ଓଡ଼ିଶା ତାଜା ନ୍ୟୁଜ (୧୬ ମଇ ରବିବାର )ନୟାଗଡ :- ଆଜି ତୃତୀୟ ପର୍ଯ୍ୟାୟ ରେ ନୟାଗଡ ଜିଲ୍ଲାପାଳ ଡଃ ପୋମା ଟୁଡୁ ଭର୍ଚୁଆଲ ମାଧ୍ୟମ ରେ ରଣପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଅଂଚଳ ର କୋଭିଡ ପରିସ୍ଥିତି ଉପରେ ସମୀକ୍ଷା କରିଛନ୍ତି । ଏଠାରେ ଉଲ୍ଲେଖଯୋଗ୍ୟ , ଜିଲ୍ଲାପାଳ ଏହା ପୂର୍ବରୁ ଦଶପଲ୍ଲା ଓ ଖଣ୍ଡପଡା ନିର୍ବାଚନ ମଣ୍ଡଳୀ ଅନ୍ତର୍ଗତ ସମସ୍ତ ଅଂଚଳ ର ସମୀକ୍ଷା କରି ସାରିଛନ୍ତି । ଆଜି ଏହି ସମୀକ୍ଷା ରେ ମାନନୀୟ ବିଧାୟକ ରଣପୁର ଶ୍ରୀଯୁକ୍ତ ସତ୍ୟନାରାୟଣ ପ୍ରଧାନ ମଧ୍ୟ ଉପସ୍ଥିତ ଥିଲେ । ଏହି ନିର୍ବାଚନ ମଣ୍ଡଳୀ ଅନ୍ତର୍ଗତ ରଣପୁର ଏବଂ ଓଡ଼ଗାଁ ବ୍ଲକର ବିଡ଼ିଓ , ତହସିଲଦାର , ମେଡିକାଲ ଅଫିସର ଓ ସମସ୍ତ ସରପଞ୍ଚ ତଥା ଜିଲ୍ଲା ପରିଷଦ ସଦସ୍ୟ ମାନେ ଉପସ୍ଥିତ ଥିଲେ ।
ବିଡ଼ିଓ , ତହସିଲଦାର ଓ ମେଡିକାଲ ଅଫିସର ଙ୍କୁ ଗୋଟି ଗୋଟି କୋଭିଡ ର ପ୍ରତ୍ୟକ ବିଷୟ ଉପରେ ପଚାରିଥିଲେ । ପ୍ରତି ବ୍ଲକ ପ୍ରତିଦିନ ଅତି କମରେ 100 ଲେଖାଏଁ RTPCR ଟେଷ୍ଟ କରିବାକୁ ନିର୍ଦେଶ ଦେଇଥିଲେ । କୋଭିଡ ଉପରେ ଲୋକଙ୍କ ସଚେତନତା ଉପରେ ଗୁରୁତ୍ୱ ଦେବା ପାଇଁ ବିଡ଼ିଓ ଓ ଜନ ପ୍ରତିନିଧି ମାନଙ୍କୁ କହିଥିଲେ । ସେ ନିଜେ ପାଖାପାଖି ଏକ ଘଣ୍ଟା ଧରି କୋଭିଡ ର ଏହି ଦ୍ଵିତୀୟ ଲହର ର ଭୟାବହତା ଉପରେ ସଚେତନ ରହିବା ପାଇଁ ମଧ୍ୟ ବୁଝାଇଥିଲେ । ILI ଓ SARI ଉପରେ ଗୁରୁତ୍ୱ ଦେବା ସହିତ RRT ଟିମ ର ଭୂମିକା ଉପରେ ଆଲୋଚନା ହୋଇଥିଲା । ଏହା ଉପରେ ନଜର ରଖିବା ପାଇଁ ବିଡ଼ିଓ ଓଡ଼ଗାଁ ଙ୍କୁ ନିର୍ଦେଶ ଦେଇଥିଲେ।
