ବ୍ରହ୍ମପୁର ଆଇଟିଆଇ କଲେଜର ୧୭୨ ଜଣ ଛାତ୍ର କୁ ନିଯୁକ୍ତି

ଓଡ଼ିଶା ତାଜା ନ୍ୟୁଜ୍ (୩ ମାର୍ଚ୍ଚ ବୁଧବାର ) ବ୍ରହ୍ମପୁର :- ବ୍ରହ୍ମପୁର ସ୍ଥିତ ଆଇଟିଆଇ କଲେଜର ୧୭୨ ଜଣ ଛାତ୍ର ଗୁଜୁରାଟ ସ୍ଥିତ ସୁଜୁକି ମୋଟରସ ରେ ନିଯୁକ୍ତି ପାଇ ଆଜି କାର୍ଯ୍ୟରେ ଯୋଗଦାନ କରିବାକୁ ଯାଇଛନ୍ତି । ଏଥିରେ ଫିଟର , ଇଲେକଟ୍ରିସିଆନ, ମେକାନିକ, ଟରନର , ଡିଜେଲ , ମେଟାଷ୍ଟିକର ଛାତ୍ରମାନଙ୍କୁ ଗତ ଡିସେମ୍ୱର ମାସରେ ଇଣ୍ଟରଭ୍ୟୁ ପ୍ରକ୍ରିୟାରେ ଚୟନ କରା ଯାଇଥିଲା । ତେବେ ଆଜି ଛାତ୍ର ମାନଙ୍କର ଯାତ୍ରା ସମୟ ରେ ୟୁସିପି

ଇଂଜିନିୟର କଲେଜର ଅଧ୍ୟକ୍ଷ ଇଂ ଏସ.ଏନ.ଧନ ଓ ଆଇଟିଆଇ କଲେଜର ଅଧ୍ୟକ୍ଷ ଡଃ. ରଜତ କୁମାର ପାଣିଗ୍ରାହୀ ସବୁଜ ପତାକା ଦେଖାଇ ପିଲାମାନଙ୍କୁ ଉତ୍ସାହିତ କରିଥିଲେ । ତେବେ ଗତ ଫେବୃୟାରୀ ୧୭ରେ ଅନୁଷ୍ଠାନର ୨୩୯ ଜଣ ଛାତ୍ରକମ୍ପାନୀରେ ନିଯୁକ୍ତି ପାଇଥିବାବେଳେ ଆଜି ପୁଣି ୧୭୨ ଜଣ ଛାତ୍ର କମ୍ପାନୀରେ ନିଯୁକ୍ତି ପାଇ ଅନୁଷ୍ଠାନକୁ ଗୌରବାନ୍ୱିତ କରିଥିବା ଅଧ୍ୟକ୍ଷ କହିଛନ୍ତି । ତେବେ କମ୍ପାନୀରେ ନିଯୁକ୍ତି ପାଇଥିବା ଛାତ୍ରମାନଙ୍କର ମାସିକ ୧୯ ହଜାର ଟଙ୍କା ଦରମା ଥିବାରୁ ଛାତ୍ରମାନେ ଖୁସିଥିବା ଜଣାପଡିଛି ।
( ରିପୋର୍ଟ : ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ )