+୨ପରୀକ୍ଷା କେନ୍ଦ୍ର ଅବ୍ୟବସ୍ଥାର ୭ଦିନ ମଧ୍ୟରେ ଭିଜିଲାନ୍ସ ତଦନ୍ତ ହୋଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ : ଓଡ଼ିଶା ଅଭିଭାବକ ମହାସଂଘ ।

ବୁଗୁଡା (ଓଡିଶା ତାଜା ନିଉଜ ) ବୁଗୁଡା 8/02/20 :- ରାଜ୍ୟରେ +୨ ପରୀକ୍ଷା ପ୍ରକିୟା ଆରମ୍ଭ ନ ହେଉଣୁ “ଘରେ ନ ପଶୁଣୁ ଚାଳ ବାଜିବା ସଦୃଶ୍ୟ” ପରୀକ୍ଷା କେନ୍ଦ୍ର ଘୋଷଣାରେ ଦୁର୍ନୀତିର ଗନ୍ଧ ପଦାକୁ ଆସିଲାଣି । ରାଜ୍ୟର ଦୁଇ ଜଣ ବରିଷ୍ଠ ବିଧାୟକ ଏହି ସମ୍ପର୍କରେ ଅଭିଯୋଗ ଆଣିଛନ୍ତି । ଏହି କଥାର ପ୍ରଘଟ ପରେ ଅଭିଭାବକ ଓ ଛାତ୍ରଛାତ୍ରୀମାନେ ର୍ବମାନ ଏକପ୍ରକାରର ଦ୍ୱନ୍ଦ ଓ ସନ୍ଦିହାନ ଅବସ୍ଥାରେ ଅଛନ୍ତି । ପରୀକ୍ଷା କେନ୍ଦ୍ର ପରିଚାଳନା ପରୀକ୍ଷା ନିୟବଣକୁ ନେଇ ର୍ବମାନ ସେମାନେ ପ୍ରକ୍ରିୟାରେ ସ୍ୱଚ୍ଛତା ଉପରେ ପ୍ରଶ୍ନ କରିବା ଆରମ୍ଭ କଲେଣି । ଆଜି ଏହି ପରିପ୍ରେକ୍ଷିରେ ଏକ ସାମ୍ବାଦିକ ସ୧ିଳନୀରେ ଓଡ଼ିଶାର ଅଭିଭାବକ ମହାସଂଘ ପକ୍ଷରୁ ସରକାରଙ୍କ ନିକଟରେ ଏକ ଦାବୀ ଉପସ୍ଥାପନା କରାଯାଇଛି । ପ୍ରଥମତଃ ମାନ୍ୟବର ବିଭାଗୀୟ ମବୀ ତୁରନ୍ତ ଏହି ପ୍ରସଙ୍ଗ ଉପରେ ଉଚ୍ଚସ୍ତରୀୟ ଭିଜିଲାନ୍ସ ତଦନ୍ତର ନିଦ୍ଦେଶ ଦିଅନ୍ତୁ ଏବଂ କମିଟି ତାହା ରିପୋର୍ଟ ୭ ଦିନ ମଧ୍ୟରେ ପ୍ରଦାନ କରିବା ସହିତ ଦୋଷୀମାନଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ଫଳସ୍ୱରୂପ ଆଗକୁ ଏପରି କାର୍ଯ୍ୟ କରିବାକୁ କୌଣସି ବ୍ୟକ୍ତି ବିଶେଷ ସାହାସ କରିବେ ନାହିଁ । ଆରମ୍ଭରୁ ଏପରି ତୃଟି ଦେଖାଦେବା ଯୋଗୁଁ ଛାତ୍ରଛାତ୍ରୀ ଓ ଅଭିଭାବକମାନଙ୍କ ସ୍ୱାର୍ଥର ସୁରକ୍ଷା ଓ ପରୀକ୍ଷା ବ୍ୟବସ୍ଥାରେ ସ୍ୱଚ୍ଛତା ଆଣିବା ସରକାରଙ୍କ ପ୍ରାଥମିକତା ହେବା ଉଚିତ୍ । ପୂର୍ବରୁ ଯେପରି +୩ କଲେଜରୁ ପରିଚାଳନା କମିଟିରେ ରାଜନୌତିକ ବ୍ୟକ୍ତିଙ୍କ ସଂପୃକ୍ତିକୁ ବାରଣ କରାଯାଇଛି । ସେହିପରି +୨ କଲେଜରେ ମଧ୍ୟ ଅନୁରୁପ ଭାବରେ ପଦକ୍ଷେପ ତୁରନ୍ତ ଗ୍ରହଣ କରାଯାଉ । ଏପରିକି ରାଜ୍ୟର ସମସ୍ତ ଶିକ୍ଷାନୁଷ୍ଠାନକୁ ରାଜନୈତିକ ବ୍ୟକ୍ତି ବିଶେଷଙ୍କର ସଂପୃକ୍ତିରୁ ମୁକ୍ତ କରାଯାଉ ବୋଲି ମଧ୍ୟ ଓଡ଼ିଶା ଅଭିଭାବକ ମହାସଂଘର ଅଧ୍ୟକ୍ଷ ବାସୁଦେବ ଭ… , ସହ-ଅଧ୍ୟକ୍ଷ ପ୍ରସନ୍ନ ବିଷୋୟୀ , ସତ୍ୟବ୍ରତ ପରିଜା ଓ ଶଙ୍କର ସାମନ୍ତରାୟ ଦୃଢ଼ ଦାବୀ ପୁଣିଥରେ ଉପସ୍ଥାପନା କରିଛନ୍ତି । ବ୍ୟବସ୍ଥାରେ ସ୍ୱଚ୍ଛତା ପାଇଁ ବରିଷ୍ଠ ଶିକ୍ଷାବିତ୍‌, ପରୀକ୍ଷା ପରିଚାଳନାରେ ଅଭିଜ୍ଞ ବ୍ୟକ୍ତିବିଶେଷ ଓ ଶିକ୍ଷାନୁଷ୍ଠାନର ବରିଷ୍ଠ ଶିକ୍ଷକ, ଶିକ୍ଷା ବିଭାଗର ବରିଷ୍ଠ ଅଧିକାରୀଙ୍କୁ ନେଇ ପରୀକ୍ଷା ସମ୍ପର୍କୀତ କମିଟି ଗଠନ କରାଯାଉ । ଯଦି ସରକାର +୨ ପରୀକ୍ଷାକେନ୍ଦ୍ର ଘୋଟାଲାରେ ତୁରନ୍ତ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ନ କରନ୍ତି ତେବେ ଆଗାମୀ ଦିନରେ ବିରାଟ ଜନଆନ୍ଦୋଳନ କରିବ ବୋଲି ଆଜିର ସାମ୍ବାଦିକ ସ୧ିଳନୀରେ ମହାସଂଘ ଚେତାବନୀ ନେଇଛି ।