବା ସହ ପରିବାର ଙ୍କୁ ସାନ୍ତ୍ୱନା ପ୍ରଦାନ କରିଥିଲେ ।

ବାଙ୍କୀ ର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଏହି ଦୁଃଖଦ ଖବର ଶୁଣି ଶୋକ ପ୍ରକାଶ କରିବା ସହ ମା ଚର୍ଚ୍ଚିକା ଙ୍କ ପାଖରେ ସ୍ବର୍ଗତ ପ୍ରଧାନ ଙ୍କ ଆତ୍ମା ର ମୁକ୍ତି ପାଈଁ ପ୍ରାଥନା କରିଥିଲେ। ଏଥି ସହ ବାଙ୍କୀ ର ପୂର୍ବତନ ବିଧାୟକ ତଥା ରାଜ୍ୟ କଂଗ୍ରେସ ର ଉପସଭାପତି ଡକ୍ଟର ଦେବାଶିଷ ପଟ୍ଟନାୟକ ସ୍ବର୍ଗତ ପ୍ରଧାନ ଙ୍କ ମୃତ୍ୟୁ ଖବର ପାଇ ଗଭୀର ଶୋକ ପ୍ରକାଶ କରିବା ସହ ପ୍ରଧାନ ଙ୍କ   ପରିବାର ଙ୍କୁ ଭଗବାନ ଶକ୍ତି ଓ ଧର୍ଯ୍ୟ ପ୍ରଦାନ ପାଇଁ  ମା ଚର୍ଚ୍ଚିକା ଙ୍କ ପାଖରେ ପ୍ରାଥନା କରିଥିଲେ । (ରିପୋର୍ଟ -ଗୌତମ ମିଶ୍ର)