ଶିବରାତ୍ରୀ ଉପଲକ୍ଷେ ରଣପୁରରେ ଶୌବପୀଠ ଚଳଚଞ୍ଚଳ

ରଣପୁର (ଓଡିଶା ତାଜା ନ୍ୟୁଜ୍ ) ରଣପୁର 21.2.2020 :- ପବିତ୍ର ମହା ଶିବରାତ୍ରୀ ଉପଲକ୍ଷେ ରଣପୁର ଅଞ୍ଚଳର ବିଭିନ୍ନ ଶୌବ ପିଠ ଚଳଚଞ୍ଚଳ ହୋଇପଡିଛି । ବିଭିନ୍ନ ଶିବ ମନ୍ଦିର ରଙ୍ଗିନ ହେବା ସହିତ ସୁସଜ୍ଜିତ ଦୀପ ର ଆଲୋକରେ ଆଲୋକିତ ହୋଇଛି । ଶୌବପୀଠରେ ଅଷ୍ଟପହରୀ ନାମଯଜ୍ଞ ଅହରହ ଚାଲି ରହିଥିଲା । ସଂଧ୍ୟାରେ ଶିବ ମନ୍ଦିର ଗୁଡିକରେ ପ୍ରବଳ ଭକ୍ତଙ୍କ ର ସମାଗମ ହେଉଥିବାର ଦେଖିବାକୁ ମିଳିଛି । ରଣପୁର ଅଚଂଳର ବିଭିନ୍ନ ଶୌବ ପିଠ ଚଳଚଚଂଲ ହୋଇପଡିଛି । ସ୍ୱପ୍ନେଶ୍ୱର ,ଚଣ୍ଡେଶ୍ୱର, ଆଖଣ୍ଡଳମଣି ପୀଠ ,ଗୋପାଳପୁର ନୀଳ କଣ୍ଠେଶ୍ୱର,ମଝିଆଖଣ୍ଡ କମଳେଶ୍ୱର ଓ ନିଘଞ୍ଚ ମାଳରେ ଥିବା ଗଙ୍ଗେଶ୍ୱର ମନ୍ଦିରରେ ଭିଡ ଲାଗି ରହିଛି । ରଣପୁର ସ୍ୱପ୍ନେଶ୍ୱର ମନ୍ଦିରରେ ସଂଧ୍ୟାରେ ପ୍ରବଳ ଭିଡ ଲାଗି ରହିଥିଲା ।ସବୁ ମନ୍ଦିର ତୁଳନାରେ ସ୍ୱପ୍ନେଶ୍ୱର ମନ୍ଦିରର ରିତି ନିତୀରେ ନିଆରା ପରମ୍ପରା ଦେଖିବାକୁ ମିଳିଥିଲା । ରାତି ୯ ଟା ପରେ ମନ୍ଦିରରେ ବିଭିନ୍ନ ନୀତି କାର୍ଯ୍ୟ ଆରମ୍ବ ହୋଇଥିଲା ପ୍ରଥମ ଧୂପ ଓ ଦ୍ୱିତୀୟ ଧୂପ ପରେ ବିଳମ୍ବିତ ରାତିରେ ନୀତି ସମାପନ ସାରି ମନ୍ଦିରରେ ମହାଧୂପ ଉଠିଥିଲା । ପରେ ଏକ ସୁସଜ୍ଜିତ ବିମାନରେ ସ୍ୱପ୍ନେଶ୍ୱର ଦେବ ଜଗନ୍ନାଥ ଦେବଙ୍କୁ ନିମନ୍ତ୍ରଣ କରିବାପାଇଁ ସ୍ଥାନୀୟ ଜଗନ୍ନାଥ ମନ୍ଦିର ରେ ପହଚିଂଥିଲେ । ପରେ ଜଗନ୍ନାଥ ଙ୍କ ଚଳନ୍ତି ପ୍ରତିମା ମଦନମୋହନ ଦେବ ଏକ ସୁସଜ୍ଜିତ ବିମାନରେ ସ୍ୱପ୍ନେଶ୍ୱର ମନ୍ଦିରକୁ ଗମନ କରିଥିଲେ । ସ୍ୱପ୍ନେଶ୍ୱର ମନ୍ଦିରରେ ଯଥା ବିଧି ସମ୍ପନ୍ନ ହେବା ପରେ ଉଭୟ ମଦନମୋହନ ଓ ସ୍ୱପ୍ନେଶ୍ୱର ଦେବ ସାହିରେ ପ୍ରତ୍ୟକ ଙ୍କ ଦୁଆରେ ଭୋଗ ଖାଇଥିଲେ । ପରେ ଜଗନ୍ନାଥ ଙ୍କ ଚଳନ୍ତି ପ୍ରତିମା ମଦନମୋହନ ଦେବଙ୍କୁ ଜଗନ୍ନାଥ ମନ୍ଦିରରେ ଛାଡିଦେବାପରେ ସ୍ୱପ୍ନେଶ୍ୱର ଦେବ ମନ୍ଦିରକୁ ଫେରିଯାଇଥିଲେ । ଅନେକ ମନ୍ଦିରରେ ଶିବଭକ୍ତମାନେ ରାତି ତମାମ ଉଜାଗର ରହି ଦୀପ ଜାଳୁଥିବା ଦେଖିବାକୁ ମିଳିଛି ।