୭ରୁ ୧୨ ବଜାରରେ ଅସମ୍ଭବ ଭିଡ଼ ; ୧୨ ଟା ପରେ ଶୁନଶାନ ଓ ସଂନ୍ଧ୍ୟାରେ ସାହଣ ମେଲା
ଓଡ଼ିଶା ତାଜା ନ୍ୟୁଜ (୧୭ ମଇ ସୋମବାର )ହିଞ୍ଜିଳିକାଟୁ :- କରୋନା ଭୁତାଣୁ ସଂକ୍ରମଣ କୁ ରୋକିବା ନିମନ୍ତେ ଦେଶରେ ଲାଗୁ ହୋଇଛି ନାଇଟକର୍ଫ୍ୟୁ ସାଙ୍ଗକୁ ଲକଡ଼ାଉନ ଓ ସଟଡ଼ାଉନ । ସ୍ଥାନୀୟ ଅଞ୍ଚଳରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ଆଶାତୀତ ଭାବେ ବୃଦ୍ଧି ପାଇବାରେ ଲାଗିଛି ଓ ବେସରକାରୀ ସ୍ତରରେ ମୁଣ୍ଡ ମଧ୍ୟ ଗଡ଼ିଛି । ବେସରକାରୀ ଭାବେ ଆଜି ସୁଦ୍ଧା ହିଞ୍ଜିଳିକାଟୁ ସହରର ପ୍ରତ୍ୟେକ ଓ୍ବାର୍ଡରେ ୩ ଜଣରୁ ୫ ପର୍ଯ୍ୟନ୍ତ ମୃତ୍ୟୁବରଣ କରିଛନ୍ତି ।ପ୍ରତି ଗଳିକନ୍ଦିରୁ ମୃତକଙ୍କ ପରିବାର କାନ୍ଦ ବୋବାଳି ସହ ସୁଦ୍ଧିକ୍ରିୟା କରୁଥିବାରୁ କାନ ଫାଟିପଡ଼ୁଛି ।ସାଂଘାତିକ ପରିସ୍ଥିତି ହେଲାଣି ତଥାପି ସୁଧୁରିବାର ନାଁ ଧରୁନାହାନ୍ତି ସହରବାସୀ । ୨ ଦିନିଆ ସଟଡ଼ାଉନ ଶନିବାର ଓ ରବିବାର ସରିବା ପରେ ପରେ ସୋମବାର
ସକାଳୁ ହିଞ୍ଜିଳିକାଟୁ ପୌରାଞ୍ଚଳଳ ଲକ୍ଷ୍ମୀ ବଜାର ଓ ପରିବା ବଜାରରେ ଗ୍ରାହକଙ୍କ ଅସମ୍ଭାଳ ଭିଡ଼ ଦେଖିବାକୁ ମିଳିଛି । ସତେ ଯେପରିକି ଲୋକଙ୍କ ମନରୁ କରୋନା ଜନିତ ଆଶଙ୍କା ଦୂରେଇ ଯାଇଛି । ପୌରାଞ୍ଚଳ ସମେତ ନିକଟବର୍ତି ଗ୍ରାମାଞ୍ଚଳର ସମସ୍ତ ଦୋକାନ ବଜାର, ବ୍ୟବସାୟିକ ପ୍ରତିଷ୍ଠାନ, ସରକାରୀ ଓ ବେସରକାରୀ କାର୍ଯ୍ୟାଳୟ ଓ ଯାନବାହାନ ଚଳାଚଳ ସମ୍ପୁର୍ଣ୍ଣ ବନ୍ଦ ରହୁଥିବା ଦେଖିବାକୁ ମିଳୁଛିା କିଛି ଅମାନିଆ ବାହାରେ ବୁଲୁଥିବା ବେଳେ ଓ ପ୍ରତ୍ୟକ ସାହିରେ କିଛି ଅମାନିଆ ଦୋକାନ ଖୋଲି ବେପାର କରୁଛନ୍ତି ଓ ଚଢ଼ାଦରରେ ବିକ୍ରିମଧ୍ୟ କରୁଛନ୍ତି। ହେଲେ ସଟଡ଼ାଉନ ସରିବା ପରେ ସୋମବାର ଠାରୁ ଶୁକ୍ରବାର ପର୍ଯ୍ୟନ୍ତ ସହରରେ ଦେଖିବାକୁ ମିଳୁଛି ଗ୍ରାହକଙ୍କ ଅସମ୍ଭବ ଭିଡ଼ ଓ ବେଶ ଗହଳି । ସତେଯେମିତି ଲୋକଙ୍କ ପାଇଁ ସବୁକିଛି ସାମନ୍ୟ ଓ ସାଧାରଣ ରହିଛି । ସ୍ଥାନୀୟ ପୌରାଞ୍ଚଳର ପରିବା ବଜାର, ଲୁଗା ଦୋକାନ, ରାସନ ଦୋକାନ ସହ ପ୍ରାୟ ସମସ୍ତ ଦୋକାନ ଖୋଲାଥିବା ଦେଖିବାକୁ ମିଳିଛି ।କଟକଣା ବର୍ତମାନ ବାଟବଣା ହେଉଥିବା ଦେଖିବାକୁ
ମିଳିଛି ।ବର୍ତମାନ ଶନିବାର ଓ ରବିବାର ଅଧାରୁ ଅଧିକ ଦୋକାନ ଅର୍ଦ୍ଧ ଖୋଲା କରି ବିକ୍ରିକରୁଥିବା ବେଳେ ମାଛ ,ମାସଂ ଦୋକାନ କରୋନା ନଥିବ ଭଳି ପ୍ରତିଦିନ ଖୋଲା ରହୁଛି ।ସହରର ଏଣ୍ଟ୍ରି ପଏଣ୍ଟ ଗୁଡ଼ିକରେ ପୋଲିସ ଜଗୁଛି ଓ ମାତ୍ର ୧୦ ମିଟର ବ୍ୟବଧାନରେ ମାଛ ମାସଂ ମାର୍କେଟ ଖୋଲାରହୁଛି ।ବିଭାହ ଓ ବ୍ରତ ଯୋଗ ଥିବରୁ ଚଳିତ ମାସ ବଜାରରେ ପ୍ରବଳ ଭିଡ଼ ଦେଖିବାକୁ ମିଳୁଛି ।ଅଟୋରେ ଭିବାହ ସାମାନ ସହ କଦଳୀ,ନଡ଼ିଆ ଗଦି ଓ ପନିପରିବା ଅଟୋରେ ନେଉଥିବା ଦେଖିବାକୁ ମିଳିଛି ।ପୁର୍ବ ଭଳି ପ୍ରସାଶନ କଠୋର ହେଉନଥିବାରୁ ଲୋକେ ଲକଡ଼ାଉନ ଥିବା ଭୁଲିଗଲେଣି ଓ ବଜାର ଦୋକାନ ଗୁଡ଼ିକରେ ଗ୍ରାହକଙ୍କ ଅସମ୍ଭବ ଭିଡ଼ ଲାଗି ରହିଥିଲା । ସତେଯେପରି ସାମାଜିକ ଦୂରତ୍ୱ ରକ୍ଷା କଣ ଲୋକେ ସମ୍ପୁର୍ଣ୍ଣ ଭାବେ ଭୁଲି ଯାଉଛନ୍ତି ।ଏପରିକି ଯାନବାହାନ ଚଳାଚଳରେ ରହିଥିବା କଟକଣାଏବେ କେହି ମାନୁ ନାହାନ୍ତି ।
ପ୍ରଶାସନ ପକ୍ଷରୁ ଜନସାଧାରଣଙ୍କୁ ଯେତେ ସଚେତନ କରାଯାଉଥିଲେ ମଧ୍ୟ ଲୋକେ ମାନିବାକୁ ନାରାଜ । ସଚେତନ ହୋଇ ସୁଦ୍ଧା ସଂକ୍ରମଣ ଆଶଙ୍କାକୁ ଅଣଦେଖା କରୁଛନ୍ତି । କରୋନା ଭୁତାଣୁ ସଂକ୍ରମଣ ରୋକିବାକୁ ହେଲେ ଜନସାଧାରଣଙ୍କ ଭିତରେ ସଚେତନତା ନିହାତି ଆବଶ୍ୟକ ।ପ୍ରସାଶନ କୋଭିଡ଼ କଟକଣା ପାଳନ କରିବାରେ ୧୦୦ ପ୍ରତିଶତ ସଫଳତା ହାସଳ କରିପାରି ନାହିଁ । ଆଗାମୀ ଦିନରେ ଯଦି ଏଭଳି ସ୍ଥିତି ଲାଗି ରୁହେ ଆଗକୁ ସ୍ଥିତି ବିଗିଡ଼ିବ ଓ ନିଜେ ନିଜର ଦାୟୀତ୍ୱ ନେଇ କରୋନା ସହ ଲଢ଼ିବା୍ୁ ପଡ଼ିବ ବୋଲି ଅଂଚଳର ବୁଦ୍ଧିଜୀବି ମହଲରେ ମତ ପ୍ରକାଶ ପାଇଛି ।
( ରିପୋର୍ଟ ଶୁସାନ୍ତ ପ୍ରଧାନ )