ସ୍ବାମୀ ଦାମୋଦର ସଦା ବାବା ହତ୍ୟା ଘଟଣା ର ପର୍ଦ୍ଦାଫାସ – ଜଣକୁ ଗିରଫ

ଓଡ଼ିଶା ତାଜା ନ୍ୟୁଜ୍ (୦୫ ମାର୍ଚ୍ଚ, ଶୁକ୍ରବାର ) ବରଗଡ଼ :- ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ରେଙ୍ଗାଲି କ୍ୟାମ୍ପ ନିକଟରେ ଅବସ୍ଥିତ ବାଳ ଯୋଗେଶ୍ବରୀ ଆଶ୍ରମ ପରିସରରେ ଘଟିଥିବା ସ୍ବାମୀ ଦାମୋଦର ସଦା ବାବା ହତ୍ୟା ଘଟଣା ରେ ଜଣକୁ ଗିରଫ କରି ପୋଲିସ ରହସ୍ୟ ର ପର୍ଦ୍ଦାଫାସ କରିଛି ।  ଅଭିଯୁକ୍ତ ରେଙ୍ଗାଲି କ୍ୟାମ୍ପ ର ସୁରେନ ପଟେଲ (୨୯) ।  ଏ ସମ୍ପର୍କରେ ଆଜି ଏକ ସାମ୍ବାଦିକ ସମ୍ମିଳନୀରେ ବରଗଡ଼ ଏସଡିପିଓ ଦୀପକ କୁମାର ଗୋଚ୍ଛାୟତ ସୂଚନା ଦେଇଥିଲେ । ସୂଚନା ମତେ ଅଭିଯୁକ୍ତ ସୁରେନ ସ୍ବାମୀ ଦାମୋଦର ସଦା ବାବା ଙ୍କ ସହ ପୂର୍ବରୁ ଚିହ୍ନା ପରିଚୟ ଥିଲା । 

ଏବଂ ଆଶ୍ରମ କୁ ଯିବା ଆସିବା କରୁଥିଲା ।  ତେବେ ତାର ଆର୍ଥିକ ସମସ୍ୟା ଦେଖାଦେବାରୁ ଅର୍ଥ ଲୋଭରେ ସେ ବାବାଙ୍କୁ ହତ୍ୟା କରିଥିବା ପୋଲିସ ଆଗରେ ସ୍ବୀକାର କରି ଥିବା ଏସଡିପିଓ ଶ୍ରୀ ଗୋଚ୍ଛାୟତ ପ୍ରକାଶ କରିଥିଲେ ।  ଅତାବିରା ଥାନା ର ଅଭିଯୁକ୍ତ ଙ୍କ ବିରୋଧରେ କେଶ ନ° (୫୦/୨୧) ରେ ଏକ ହତ୍ୟା ମାମଲା ରୁଜୁ କରାଯାଇଛି ବୋଲି କହିଥିଲେ ।  ସାମ୍ବାଦିକ ସମ୍ମିଳନୀରେ ଅତାବିରା ଥାନା ଆଇଆଇସି ପୁରୁଷୋତ୍ତମ ଭୋଇ ଉପସ୍ଥିତ ଥିଲେ ।