ତୃତୀୟ ଦିନରେ ବ୍ଲକ ବୁଲବୁଲ ଉତ୍ସବ

ରଣପୁର (ଓଡିଶା ତାଜା ନିଉଜ ) ରଣପୁର 7.2.2020 :- ରଣପୁର ବଜେନ୍ଦ୍ର ଚନ୍ଦ୍ର ନୋଡାଲ ହାଇସ୍କୃଲ ପରିସରରେ ଭାରତ ସ୍କାଉଟ୍ ଓ ଗାଇଡ୍ ତରଫରୁ ଓଡିଶାର ଦ୍ୱିତୀୟ ରାଜ୍ୟ ସ୍ତରୀୟ ବ୍ଲକ ଓ ବୁଲ୍‌ବୁଲ୍ ଉତ୍ସବ ଆଜି ତୃତୀୟ ଦିନରେ ପହଞ୍ଚିଛି । ତୃତୀୟ ଦିନରେ ମୂଖ୍ୟ ଅତିଥି ଭାବେ ଓଡଗାଁ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ନାୟକ , ଅନ୍ୟତମ ଅତିଥି ଭାବେ ସ୍କାଉଟ ଗାଇଡି ର ରାଜ୍ୟ କମିଶନର ଅନାମିକା ଦାସ , ମୁଖ୍ୟ ବକ୍ତା ଭାବରେ ରଣପୁର ପୃର୍ତ ବିଭାଗ ଯନ୍ତ୍ରୀ ଦୟାନିଧି ରାୟଗୁରୁ , ରଣପୁର ଏନଏସି ଉପଉଧକ୍ଷ ପ୍ରିୟବ୍ରତ ପ୍ରହରାଜ , ନୟାଗଡ ସ୍କାଉଟ ଗାଇଡ କମିଶନର ଡଃ ପ୍ରଶାନ୍ତ କୁମାର ମିଶ୍ର , ପ୍ରଧାନ ଶିକ୍ଷୟତ୍ରୀ ତଥା କାର୍ଯ୍ୟକ୍ରମର ସମ୍ପାଦିକା ବନଲତା ବେହେରା , ସ୍କାଉଟ ଗାଇଡି ର ଜିଲ୍ଲା କମିଶନର ରମେଶ ଚନ୍ଦ୍ର ବଳବନ୍ତରାୟ୍ର ପ୍ରମୁଖ ଯୋଗ ଦେଇଥିଲେ । କାର୍ଯ୍ୟକ୍ରମର ସଭାପତି ତଥା ନୟାଗଡ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମୀଧର ବେହେରାଙ୍କ ସଭାପତିତ୍ୱରେ କାର୍ଯ୍ୟକ୍ରମ ପରିଚାଳିତ ହୋଇଥିଲା । ଅବସର ପ୍ରାପ୍ତ ବରିଷ୍ଠ ଶିକ୍ଷକ ବିରଞ୍ଚି ନାରାୟଣ ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିଲେ । ରବିନ୍ଦ୍ର କୁମାର ନାୟକ ଧନ୍ୟବାଦ ଅର୍ପଣ କରିଥିଲେ ଅନ୍ୟତମ ଅତିଥି ଅନାମିକା ଦାସ ତାଙ୍କ ଅଭିଭାଷଣରେ କୁନି କୁନି ପିଲାମାନେ ଶୃଙ୍ଗଳା ମାନିଚଳିଲେ ସମାଜର ଉନ୍ନତି ହେବା ସହିତ ସୁନାଗରିକ ହୋଇପାରିବେ ବୋଲି ମତ ଦେଇଥିଲେ । ଏହି ଉତ୍ସବ ରେ କଟକ, ଖୋର୍ଦ୍ଧା, ନୟାଗଡ, ଗଂଜାମ, ବଲାଙ୍ଗୀର, ପୁରୀ ଆଦି ୬ଟି ଜିଲ୍ଲାରୁ ପ୍ରାୟ ୬୩୦ ପ୍ରତିଯୋଗୀ ଯୋଗ ଦେଇଛନ୍ତି । ୫ ବର୍ଷରୁ ୧୦ ବର୍ଷ ମଧ୍ୟରେ ଅଧ୍ୟୟନ କରୁଥିବା ଛାତ୍ର ଛାତ୍ରୀ ମାନଙ୍କୁ ନେଇ ୮ ତାରିଖ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଚାଲୁ ରହିବ । ପ୍ରଥମେ ରାଜ୍ୟ ସ୍ତରୀୟ କବ ବୁଲବୁଲ ଉତ୍ସବ ପୁରୀ ଠାରେ ଅନୁଷ୍ଠିତ ହୋଇଥିବା ବେଳେ ରଣପୁର ରେ ୨ୟ ରାଜ୍ୟସ୍ତରୀୟ ଉତ୍ସବ ଅନୁଷ୍ଠିତ ହେଉଛି । ସ୍କାଉଟ ର ଜିଲ୍ଲା ଟ୍ରେନିଙ୍ଗ କମିଶନର ଡଃ ପ୍ରଶାନ୍ତ କୁମାର ମିଶ୍ର , ଏକ୍‌ଜୁକେଟିଭ୍‌ ଟ୍ରେନର ଅୟସ୍ମିତା ପଣ୍ଡା , ମିହିର ରଞ୍ଜନ ପଟ୍ଟନାୟକ ଓ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀମାନେ କାର୍ଯ୍ୟକ୍ରମରେ ସହଯୋଗ କରିଥିଲେ । ଏହା ସହିତ ପ୍ରତିଦିନ ବିଭିନ୍ନ ଖେଳ , ନାଚ , ଡିବେଟ , ରଙ୍ଗୋଲି ସାଙ୍ଗକୁ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।