ଓଡ଼ିଶା ତାଜା ନ୍ୟୁଜ୍ (୩ ଏପ୍ରିଲ ଶନିବାର ) ରଣପୁର :- ରାଜାରାଜୁଡା ଅମଳରୁ ଚାଲିଆସିଥିବା ରଣପୁର ଗଡଜାତର ପ୍ରସିଦ୍ଧ ପଞ୍ଚୁଦୋଳ ଯାତ୍ରା ଚଳିତବର୍ଷ କୋଭିଡ କଟକଣା ଯୋଗୁଁ ଫିକା ପଡିଯାଇଥିଲେ ହେଁ ଶହେ ଆଠ ଦୋଳ ଙ୍କୁ ନେଇ ପଞ୍ଚୁଦୋଳ ପାଳିତ ହୋଇଯାଇଛି । ଶୁକ୍ରବାର ଅନୁଷ୍ଠିତ ଏହି ପଞ୍ଚୁଦୋଳ ଯାତ୍ରାରେ ବାଜା, ବାଣ, ସଂକୀର୍ତ୍ତନ ଓ ରୋଷଣୀ ବିନା କେବଳ ଘଣ୍ଟ ଘଣ୍ଟା ନାଦ ସହିତ ନିରାଡମ୍ବର ଭାବେ ୧୦୮ଟି ବିମାନକୁ ନେଇ ଶୋଭାଯାତ୍ରା ହୋଇଥିଲା ।
ରଣପୁରଗଡର ପ୍ରସିଦ୍ଧ ପଞ୍ଚୁଦୋଳ ଯାତ୍ରାରେ ରଣପୁର ର ପ୍ରସିଦ୍ଧ ଠାକୁରାଣୀ ମାଆ ମଣିନାଗ ଙ୍କ ବିମାନ ସହ ଆଖପାଖ ଅଞ୍ଚଳର ୧୦୮ ଟି ବିମାନ ଯୋଗ ଦେଇଥାନ୍ତି । ତେବେ କରୋନା କଟକଣା ଯୋଗୁଁ ଏହାକୁ ପ୍ରଶାସନ ପକ୍ଷରୁ ଜାରୀ ନିୟମ କାନୁନ୍ ରେ ସୀମିତ ରଖିବା ପାଇଁ ପୁର୍ବରୁ ନିଷ୍ପତ୍ତି ନିଆ ଯାଇଥିଲା ।
ସମସ୍ତ ଭକ୍ତ ଙ୍କୁ ମାସ୍କ ପିନ୍ଧି ଦର୍ଶନ କରିବା ବାଧ୍ୟତା ମୂଳକ କରାଯିବା ସହ ସାମାଜିକ ଦୂରତ୍ୱ କୁ ବଜାୟ ରଖିବା ପାଈଁ ପଞ୍ଚୁଦୋଳ ପଡିଆ ରେ ସ୍ୱତନ୍ତ୍ର ପୋଲିସ ଫୋର୍ସ ର ବ୍ୟବସ୍ଥା କରଯାଇଥିଲା ଏଥିସହ ଚାଇନା ରଙ୍ଗ କୁ ସମ୍ପୁର୍ଣ୍ଣ ବାରଣ କରଯାଇଥିଲା । ବହୁ କମ ସଂଖ୍ୟକ ଭକ୍ତ ଙ୍କ ସମାଗମ ଦେଖିବାକୁ ମିଳିଥିଲା ଚଳିତ ବର୍ଷ ପଞ୍ଚୁଦୋଳ ଯାତ୍ରା ରେ । ପୂର୍ବ ରୀତି ନୀତି ତଥା ପରମ୍ପରା ଅନୁଯାୟୀ ରଣପୁର ଗଡ଼ର ଅଧିଷ୍ଠାତ୍ରୀ ଦେବୀ ମାଆ ମଣିନାଗ ଙ୍କୁ ସଭାପତି ଭାବେ ସର୍ବ ପ୍ରଥମେ ପଞ୍ଚୁଦୋଳ ପଡିଆ ର ମଝିରେ ମାଆ ଙ୍କୁ ବିରାଜମାନ କରାଯିବା ପରେ ୧୦୮ ଦୋଳ ନିଜ ନିଜ ସ୍ଥାନ ଅଧିଗ୍ରହଣ କରିଥାନ୍ତି । ରଣପୁର ଅଞ୍ଚଳର ଶ୍ରୀ କମଳେଶ୍ୱର ଦେବ, ଶ୍ରୀ ଚଣ୍ଡେଶ୍ୱର ଦେବ, ଶ୍ରୀ ଦଣ୍ଡାବାଲୁଙ୍କେଶ୍ୱର ଦେବ, ଶ୍ରୀ ହରିହରେଶ୍ୱର ଦେବ
ଶ୍ରୀ ସ୍ୱପ୍ନେସ୍ୱର ଦେବ, ଶ୍ରୀଦୋଳଗୋବିନ୍ଦ ଦେବ, ଶ୍ରୀ ଚୈତନ୍ୟ ଦେବ , ଶ୍ରୀ ଦଧିବାମନ ଦେବ ଙ୍କ ବିମାନ ଯୋଗ ଦେଇଥିଲେ । ରଣପୁର ର ମୁଖ୍ୟ ଚିକିତ୍ସାଳୟ ସ୍ଥିତ ପଞ୍ଚୁ ଦୋଳ ପଡିଆରେ ଗତ ରାତି ରେ ପରସ୍ପର ମଧ୍ୟରେ ଦୂରତା ରକ୍ଷା କରି ବିମାନ ଗୁଡିକ ଶୋଭାଯାତ୍ରା କରିଥିଲେ । ଅଞ୍ଚଳ ପରିକ୍ରମା କରି ସକାଳେ ବିମାନ ଗୁଡିକ ଏକତ୍ର ପଞ୍ଚୁଦୋଳ ପଡିଆ ଠାରେ ପୁଜା ପାଇଥିଲେ । ସକାଳ ୧୦ ଟାରେ ରଣପୁର ର ରାଜା ଶ୍ରୀ ଦିଲ୍ଲୀପ ଚନ୍ଦ୍ର ସିଂ ଦେଓ ଏବଂ ରାଜକୁମାର କୌଶିକ ଚନ୍ଦ୍ର ସିଂ ଦେଓ ଉପସ୍ଥିତ ରହି ୧୦୮ ଦୋଳ ଙ୍କୁ ଭୋଗ ରାଗ , ଧୂପ ଦୀପ, ପୁଷ୍ପ ମାଲ୍ୟ , ଫଗୁ ଓ ଦକ୍ଷିଣା ଅର୍ପଣ କରି ମାଆ ମଣିନାଗ ଙ୍କ ନିକଟରେ ରାଜ୍ୟବାସୀ ଙ୍କ ନିମନ୍ତେ ଆଶ୍ରିବାଦ ଭିକ୍ଷା କରିଥିଲେ ।
