ଜଗତଗୁରୁ କୃପାଳୁ ବିଶ୍ୱବିଦ୍ୟାଳୟ ବିଲ୍ ପାରିତ

ଭୁବନେଶ୍ୱର (ଓଡିଶା ତାଜା ନ୍ୟୁଜ୍ ) ବିଧାନସଭା 19.2.2020 :- ଆଇନ ପ୍ରଣୟନ ପାଇଁ ଗୃହରେ ଆଗତ ହୋଇଥିବା ଜଗତଗୁରୁ କୃପାଳୁ ବିଶ୍ୱ ବିଦ୍ୟାଳୟ, ଓଡ଼ିଶା ବିଲ୍ – ୨୦୨୦ ପାରିତ ହୋଇଯାଇଛି । ରାଜ୍ୟ ଉଚ୍ଚ ଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଏହି ବିଲ୍‌ ଗୃହରେ ଆଗତ କରିଥିଲେ । ଆଜି ଦ୍ୱିତୀୟାର୍ଦ୍ଧ ବୈଠକରେ ଏହା ଉପରେ ଆଲୋଚନା କରାଯାଇଥିଲା । ଅନ୍ୟପକ୍ଷରେ ଏହି ବିଲ୍ ଉପରେ ଅଧିକ ତର୍ଜମା କରିବା ପାଇଁ ଯାଂଚ କମିଟିକୁ ପଠେଇବା ଲାଗି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ସଂଶୋଧନ ପ୍ରସ୍ତାବ ଆଣିଥିବା ବେଳେ ମୁଖ୍ୟ ବିରୋଧି ବିଜେପି ଦଳର ସଦସ୍ୟମାନେ ଏହି ତର୍ଜମା ପାଇଁ ଅଧିକ ସମୟ ବିଧାୟକ ମାନଙ୍କୁ ଦେବାକୁ ଦାବି କରିଥିଲେ । ଉଭୟଙ୍କର ଦାବି ସରକାର ଗ୍ରହଣ କରିନଥିଲେ । ସେମାନେ ଅଭିଯୋଗ କରିଥିଲେ ଯେ, ବିଲ୍‌ରେ ବହୁ ଦୋଷ ତ୍ରୁଟି ରହିଛି । ସରକାର ତରବରିଆ ଭାବେ ବିଲ୍‌ଟିକୁ ପାରିତ କରିବାକୁ ଚାହୁଁଛନ୍ତି । ଏହି ବିଲ୍ ପାଶ୍‌ କରାଗଲେ କୋର୍ଟରେ ଖାରଜ ହୋଇଯିବ । ଇତି ମଧ୍ୟରେ ରାଜ୍ୟ ସରକାର ଅନେକ ଗୁଡ଼ିଏ ବିଲ୍‌ ତରବରିଆ ଭାବେ ପାଶ୍ କରାଇଥିଲେ । ପରବର୍ତ୍ତୀ ଅବସ୍ଥାରେ ହାଇକୋର୍ଟ, ସୁପ୍ରିମ୍‌କୋର୍ଟରେ ଖାରଜ ହୋଇଯାଇଥିଲା । ଏହି ବିଲ୍ ସେହିଭଳି ନ ହେଉ । ତେଣୁ ଏହା ଉପରେ ଅଧିକ ଅନୁଧ୍ୟାନ କରିବା ପାଇଁ ଆଲୋଚନା ବା ପର୍ଯ୍ୟାଲୋଚନା କରିବା ପାଇଁ ଯାଂଚ କମିଟି ଗଠନ କରିବାକୁ ପରାମର୍ଶ ଦେଇଥିଲେ । ବାଚସ୍ପତି ତାକୁ ଗ୍ରହଣ କରିନଥିଲେ ।