ଓଡ଼ିଶା ତାଜା ନ୍ୟୁଜ (୨୮ ଅପ୍ରେଲ ବୁଧବାର )ହିଞ୍ଜିଳିକାଟୁ :- ହିଞ୍ଜିଳିକାଟୁ ଓକିଲ ସଂଘ ପକ୍ଷରୁ ଉତ୍କଳ ଗୈାରବ ମଧୁସୂଦନ ଦାସଙ୍କ ୧୭୩ ତମ ଜନ୍ମ ଜୟନ୍ତୀ ସ୍ଥାନୀୟ ଜେଏମଏଫସି ନ୍ୟାୟାଳୟ ପରିସରରେ ପାଳନ କରାଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଜର୍ଜ ଶଶିକାନ୍ତ ମିଶ୍ର, ସମ୍ମାନିତ ଅତିଥି ଭାବେ ସ୍ଥାନୀୟ ଜେଏମଏଫସି ନ୍ୟାୟାଳୟର ବିଚାରପତି ରାଜଶ୍ରୀ ପଟ୍ଟନାୟକ, ପୈାର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ ମନୋରଞ୍ଜନ ସାହୁ, ବିଡିଓ ସୁବ୍ରତ କୁମାର ଜେନା ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ନ୍ୟାୟାଳୟ ପରିସରରେ ମଧୁବାବୁଙ୍କ ପ୍ରତିମୂର୍ତ୍ତି ଅତିଥି ମାନଙ୍କ ଦ୍ଵାରା ଉନ୍ମୋଚନ କରାଯାଇଥିଲା । ଉତ୍କଳ ପ୍ରଦେଶ ବା ଓଡ଼ିଶା ପ୍ରଦେଶ ତଥା ଓଡ଼ିଆ ମାନଙ୍କ ପ୍ରତି ତତ୍କାଳୀନ ଇଂରେଜ ଶାସକ ମାନଙ୍କ ଅଣଦେଖା ଓ ଅବହେଳା ର ସୁଯୋଗରେ ପଡୋଶୀ ରାଜ୍ୟର ତଥାକଥିତ ପ୍ରଶାସନିକ ଅଧିକାରୀ ମାନଙ୍କ ହୀନ ଚକ୍ରାନ୍ତ ଏପରିକି ‘ଓଡ଼ିଆ ଏକଟା ସ଼୍ବତନ୍ତ୍ର ଭାଷା ନଏ’ କହି ଏହି ପ୍ରାଚୀନତମ ଭାଷାକୁ ବିଲୋପ କରିଦେବା ପାଇଁ ଚାଲିଥିବ ଷଡ଼ଯନ୍ତ୍ର ର ଉଚିତ ମୁକାବିଲା କରିବାପାଇଁ ପ୍ରାତଃ ସ୍ମରଣୀୟ ମଧୁବାବୁଙ୍କ ଜନ୍ମ ଏ ଜାତିକୁ ନିଶ୍ଚିତ ବିପଦରୁ ଉଦ୍ଧାର କରିଦେଲା।ବହୁ ଘାତ ପ୍ରତିଘାତ ସହି ପ୍ରଥମ ଓଡ଼ିଆ ସ୍ନାତକ,ଆଇନସ୍ନାତକ, ଓକିଲ ଏପରିକିପ୍ରଥମ ବିଲାତ ଫେରନ୍ତା ର ଗୌରବ ଅର୍ଜନ କରିଥିବା ମଧୁବାବୁ ଖ୍ରୀଷ୍ଟଧର୍ମାବଲମ୍ଵୀ ହୋଇ ମଧ୍ୟପରମ ଆରାଧ୍ୟ ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ବତ୍ବାଧିକାରକୁ ବ୍ରିଟିଶ ଆଇନରୁ ମୁକୁଳେଇ ପାରିଥିଲେ।
