ଭର୍ଚୁଆଲ ମୋଡ଼ ରେ କଟକ ସାଂସଦ ଭତୃହରି ଙ୍କ କଟକ ଜିଲ୍ଲା କରୋନା ସ୍ଥିତି ସମୀକ୍ଷା

ଓଡ଼ିଶା ତାଜା ନ୍ୟୁଜ (୧୬ ମଇ ରବିବାର ) ବାଙ୍କୀ :- ଆଜି କଟକ ସାଂସଦ ଭତୃହରି ମହତାବ ଭର୍ଚୁଆଲ ମୋଡ଼ ରେ କଟକ ଜିଲ୍ଲାର କରୋନା ସ୍ଥିତି ସମ୍ପର୍କରେ ସମୀକ୍ଷା କରିଥିଲେ।ଏହି ସମୀକ୍ଷା ବୈଠକରେ କଟକ ଜିଲ୍ଲାପାଳ ଭବାନୀ ଶଙ୍କର ଚଇନି ଜିଲ୍ଲା ର କରୋନା ସମ୍ପର୍କିତ ସମସ୍ତ ତଥ୍ୟ ପ୍ରଦାନ କରିଥିଲେ।ସାଂସଦ ମହତାବ ଜିଲ୍ଲା ର କରୋନା ପରିଚାଳନା କିପରି ହେଉଛି ସେ ସମ୍ପର୍କରେ ଜିଲ୍ଲା ସ୍ୱାସ୍ଥ୍ୟଅଧିକାରୀ ସତ୍ୟବ୍ରତ ଛୋଟରାୟ ଓ ଜିଲ୍ଲାପାଳ ଙ୍କ ଆଲୋଚନା କରିଥିଲେ ଜିଲ୍ଲା କୋଭିଡ ପରିଚାଳକ ଡାକ୍ତର ଉମେଶ ରାଏ ପଚାରି ବୁଝିଥିଲେ।ଗ୍ରାମାଞ୍ଚଳରେକୋଭିଡ ପ୍ରତିଷେଧକ ଟିକାକରଣ ଅଫଲାଇନ ରେ ନକରି ସରକାର ଙ୍କ ନିୟମ ଅନୁଯାୟୀ ଅନଲାଇନ ରେ ୭ଦିନ ଭିତରେ କାର୍ଯ୍ଯକାରୀ କରେଇବାକୁ କହିଥିଲେ ଏହି ଭାରଚୁଆଲ ସମୀକ୍ଷା ବୈଠକରେ କଟକ ଜିଲ୍ଲାର ୧୪ ଗୋଟି ବ୍ଲକ ର ବିଡ଼ିଓ, ତହସିଲଦାର, ମେଡ଼ିକାଲ ଅଫିସର ବାଙ୍କୀ ଉପଜିଲ୍ଲାପାଳ ରଞ୍ଜନ କୁମାର ଜେନା,ଆଠଗଡ଼ ଉପଜିଲ୍ଲାପାଳ ଅଦାମ୍ବର ମହାନ୍ତି, କଟକସଦର ଉପଜିଲ୍ଲାପାଳ ପ୍ରତାପ ବେଉରା ଭାଗ ନେଇଥିଲେ।

ସାଂସଦ କୋଭିଡ କେୟାର କେନ୍ଦ୍ର ରେ କୋଭିଡ ଆକ୍ରାନ୍ତ ଙ୍କ କିପରି ସ୍ୱାସ୍ଥ୍ୟ ଅବସ୍ଥା ପରିଚଳନା କରାଯାଉଛି ସେ ସମ୍ପର୍କରେ କୋଭିଡ କେୟାର ର ନୋଡାଲ ଅଫିସର ଙ୍କ ସହ ଆଲୋଚନା କରି ଥିଲେ ସେଠାରେ ଯଦି ଆକ୍ରାନ୍ତ ଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୁଏ ସେମାନଙ୍କୁ କିପରି କୋଭିଡ ହସ୍ପିଟାଲ କୁ ନିଆ ଯିବ ଓ ସେଠାରେ କିପରି ଚିକିତ୍ସା କରାଯାଇ ପାରିବ ସେ ସମ୍ପର୍କରେ ଆଲୋଚନା କରାଯାଇଥିଲା।ଟିକା କରଣ କେନ୍ଦ୍ର ମାନଙ୍କ ରେ ଅନଲାଇନ ରେ ପଞ୍ଜିକରଣ ୪୫ବର୍ଷ ବ୍ୟକ୍ତି ମାନଙ୍କୁ କିପରି ବିନା ଭିଡ଼ ରେ ଶାରୀରିକ ଦୂରତା ଅବଲମ୍ବନ କରି କୋଭିଡ ନିୟମ ଅନୁଯାୟୀ ଟୀକା କରଣ କରାଯିବ ସେଥିପ୍ରତି ପ୍ରତ୍ୟେକ ସ୍ୱାସ୍ଥ୍ୟ କେନ୍ଦ୍ର ର ଅଫିସର ଗୁରୁତର ସହ ପରିଚାଳନା କରିବା ପାଇଁ ସାଂସଦ ମହତାବ ପ୍ରକାଶ କରିଥିଲେ।ଗ୍ରାମାଞ୍ଚଳରେ କରୋନା ସଚେତନତା ଡବଲ ମାକ୍ସ ପରିଧାନ ଓ ଶାରୀରିକ ଦୂରତା ଅଯଥା ରେ ଯେପରି ଲୋକେ ବାହାରେ ନ ବୁଲିବେ ସେଥିପ୍ରତି ପ୍ରଶାସନ ଦୃଷ୍ଟି ଦେବା କୁ ଅନୁରୋଧ କରିଥିଲେ।

ଜିଲ୍ଲାରେ ଗଠନ ହୋଇଥିବା ୪ଗୋଟି ଡାକ୍ତର ଟିମ କିପରି କାର୍ଯ୍ୟ କରିଛି ଓ କରୋନା ରେ ଆକ୍ରାନ୍ତ ବ୍ୟକ୍ତି ନିଜ ନିଜ ଘରେ ସଙ୍ଗ ରୋଧ ହୋଇ କିପରି ଡାକ୍ତର ଙ୍କ ପରାମର୍ଶ ନେଉଛନ୍ତି ସେ ସମ୍ପର୍କରେ ବୁଝିଥିଲେ।ଜିଲ୍ଲାପାଳ କହିଥିଲେ ସମସ୍ତ ହୋମ ଆଇସୋଲେସନ ରେ ଥିବା କୋଭିଡ ଆକ୍ରାନ୍ତ ଙ୍କ ସ୍ୱାସ୍ଥ୍ୟ ଅବସ୍ଥା ସ୍ୱାସ୍ଥ୍ୟ କେନ୍ଦ୍ର ର ଡାକ୍ତର, ବିଡ଼ିଓ,ତହସିଲଦାର ଫୋନ ଯୋଗେ ତଦାରଖ କରିବାସହ ଆଶା ଓ ଅଙ୍ଗନବାଡି କର୍ମୀ ମାନେ ମଧ୍ୟ ଖବର ସ୍ୱାସ୍ଥ୍ୟ କେନ୍ଦ୍ର ରେ ଜଣାଉ ଛନ୍ତି।ଜିଲ୍ଲାପ୍ରଶାସନ ଓ ଡାକ୍ତର ଙ୍କ ଏକ ଟିମ ଜିଲ୍ଲା ଆକ୍ରାନ୍ତ ଙ୍କ ଗୃହ କୁ ଯାଇ ମଧ୍ୟ ସ୍ୱାସ୍ଥ୍ୟ ଅବସ୍ଥା ତନଖି ଛନ୍ତି ବୋଲି ସାଂସଦ ଙ୍କୁ ଜଣେଇ ଥିଲେ।ସାଂସଦ ଜିଲ୍ଲା ର ସମସ୍ତ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଙ୍କ ସହ ସ୍ୱାସ୍ଥ୍ୟ କେନ୍ଦ୍ର ରେ କିପରି କୋଭିଡ ପରିଚାଳନା ହେଉଛି କଣ କଣ ସମସ୍ୟା ହେଉଛି ତାହା ପଚାରି ବୁଝିଥିଲେ।କିପରି ଜିଲ୍ଲା ରେ କରୋନା କୁ ଚେକ ଦିଆଯିବ ଓ କିପରି ଟିକା କରଣ ସହଜରେ ବିନା ଭିଡ଼ ରେ ହୋଇପାରିବ ସେ ସମ୍ପର୍କରେ ଆଲୋଚନା କରିବା ସହ ପ୍ରଶାସନିକ ଅଧକାରୀ , ସ୍ୱାସ୍ଥ୍ୟ ବିଭାଗ ଅଧକାରୀ,ଡାକ୍ତର ଓ ସେବୀକା ଙ୍କୁ ସତର୍କତା ସହ କରୋନା ଆକ୍ରାନ୍ତ ଙ୍କ ଚିକିତ୍ସା ଓ ସେବା ପାଇଁ ଅନୁରୋଧ କରିଥିଲେ।     (ରିପୋର୍ଟ – ଗୌତମ ମିଶ୍ର )