ଓଡ଼ିଶା ତାଜା ନ୍ୟୁଜ୍ (୦୫ ମଇ ବୁଧବାର )ହିଞ୍ଜିଳିକାଟୁ :- ବୁଧବାର ଅପରାହ୍ନ ପ୍ରାୟ ସାଢେ ୫ଘଂଟା ସମୟରେ ହିଞ୍ଜିଳି ଅଂଚଳରେ ଏକ ଅଭାବନୀୟ ଘଟଣା ଘଟିଛି । କାଳବୈଶାଖୀ ପ୍ରଭାବରେ ପ୍ରଚଣ୍ଡ ବେଗରେ ପବନ ବୋହିବା ସହ ପ୍ରାୟ ୩୦ ମିନଟ ଧରି ଅବିଶ୍ରାନ୍ତ ବର୍ଷା ଲାଗି ରହିଥିଲା । କ୍ଷିପ୍ର ଗତିରେ ପବନ ବୋହିବାରୁ ଏକ ବଡ଼ ଧରଣର କାକପ୍ଧେବ ଗଛ ମାଟିରୁ ଉପୁଡ଼ି ପଡ଼ିଥିଲା । ଗଛ ତଳେ ଚାପି ହୋଇ ୨ ଜଣଙ୍କର ମୃତ୍ୟୁ ଘଟିଛି । ଏଭଳି ଏକ ଘଟଣା ହିଞ୍ଜିଳି ଥାନା ତଥା ଶେରଗଡ଼ ବ୍ଳକ ବ୍ରହ୍ମଣଛାଇ ଗ୍ରାମରେ ଘଟିଛି । ମୃତକ ମାନେ ହେଲେ ସଂପୃକ୍ତ ଗ୍ରାମର ବିପ୍ର ଚରଣ ପ୍ରଧାନ (୬୫) ଓ କାହ୍ନା ପ୍ରଧାନ (୧୨) । ମିଳିଥିବା ସୂଚନା ପ୍ରକାରେ, ଗଞ୍ଜାମ ଜିଲ୍ଲା ହିଞ୍ଜିଳି ଥାନା ତଥା ଶେରଗଡ଼ ବ୍ଳକ ବ୍ରହ୍ମଣଛାଇ ଗ୍ରାମ ନୁଆଁସାହିର ବିପ୍ର ଚରଣ ପ୍ରଧାନ ଓ କାହ୍ନା ପ୍ରଧାନ ବୁଧବାର ଅପରାହ୍ନରେ କାଳବୈଶାଖୀ ପ୍ରଭାବରେ ପବନ ସାଙ୍ଗକୁ ବର୍ଷା ହେବା ସହ ବିଜୁଳି ମାରିଥିଲା ।
କ୍ଷିପ୍ର ଗତିରେ ପବନ ବୋହିବାରୁ ସଂପୃକ୍ତ ଗ୍ରାମ ନୁଆଁସାହି ନିକଟରେ ଥିବା ଏକ କାକପୋଇ ଗଛ ମାଟିରେ ଲୋଟି ପଡ଼ିଥିଲା । ଏହି ସମୟରେ ସଂପୃକ୍ତ ଗ୍ରାମର ବିପ୍ର ଓ କାହ୍ନା ବାହାରେ ବୁଲୁଥିବା ଗାଇକୁ ଗହାଳକୁ ଆଣିବା ପାଇଁ ଯାଇଥିବା ସମୟରେ ସଂପୃକ୍ତ ନାବାଳକ ଓ ବୃଦ୍ଧଙ୍କ ଉପରେ ଗଛ ପଡ଼ିବା ସହ ଦୁହେଁ ଗଛ ତଲେ ଚାପି ହୋଇ ମୃତ୍ୟୁ ବରଣ କରିଥିଲେ । ଖବର ପାଇ ସ୍ଥାନୀୟ ଗ୍ରାମବାସୀ ନାବାଳକଙ୍କୁ ଉଦ୍ଧାର କରି ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟକୁ ଆଣିବା ସମୟରେ ବାଟରେ ମୃତ୍ୟୁ ଘଟିଥିଲା ।
