ଓଡ଼ିଶା ତାଜା ନ୍ୟୁଜ୍ (୬ ଏପ୍ରିଲ ମଙ୍ଗଳବାର ) ଭୁବନେଶ୍ୱର /ବଇଁଚୁଆ :- ଭୁବନେଶ୍ୱର ଉପକଣ୍ଠ ବଇଁଚୁଆ ଗ୍ରାମରେ ସ୍ଥାନୀୟ ପଲ୍ଲୀପ୍ରଭା ଯୁବ ପରିଷଦ ଆନୁକୂଲ୍ୟରେ ଚଳିତ ମାସ ୨ ଓ ୩ ତାରିଖ ୨ ଦିନ ଧରି ଆୟୋଜିତ ପ୍ରଥମ “ରାତ୍ର ଧମାକା” କ୍ରିକେଟ୍ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ଏଥିରେ ଗ୍ରାମର ୬ଟି ଟିମ୍ ଅଂଶ ଗ୍ରହଣ କରିଥିଲେ । ଫାଇନାଲ ମ୍ୟାଚ୍ରେ ‘ସୁଟିଂ ଷ୍ଟାର’ ଦଳ ବିଜେତା ଏବଂ ‘ସନ୍- ୧୧ ଟାଇଗର’ ଉପ ବିଜେତା ହୋଇଥିଲେ ।
ଯୁବ ଖେଳାଳୀ ମଧୁର ସାହୁ ‘ ମାନ୍ ଅଫ୍ ଦ ସିରିଜ୍’ ଏବଂ ଫାଇନାଲ ମ୍ୟାଚ୍ରେ ପ୍ରମୋଦ ଜେନା ‘ମ୍ୟାନ୍ ଅପ୍ ଦି ମ୍ୟାଚ୍’ ଘୋଷିତ ହୋଇଥିଲେ । ଶ୍ରେଷ୍ଠ ବ୍ୟାଟ୍ସ ମ୍ୟାନ୍ ଭାବେ ଚନ୍ଦନ ଭୋଇ ଏବଂ ଶ୍ରେଷ୍ଠ ବୋଲର ଭାବେ ଅଶୋକ ସାହୁ କପ୍ ଜିତିଥିଲେ । ଯୁବ ପରିଷଦର ସଭ୍ୟ ପ୍ରଦୀପ୍ତ ସାହୁ (ଟୁଲା) ଟୁର୍ଣ୍ଣାମେଣ୍ଟ ଆୟୋଜନ କରିଥିବା ବେଳେ ପ୍ରଥମ ଦିନ ଯୁବ ପରିଷଦର ଉପଦେଷ୍ଟା ଜନାର୍ଦ୍ଦନ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଶୁଭ ଉଦ୍ଘାଟନ କରିଥିଲେ । ଏହି ଅବସରରେ ପରିଷଦର ବରିଷ୍ଟ ସଦସ୍ୟମାନଙ୍କୁ ସମ୍ମାନିତ କରାଯାଇଥିଲା ।
