ବାଙ୍କୀରେ ଅବକାରୀ ବିଭାଗର ଚଢ଼ଉ,୪ହଜାର୨ଶହ ଲିଟର ଗୁଡ଼ପୋଚ ସହ ୩୬୦ଲିଟର ଦେଶୀ ରନ୍ଧା ମଦ ନଷ୍ଟ କରାଗଲା

ଓଡ଼ିଶା ତାଜା ନ୍ୟୁଜ (୧୭ ମଇ ସୋମବାର ) ବାଙ୍କୀ :- ବାଙ୍କୀ ଓ ଆଠଗଡ଼ ଅବକାରୀ ବିଭାଗ ପକ୍ଷରୁ ଆଜି ବାଙ୍କୀର ବିଭିନ୍ନ ଅଞ୍ଚଳ ଚଢ଼ାଉ କରାଯାଇଥିଲା । ପଶାଣିଆ ଜଙ୍ଗଲର ୩ଗୋଟି ସ୍ଥାନରେ ମଦତିଆରି ଭାଟି ନଷ୍ଟ କରାଯିବା ସହ ୪ହଜାର ୨ଶହ ଲିଟର ଗୁଡ଼ପୋଚ ନଷ୍ଟ କରାଯାଇଛି । ଏଥି ସହ ୩୬୦ଲିଟର ଦେଶୀ ରନ୍ଧା ମଦ ଜବତ କରାଯାଇ ଘଟଣା ସ୍ଥଳରେ ନଷ୍ଟ କରାଯାଇଛି ।

ବାଙ୍କୀ ଅବକାରୀ ବିଭାଗ ଅଧିକାରୀ ତେଲେସ୍ଫର ଲାକ୍ରା ଓ ଆଠଗଡ଼ ଅବକାରୀ ଅଧିକାରୀ ପ୍ରଭାତ କୁମାର ଚୌଧୁରୀଙ୍କ ନେତୃତ୍ୱରେ ଏହି ଚଢ଼ାଉ କାର୍ଯ୍ୟ କରାଯାଇଥିଲା । ଅବକାରୀ କର୍ମଚାରୀ ଦୀପକ କୁମାର ସାମଲ, ସଂଜୟ କୁମାର ରାଉତ, ସନ୍ତୋଷ କୁମାର ମହାରଣା, ବିଶ୍ୱନାଥ ସୁରେନ୍ ପ୍ରଭୃତି ଏହି ଚଢ଼ାଉ କାଯ୍ୟରେ ସହଯୋଗ କରିଥିଲେ । ଏହି ଘଟଣାରେ କୌଣସି ବ୍ୟକ୍ତିଙ୍କୁ ଗିରଫ୍ କରାଯାଇ ନାହିଁ । (ରିପୋର୍ଟ ଗୌତମ ମିଶ୍ର)