ଓଡ଼ିଶା ତାଜା ନ୍ୟୁଜ୍ (୪ ଏପ୍ରିଲ ରବିବାର ) କଟକ :- ଦୋଳ ପୂର୍ଣ୍ଣିମା ହେଉଛି ଯାଦବ ମାନଙ୍କର ସବୁଠାରୁ ଵଡ଼ ପର୍ବ । ଏହି ପର୍ବ ଆସିଲେ ଯାଦବ ପରିଵାରର ଛୋଟ ପିଲା ଠାରୁ ଯୁବକ ଏବଂ ବୟସ୍କ ବ୍ୟକ୍ତିଙ୍କ ମନେ ଖୁସିର ମାହୋଲ ଦେଖିବାକୁ ମିଳିଥାଏ ନୂଆ ପୋଷାକ ସାଙ୍ଗକୁ ଘରେ ଘରେ ତେଲ ପିଠା , ମିଠା କରାଯାଇ ରାଧାକୃଷ୍ଣ ଙ୍କୁ ଭୋଗ ଲାଗି କରାଯାଏ । ଦୋଳ ପୂର୍ଣ୍ଣିମା ଠାରୁ ଯାଦବ ବାଳକ ଏବଂ ଯୁବକ ମାନେ ରଙ୍ଗ ବେରଙ୍ଗ ପୋଷାକ ପିନ୍ଧି ଗାଁ ଦାଣ୍ଡରେ ଲଉଡି ଖଳ ପ୍ରଦର୍ଶନ କରନ୍ତି । ବରଷକେ ଥରେ ଗ୍ରାମାଞ୍ଚଳ ଏବଂ ସହରରେ ବସବାସ କରୁଥିବା ଯାଦବ ପିଲାମାନେ ଲଉଡ଼ି ଖଳ ପ୍ରଦର୍ଶନ କରିବାର ସୁଯୋଗ ପାଇଥାନ୍ତି । ଏହି ଉପଲକ୍ଷେ କଟକ ସଦର ବ୍ଲକ ଯଶପଡା ଗ୍ରାମର ପତିତପାବନ ଯାଦବ ସଂଘ ପକ୍ଷରୁ ଏକ ଲଉଡ଼ି ମହୋତ୍ସବ ଶନିବାର ସନ୍ଧ୍ୟାରେ ଅନୁଷ୍ଠିତ ହୋଇଥିଲା ।
