ବାଗ୍ଦେବୀ ପ୍ରିଣ୍ଟର ଓ ନାୟକ ପ୍ଲାଷ୍ଟିକ ଦୋକାନ ରେ ନିଆଁ ଲାଗି ଲକ୍ଷାଧିକ ମୂଲ୍ୟର ସମ୍ପତ୍ତି ନଷ୍ଟ

ଓଡ଼ିଶା ତାଜା ନ୍ୟୁଜ୍ (୦୭ ଏପ୍ରିଲ , ବୁଧବାର) ଓଡ଼ଗାଁ :- ଓଡ଼ଗାଁ ସିନେମା ହଲ୍ ଛକ ନିକଟରେ ଥିବା ବାଗ୍ଦେବୀ ପ୍ରିଣ୍ଟର ଓ ନାୟକ ପ୍ଲାଷ୍ଟିକ ଦୋକାନ ରେ ନିଆଁ ଲାଗି ଲକ୍ଷାଧିକ ମୂଲ୍ୟର ସମ୍ପତ୍ତି ନଷ୍ଟ ହୋଇଯାଇଛି । ଆଜି ଭୋରରୁ ୫ଟା ସମୟରେ ସଟ୍ ସର୍କିଟ କାରଣରୁ ନିଆଁ ଲାଗି ବାଗ୍ଦେବୀ ପ୍ରିଣ୍ଟର ର ପ୍ରିଣ୍ଟର ମେସିନ୍ , ପ୍ରିଣ୍ଟର ବ୍ୟାଗ , ଜେରକ୍ସ ଆଦି ପୋଡ଼ି ଯାଇଛି ।

ସେହିପରି ପାଖ ନାୟକ ପ୍ଲାଷ୍ଟିକ ଦୋକାନରେ ମଧ୍ୟ ନିଆଁ ଲାଗି ଫ୍ରିଜ୍ ସମେତ ଆନୁମାନିକ ୨ ଲକ୍ଷ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ନିଆଁ ଲାଗିବାର ଦେଖି ସ୍ଥାନୀୟ ଅଂଚଳର ଜନସାଧାରଣ ଓଡ଼ଗାଁ ଅଗ୍ନିଶମ ବିଭାଗ କୁ ଖବର ଦେଇଥିଲେ । ଖବରପାଇ ଅଗ୍ନିଶମ ବିଭାଗ ର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିଥିଲେ । ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )