୨ୟ ବୋଡାସମ୍ବର ନାଟକ ମହୋତ୍ସବ ଉଦଘାଟିତ

ଓଡିଶା ତାଜା ନ୍ୟୁଜ୍ (୨୫ ମାର୍ଚ୍ଚ ଗୁରୁବାର ) ପଦ୍ମପୁର :- ସ୍ଥାନୀୟ ରିକ୍ରିଏସନ ସେଣ୍ଟର ସ୍ଥିତ ରଙ୍ଗ ମଞ୍ଚରେ,ବୋଡାସମ୍ବର କଲଚରାଲ୍ ଫୋରମ୍ ତରଫରୁ ଦ୍ବିତୀୟ ବୋଡାସମ୍ବର ନାଟକ ମହୋତ୍ସବ ଉଦଘାଟିତ ହୋଇ ଯାଇଛି । ଫୋରମ ର ସଭାପତି ଶ୍ରୀ ମନୋରଞ୍ଜନ ସିଂ ବରିହାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଘାଟନୀ ସଭାରେ,ସଂପାଦକ ଡଃ ମାନ ଭଞ୍ଜନ ପ୍ରଧାନ ଉଦ୍ଦେଶ୍ଯ ଞାପନ କରିଥିଲେ । ପଦ୍ମପୁର ଆଇଆଇସି ଶ୍ରୀ ମାନସ ରଞ୍ଜନ ପ୍ରଧାନ ମୁଖ୍ୟଅତିଥି ଭାବେ ଯୋଗଦାନ କରି,ମା ସମଲେଇଙ୍କ ପ୍ରତିଛବି ସମ୍ମୁଖରେ ଦୀପ ପ୍ରଜ୍ମଳନ କରି ଉତ୍ସବକୁ ଉଦଘାଟନ କରିଥିଲେ । ଏଇ କାର୍ଯ୍ୟକ୍ରମ କୁ ପରିଚାଳନା କରିଥିଲେ ରାଜେନ୍ଦ୍ର ମହାନ୍ତି । ନାଟକରେ ପ୍ରତିଫଳିତ ପ୍ରତିଟି ଦୃଶ୍ଯ ମଣିଷକୁ ନିଜକୁ ଆତ୍ମଚିନ୍ତନର ଖୋରାକ ଯୋଗାଇ ଦେଇଥାଏ ବୋଲି ମୁଖ୍ୟଅତିଥି ଭାଷଣ ପ୍ରସଙ୍ଗରେ କହିଥିଲେ ।

ପରେ ଆଭାରାଣୀ ସାହୁ ଓ ସାଗରିକା ଯୋଷୀଙ୍କ ଚମତ୍କାର ନୃତ୍ଯ ପ୍ରଦର୍ଶନ ରୁ ନାଟକ ପ୍ରଦର୍ଶନ ଆରମ୍ଭ ହୋଇଥିଲା । ପ୍ରଥମ ସନ୍ଧ୍ୟାରେ ନାଟ୍ୟକାର ଅଶୋକ ବହିଦାରଙ୍କ ବହୁ ଚର୍ଚ୍ଚିତ ନାଟକ ” ବାବୁ ଖର୍ଚ୍ଚା ” କୁ ଡଃ ତୁଷାରକାନ୍ତ ସାହୁଙ୍କ ନିର୍ଦ୍ଦେଶନାରେ ପରି ବେଷଣ କରିଥିଲେ ” ଡ୍ରାମା ଚେତନା ” ସୋହେଲା ର କଳାକାର ମାନେ । କ୍ଷୀରୋଦ୍ର ସାହୁ,ଚନ୍ଦ୍ରମଣି ଭଂଜ,ଦିଲିପ ଷଡ଼ଙ୍ଗୀ,ଶୋଭା ସ୍ବରୂପ ପାଣିଗ୍ରାହୀ,ବୁଦ୍ଧଦେବ ଭୋଇ,ଶ୍ରୀକାନ୍ତ ସାହୁ,ତୁଳସୀ ରାମ ପାଣି ଓ ମଧୁସ୍ମିତା ନାୟକଙ୍କ ନିଖୁଣ ଅଭିନୟ ବିଶେଷ ଦର୍ଶକ ସ୍ବୀକୃତି ପାଇଥିଲା ।

ବଡ ବଡଆ ବାବୁଙ୍କ ଆତିଥ୍ଯ ପାଇଁ ତଳିଆ କର୍ମଚାରୀ ମାନଙ୍କ ହଟହଟା ର ଜୀବନ୍ତ ଚିତ୍ର ନାଟକରେ ଉପସ୍ଥାପିତ ହୋଇଥିଲା । ନାଟକରେ ଶେଖର ଦାଶ ମଞ୍ଚ ସଜ୍ଜା,ନିମେଇ ମହାନନ୍ଦ ସଙ୍ଗୀତ,ଗୋପାଳ ନାୟକ କଣ୍ଠଦାନ,ଡଃ ତୁଷାରକାନ୍ତ ସାହୁ,ଆଲୋକ ସଂପାତ,କିଶୋର ଗଡତିଆ ମଞ୍ଚ ପରିଚାଳନା ଦାୟିତ୍ବ ତୁଲାଇ ଥିଲେ । ପରିଶେଷରେ ମୁଖ୍ଯଅତିଥି ସମସ୍ତ କଳାକାର ମାନଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । (ରିପୋର୍ଟ – ନିରୋଜ କୁମାର ପାଣୀ)