ସପ୍ତାହନ୍ତ ସଟଡ଼ାଉନ ସଫଳ କରୋନା ଓ ପୁଲିସ ଭୟରେ ସହର ଶୁନଶାନ

ଓଡ଼ିଶା ତାଜା ନ୍ୟୁଜ (୧୬ ମଇ ରବିବାର )ହିଞ୍ଜିଳିକାଟୁ :-   ମହାମାରୀ କରୋନା ଭୁତାଣୁ ସଂକ୍ରମଣକୁ ନେଇ ସମସ୍ତେ ଆତଙ୍କିତ ହୋଇ ପଡ଼ିଥିବା ବେଳେ ଏହାକୁ ପ୍ରତିହିତ କରିବା ପାଇଁ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି । କରୋନାର ଭୟାବହତାକୁ ମାତ ଦେବା ପାଇଁ ଓ ଅମାନିଆ ମାନଙ୍କୁ ସବାଡ଼ କରିବା ପାଇଁ ନାଇଟକର୍ଫ୍ୟୁ, ଲକଡ଼ାଉନ ଓ ସଟଡ଼ାଉନ ଜାରି କରାଯାଇଛି । ସପ୍ତାହର ପ୍ରତି ସୋମବାର ଠାରୁ ଶୁକ୍ରବାର ୫ ଦିନ ଲକଡ଼ାଉନ ଘୋଷଣା କରାଯାଇଥିବା ବେଳେ ଅବଶିଷ୍ଟ ୨ ଦିନ (ଶନି ଓ ରବିବାର) ସପ୍ତାହନ୍ତ ସଟଡ଼ାଉନ ଘୋଷଣା କରାଯାଇଛି । ଲକଡ଼ାଉନରେ ପ୍ରତ୍ୟହ ସକାଳ ୬ଟାରୁ ୧୨ଟା ପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରୀର ଦୋକାନ ବଜାରେ ଖୋଲା ରହୁଥିବା ବେଳେ ସଟଡ଼ାଉନରେ ଔଷଧ ଦୋକାନକୁ ବାଦ ଦେଲେ ଅନ୍ୟ ସମସ୍ତ ବ୍ୟବସାୟିକ ପ୍ରତିଷ୍ଠାନ ସମ୍ପୁର୍ଣ୍ଣ ଭାବେ ବନ୍ଦ କରିବା ପାଇଁ ନିର୍ଦ୍ଦେଶନାମା ଜାରି କରାଯାଇଛି । ସହରାଂଚଳ ପରେ ବର୍ତମାନ ଗ୍ରାମାଂଚଳରେ ସଂକ୍ରମିତଙ୍କ ସଂହଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଲକଡ଼ାଉନ ଓ ସଟଡ଼ାୁନ ସମୟରେ ଅମାନିଆ ମାନେ ବିଭିନ୍ନ ସାହି ବସ୍ତିରେ ମିଳିତ ହୋଇ ଗୁଲିଖଟି ସାଙ୍ଗକୁ ତାସ ଖେଳରେ ମଜ୍ଜି ରହୁଥିବା ଯୋଗୁଁ ଗୋଷ୍ଠୀ ସଂକ୍ରମଣ ବୃଦ୍ଧି ପାଉଥିବା ଜଣାପଡ଼ିଛି । ଅମାନିଆ ମାନଙ୍କୁ ସାବାଡ଼ କରିବା ପାଇଁ ସ୍ଥାନୀୟ ପୁଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଉଛି ତଥାପି କିଛି ଅମାନିଆ ପ୍ରଶାସନର କଟକଣାକୁ ବେଖାତିର କରି ଲୁଚିଛପି ଗୋଷ୍ଠୀ ସଂକ୍ରମଣ ବୃଦ୍ଧିରେ ସହାୟକ ହେଉଥିବା ନଜିର ରହିଛି

। ୪ର୍ଥ ପର୍ଯ୍ୟାୟ ସପ୍ତାହନ୍ତ ସଟଡ଼ାଉନ ହିଞ୍ଜିଳିକାଟୁ ପୌରାଂଚଳ ସମେତ ନିକଟବର୍ତି ଗ୍ରାମାଂଚଳ ଗୁଡ଼ିକରେ ମୋଟାମୋଟି ଭାବେ ସଫଳ ହୋଇଛି । ସପ୍ତାହନ୍ତ ସଟଡ଼ାଉନରେ ଔଷଧ ଦୋକାନକୁ ବାଦ ଦେଲେ ସମସ୍ତ ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିଲା । ଯାନବାହାନ ଚଳାଚଳ ସମ୍ପୁର୍ଣ୍ଣ ବନ୍ଦ ରହିଥିଲା । ସମ୍ପୁର୍ଣ୍ଣ ସହର ଶୁନଶାନ ହୋଇ ପଡ଼ିଥିବା ବେଳେ କାଁ ଭାଁ କିଛି ଲୋକେ ମେଡ଼ିକାଲ ଓ ଅନ୍ୟାନ ଅତ୍ୟାବଶ୍ୟକ କାର୍ଯ୍ୟରେ ଯାତାୟତ କରୁଥିବାର ଦେଖିବାକୁ ମିଳିଥିଲା । ସ୍ଥାନୀୟ ସହରର ବଇଁଚବଣିଆ, ବିଜୁ ପଟ୍ଟନାୟକ ଓ ଆରଏମସି ଚକ ନିକଟରେ ପୁଲିସ ପ୍ରଶାସନ ପକ୍ଷରୁ ବ୍ଳକିଂ କରାଯାଇଥିଲା । ପୁଲିସ ପେଟ୍ରୋଲିଂ ଗାଡ଼ି ସାଇରନ ବଜାର ସହର ସାରା ପରିକ୍ରମା କରୁଥିବାର ଦେଖିବାକୁ ମିଳିଥିଲା । ସ୍ଥାନୀୟ ତହସିଲଦାର ପ୍ରଭାତ କୁମାର ପରିଡ଼ା, ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଞ୍ଜନ ସାହୁ, ବିଡ଼ିଓ ସୁବ୍ରତ କୁମାର ଜେନା, ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ସହର ପରିକ୍ରମା କରିବା ସହ ତୀକ୍ଷ୍ମ ନଜର ରଖିଥିଲେ । ( ରିପୋର୍ଟ : ଶୁସାନ୍ତ ପ୍ରଧାନ )