ଓଡ଼ିଶା ତାଜା ନ୍ୟୁଜ୍ (୧୯ ଏପ୍ରିଲ ସୋମବାର ) କୋରାଇ :- ଠାକୁରପାଟଣା ଗାଁର ଜଳନିଷ୍କାସନ ବ୍ୟବସ୍ଥା ଓ ଗ୍ରାମ୍ୟ ରାସ୍ତାଟିର ମରାମତି ଅଭାବରୁ ଦୀର୍ଘ ବର୍ଷହେଲା ବିପର୍ଯ୍ୟସ୍ତ ହୋଇପଡିଛି । ବହୁ ଅଭିଯୋଗ ପରେ ବିଭାଗ ପକ୍ଷରୁ ମରାମତି ଲାଗି ଗତବର୍ଷ ଡିସେମ୍ବରରେ ଅର୍ଥମଞ୍ଜୁର ହୋଇ ଠିକାଦାର ଚୟନ କରାଯାଇଛି । ହେଲେ ଠିକାଦାର ୪ମାସ ହେଲା ମନମାନୀ କରି କାର୍ଯ୍ୟ ଆରମ୍ଭ କରୁନାହିଁ । ଏଥିନେଇ ବିଭାଗ ପକ୍ଷରୁ ବିହୀତ ପଦକ୍ଷପ ନିଆଯାଉନଥିବାରୁ ଏନେଇ ଠାକୁରପାଟଣା ଯୁବପରିଷଦ ବାଧ୍ୟ ହୋଇ ଜିଲାପାଳଙ୍କୁ ଜଣାଇବାପାଇଁ ନିଷ୍ପତି ନେଇଛନ୍ତି । ପ୍ରକାଶଯେ, କୋରାଇ ବ୍ଲକ
ଅନ୍ତର୍ଗତ ଖମଣ ଗ୍ରାମପଂଚାୟତସ୍ଥ ଠାକୁରପାଟଣା ଗାଁଦେଇ ଯାଇଛି ଜହ୍ନା-ପହଙ୍ଗା ଗ୍ରାମ୍ୟ ବିଭାଗ ରାସ୍ତା ।
ଏହି ରାସ୍ତା ଉପରେ କୋରାଇ ବ୍ଲକର ଖମଣ, ଜହ୍ନା, ବଡବିରୁହାଁ, ଗୋଳେଇପୁର ଏବଂ ରସୁଲପୁର ବ୍ଲକର ଲକ୍ଷ୍ମୀନଗର ଓ ପହଙ୍ଗା ଆଦି ୬ ଗୋଟି ପଂଚାୟତର ଯାତାୟତ କରିଥାନ୍ତି । ହେଲେ ବିଭାଗର ଦୁରଦୃଷ୍ଟି ଅଭାବରୁ ଠାକୁରରପଟଣା ଗାଁଦେଇ ଯାଇଥିବା ଏହି ରାସ୍ତାରେ ଡ୍ରେନେଜ ବ୍ୟବସ୍ଥା କରାଯାଇନାହିଁ । ଫଳରେ ଅସରାଏ ବର୍ଷା ହେଲେ ଜଳ ନିଷ୍କାସନ ହୋଇ ନପାରି ଗାଁ ରାସ୍ତାରେ ଜଳ ଲହଡି ମାରୁଛି । ବର୍ଷା ଦିନେତ ଦୂରକଥା ଖରାଦିନେ ମଧ୍ୟ ଯାତାୟତରେ ଗ୍ରାମବାସୀମାନେ ନାହିଁନଥିବା ହିନସ୍ତା ଭୋଗୁଛନ୍ତି । ଏନେଇ ୨୦୧୫ ମସିହାରେ ଗ୍ରାମବାସୀଙ୍କ ସମେତ ଠାକୁରପାଟଣା ଯୁବପରିଷଦ ଗ୍ରାମ୍ୟ ବିଭାଗର କାର୍ଯ୍ୟନିର୍ବାହି ଯବୀ ଜଣାଇଥିଲେ ।
ହେଲେ ଦୀର୍ଘ ବର୍ଷଯାଏ ବିଭାଗ ପକ୍ଷରୁ କୌଣସି ପଦକ୍ଷପ ନିଆଗଲା ନିହିଁ । ରାସ୍ତା ଓ ଡ୍ରେନ ସମସ୍ୟ । ବାରମ୍ବାର ବିଭିନ୍ନ ଗଣମାଧ୍ୟମରେ ପ୍ରକାଶ ପାଇବା ସହ ୨୦୨୦ ମସିହାରେ ଯୁବପରିଷଦ ଓ ଗ୍ରାମବାସୀ କୋରାଇ ବିଡିଓ, ବିଭାଗୀୟ ଏସଡିଓ, କାର୍ଯ୍ୟନିର୍ବାହୀ, ଜିଲ୍ଲାପାଳଙ୍କ ସମେତ ସ୍ଥାନୀୟ ସରପଂଚଙ୍କୁ ପୁନାରାୟ ନିବେଦନ
କରିଥିଲେ । ଫଳରେ ଜଳନିଷ୍କାସନ ନିମନ୍ତେ ଗାଁରାସ୍ତା ମରାମତି ଓ ଡ୍ରେନେଜ ନିର୍ମାଣ ନିମନ୍ତେ ବିଭାଗ ପକ୍ଷରୁ ଗତ ଡିସେମ୍ବର ମାସ ୧୪ତାରିଖରେ ୬ଲକ୍ଷ ୭ହଜାର ଟଙ୍କା ମଞ୍ଜୁରକରାଗଲା । ତ୍ୱରିତଭାବେ କାର୍ଯ୍ୟକରିବା ପାଇଁ ମଧ୍ୟ ଠିକାଦାର ଚୟନ କରାଯାଇଛି । ୧୫ଦିନ ମଧ୍ୟରେ କାର୍ଯ୍ୟସାରିବାକୁ ନିର୍ଦେଶିତ ଥିଲା ବେଳେ ଏଥି ମଧ୍ୟରେ ୪ମାସ ବିତିଯାଇଥିଲେହେଁ ନିଯୁକ୍ତ ଠିକାଦର ମନମାନିକରି କାର୍ଯ୍ୟ କରୁନାହିଁ । ଫଳରେ କାର୍ଯ୍ୟ ଯଦି ବର୍ଷ ଦିନପୂର୍ବରୁ ନସରେ ତେବେ ଗ୍ରାମବାସୀଙ୍କୁ ପୁଣି ବର୍ଷୁଟିଏ ହିନସ୍ଥା ହେବାକୁ ପଡିବ ।
