କରୋନା ର ଶିକାର ହୋଇଛନ୍ତି ଚାନ୍ଦପୁର ଥାନାରେ ଅଟକ ରହିଥିବା ୫ ମୁଦୁଲା

ଓଡ଼ିଶା ତାଜା ନ୍ୟୁଜ୍ ( ୨୩ ଏପ୍ରିଲ , ଶୁକ୍ରବାର ) ଚାନ୍ଦପୁର :- ମହାମାରୀ କରୋନା ର ଦ୍ୱିତୀୟ ପର୍ଯ୍ୟାୟ ଆରମ୍ଭ ହୋଇଯାଇଛି । ଏବଂ ସାରା ଦେଶରେ ଏହାର ପ୍ରଭାବ ଦେଖିବାକୁ ମିଳୁଥିବା ବେଳେ ସମସ୍ତ ଶିକ୍ଷାନୁଷ୍ଠାନ, ଚିକିତ୍ସାଳୟ, ସରକାରୀ ବେସରକାରୀ କାର୍ଯ୍ୟାଳୟ ଗୁଡିକରେ ମଧ୍ୟ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେହିପରି ରଣପୁର ବ୍ଲକ ଚାନ୍ଦପୁର ପୋଲିସ ଷ୍ଟେସନରେ ଅଟକ ଥିବା ୫ ଜଣ ମୁଦଲା କରୋନା ସଂକ୍ରମିତ ହୋଇଥିବା ଜଣାପଡିଛି ।

ଯାହା ଫଳରେ ଆଜି ଚାନ୍ଦପୁର ପୋଲିସ ଷ୍ଟେସନ କୁ ସମ୍ପୂର୍ଣ୍ଣ ସାନିଟାଇଜ କରାଯାଇଛି । ଏତଦବ୍ୟତୀତ ଥାନା ର ସମସ୍ତ ପୋଲିସ କର୍ମଚାରୀ ଙ୍କର କରୋନା ଟେଷ୍ଟ କରାଯାଇଛି । ସମସ୍ତ କଟକଣାକୁ ମାନି ଉକ୍ତ କରୋନା ସଂକ୍ରମିତ ଙ୍କୁ ଡାକ୍ତରଖାନାରେ ଚିକିତ୍ସିତ କରାଯାଉଥିବା ଜଣାପଡିଛି । ଲୋକମାନଙ୍କ ଠାରୁ ଦୂରତା ବଜାୟ ରଖିବା ସହ ମାସ୍କ ପିନ୍ଧିବା ପାଇଁ ଜନସାଧାରଣ ଙ୍କୁ ଅନୁରୋଧ କରିଛନ୍ତି ଥାନା ଅଧିକାରୀ ରଶ୍ମି ରଞ୍ଜନ ଦାଶ ।