ମାଲକାନଗିରି ଜିଲ୍ଲା କାଲିମେଳା ବ୍ଲକ ସୀମାନ୍ତ ମୋଟୁ ଠାରେ ଧାରଣା

ମାଲକାନଗିରି ଜିଲ୍ଲା (ଓଡିଶା ତାଜା ନ୍ୟୁଜ୍ ) କାଲିମେଳା 19.2.2020 :- ମାଲକାନଗିରି ଜିଲ୍ଲା କାଲିମେଳା ବ୍ଲକ ସୀମାନ୍ତ ମୋଟୁ ଠାରେ ଆଜି ଧାରଣାରେ ବସିଲେ କାଲେରୁ ସେତୁକୁ ଯୋଡି ହୋଇଥିବା ତିନି ରାଜ୍ୟର ଅଂଚଳ ବାସୀ । ସେଠାରେ ମୋଟୁ ଅଞ୍ଚଳବାସୀ ତଥା ସୀମାନ୍ତ ଓଡିଶା,ଆନ୍ଧ୍ର ଓ ଛତିଶଗଡ ବାସିନ୍ଦା ଧାରଣାରେ ସାମିଲ ହୋଇଥିଲେ । ସେତୁ କାମ ଆଜକୁ ଏକ ବର୍ଷ ପୂର୍ବରୁ ସାରିଥିଲେ ମଧ୍ତ କାଲେରୁ ସେତୁ ଉଦଘାଟନକୁ ସରକାର ବିଳମ୍ବ କରୁଥିବା ଯୋଗୁ ଆଜି ଧାରଣାରେ ବସିଲେ ମୋଟୁ, କାଲିମେଳା ଓ ସିମାନ୍ତବର୍ତୀ ଅଞ୍ଚଳର ଲୋକେ । ଏହି ପୋଲ ତିନି ରାଜ୍ୟକୁ ସଂଯୋଗ କରିବା ଫଳରେ ତିନି ରାଜ୍ୟର ଲୋକେ ଉପକୃତ ହେଇପାରିବେ । ଉଦଘାଟନ ହୋଇନଥିବାରୁ ଏକ ଗେଟ ଲଗାଇ ବ୍ରିଜ଼ ବନ୍ଦ କରାଯାଇଅଛି । ତୁରନ୍ତ ଏହାକୁ ଉଦଘାଟନ କରିବାକୁ ତିନି ରାଜ୍ୟର ଗ୍ରାମବାସୀ ଦାବି କରିଛନ୍ତି । ଯଦି ଆସନ୍ତା 15 ଦିନ ମଧ୍ୟରେ ଉଦଘାଟନ କରାନଗଲେ ଗେଟ ଭାଙ୍ଗି ଯାନବାହନ ଚଳାଚଳ କରାଯିବ ବୋଲି ଅଞ୍ଚଳ ବାସି ଚେତାବନୀ ଦେଇଛନ୍ତି । ଆଜିର ଏହି ଧାରଣା ରେ ମାଲକାନଗିରି ସମ୍ମାନିତ ବିକାଶ ଉନ୍ନୟନ ପାରିଷଦ ର ପିଲୁର୍ବତନ ଅଧ୍ୟକ୍ଷ ଆଡମା ରାବା, କାମରାଜୁ କବାସୀ, ଓ ବିଭିନ୍ନ ପଂଚାୟତ ର ସରପଞ୍ଚ ଓ ପ୍ରାୟ ଦୁଇ ହଜାରରୁ ଉର୍ଦ୍ଧ୍ବ ଅଂଚଳ ବାସୀ । ଅଞ୍ଚଳବାସୀ ବର୍ତ୍ତମାନ ଦାବି କରିଛନ୍ତି ସରକାର ଓ ଜିଲ୍ଲା ପ୍ରଶାସନ ଏହା ପ୍ରତି କେତେ ଦୃଷ୍ଟି ଦେଇ ପାରୁଛନ୍ତି ଓ ସେତୁ ର ଉଦଘାଟନ କରିଛନ୍ତି ।